18/02/2017
بفتح ع اخر محادثة بيناتنا ..
لشوفك إذا فايقة او نايمة ..
بلاقيكي فايقة ..
بتطلع بصورتك .. بحس بحكي كتير ..
بس كل بلا تركيز .. بلمسا وبقلك ..
بتعرفي قديش مشتقلك ..
قد ما بحب عيونك ..
قد مابيوجعني اسمك ..
قد ما انا هلق حاسم .. بموضوع نسيانك ..
ورجعك حدا عادي بحياتي ..
بتطلع بالمحادثة .. بحركا ع مهلي ..
بتمرق اشيا بتضحك .. اشيا حلوة ..
وكلمات بتزعل ..
و برجع بصفن بصورتك .. و بقلا ياريت ما صار يلي صار ..
ياريت بيوقف هون ..
و بترجعي جزء مني عن جديد ..
ياريت كان النا دور ب يلي صار ..
بغض النظر عن سلبيتك ..
وكتير ضعف ما كنت متوقعو منك ..
بس ياريت حروفك ..
بيرجعو بيلمسوني من جوا ..
وبتنعاد اول لحظات حكينا فيا ..
وفجأة .. بحس بقسوة بقلبي ..
و بكتييييير جفا ..
ببتسم .. وبقول يمكن لخير ..
والدنيا عم تمشي ..
صحيح في مواقف بطريقا .. بس بعمرا ما وقفت ..
بسكر اسمك .. و بجي لاكتب عنك ..
لأن الحكي يلي بتتصوري بين حروفو ..
ب يخلي هالليل الطويل يقصر ..
و الشمس تطلع اسرع ..
بعد ما كل الفرص ..
خلصو ...
