Guaranty Natural Fertilizer

16/07/2026

# ဇာတ်လမ်းတွဲ စာညွှန်း
# အိပ်မက်ကမ်းပါး ဇာတ်လမ်းတွဲ

Hsu Latt Flim Production က ရိုက်ကူးထုတ်လုပ်ထားတဲ့ အိပ်မက်ကမ်းပါး ဇာတ်လမ်းတွဲကို ဇူလိုင် ၂၂ ရက်နေ့က စတင် ကာ HEY Play Application နဲ့ HEY Play YouTube Channel တို့ကနေ ထုတ်လွှင့် တင်ဆက်သွားမှာပဲ ဖြစ်ပါတယ်။
အိပ်မက်ကမ်းပါး ဇာတ်လမ်းတွဲရဲ့ ဝတ္ထုဇာတ်လမ်းနဲ့ ဇာတ်ညွှန်းကို ယင်းမာကျော်ဝင်း က ရေးသားရေးညွှန်းထားပြီး ဒါရိုက်တာ ကျော်ထင် က Hsu Latt Flim Production အတွက် တာဝန်ယူ ပုံဖော် ရိုက်ကူးထားတာပဲ ဖြစ်ပါတယ်။
အိပ်မက်ကမ်းပါး ဇာတ်လမ်းတွဲမှာ သရုပ်ဆောင်တွေအဖြစ် ဆန်းထွဋ်၊ အကယ်ဒမီ အေးမြတ်သူ၊ ချစ်ခွန်းပိုင်၊ ရှယူ၊ ဝိုင်း၊ ပြည့်ဖြိုးစံ၊ သက်ပိုင်၊ ဦးဘဂျမ်း၊ သာသာ၊ ထက်ယမင်းအိမ်၊ ဆုမုဒြာဟန်၊ ကေခိုင်ထွန်း၊ လဲ့ရည်ဝင်း၊ နွယ်၊ ဦးနေသွေး၊ ဦးစိုးအောင်၊ မိုးသားဦး၊ ကလေးသရုပ်ဆောင် ဆုရတနာထိုက်၊ ဟန်နီသျှံ၊ ဘုန်းပြည့်သျှံ၊ ကြယ်စင်သွန်းနှင့် သရုပ်ဆောင်များစွာ ပါဝင်ထားကာ ဇူလိုင်လ ၂၂ ရက်နေ့က စတင်ကာ အပတ်စဉ် တနင်္လာနေ့မှ သောကြာနေ့အထိ HEY Play Application နဲ့ HEY Play YouTube Channel တို့မှာ ထုတ်လွှင့်ပြသပေးသွားမှာပဲ ဖြစ်ပါတယ်။

16/07/2026

# ရုပ်မြင်သံကြားဇာတ်လမ်းတွဲ စာညွှန်း
# အမုန်းမျက်ရည် ရုပ်မြင်သံကြားဇာတ်လမ်းတွဲ

Mahar TV Channel ၊ Mahar Application နဲ့ For You Application တို့ကနေ အမုန်းမျက်ရည် ရုပ်မြင်သံကြားဇာတ်လမ်းတွဲကို ဇူလိုင်လ ၂၀ ရက်နေ့မှ စတင်ကာ ထုတ်လွှင့်တင်ဆက်သွားမှာ ဖြစ်ပါတယ်။
အမုန်းမျက်ရည် ရုပ်မြင်သံကြား ဇာတ်လမ်းတွဲရဲ့ ဝတ္ထုဇာတ်လမ်းနဲ့ ဇာတ်ညွှန်းကို နေခန့်ကျော် ကရေး သားရေးညွှန်းထားပြီး ဒါရိုက်တာ တင်အောင်ကျော်နှင့် တွဲဖက်ဒါရိုက်တာ နေခန့်ကျော်တို့က Royal King ရုပ်ရှင်ထုတ်လုပ်ရေးအတွက် တာဝန်ယူပုံ ဖော် ရိုက်ကူးထားတာပဲဖြစ်ပါတယ်။
“ကျွန်တော့်အနေနဲ့ ဒီဇာတ်ကားမှာ ခပ်ကြမ်းကြမ်းဆိုးရမယ့် ကာရိုက်တာနဲ့ ပါဝင်ထားပါတယ်။ ကျွန်တော့်အနေနဲ့ ဇာတ်ကောင် ကာရိုက်တာတွေအပေါ်မူတည်ပြီး ဇာတ်တွေလက်ခံဖြစ်တာများတယ်။ သရုပ်ဆောင်တွေက တော်တော်လေးတွေများတယ်။ ပရိသတ်အကြိုက်တွေ့စေမယ့် ဒရာမာဇာတ်လေးပါ။ အပိုင်း ၂၀ ပါဝင်ပါတယ်”လို့ အမုန်းမျက်ရည်မှာ ပါဝင်ထားတဲ့ သရုပ်ဆောင် ထက်အောင်ရှိုင်းက ပြောပါတယ်။
“အမုန်းမျက်ရည်” ရုပ်မြင်သံကြား ဇာတ်လမ်းတွဲမှာ သရုပ်ဆောင်တွေအဖြစ် ထက်အောင်ရှိုင်း၊ ရှင်မွေလ၊ ဘုန်းမင်းနေလ၊ သားညီ၊ ဘုန်းလျှံ၊ အကယ်ဒမီ ယွန်းယွန်း၊ ယမုံမြင့်မြတ်၊ မေလသံစဉ်၊ ဘေဘီမောင်၊ အကယ်ဒမီ ဝါဝါအောင်၊ အိမ့်ကြာဖြူ၊ သူဇာပွင့်၊ ဦး ဝင်းမြိုင်၊ ဇင်မျိုး၊ နိုင်လူ၊ ကျော်ဇင်ထွဋ် တို့ပါဝင်ကြမည် ဖြစ်ကာ ဇာတ်လမ်းတွဲကို ဇူလိုင်လ ၂၀ ရက်နေ့ကနေ စတင်ပြီး Mahar TV Channel ၊ Mahar Application နှင့် For You Application တို့ကနေ အပတ်စဉ် တနင်္လာနေ့မှ သောကြာနေ့အထိ ထုတ်လွှင့်တင်ဆက်သွားမှာပဲ ဖြစ်ပါတယ်။

16/07/2026

# ဇာတ်လမ်းတွဲ စာညွှန်း
# ကျားဘီးလူး ဇာတ်လမ်းတွဲ

စိုး ရုပ်ရှင်ထုတ်လုပ်ရေးက ရိုက်ကူးထုတ်လုပ်တဲ့ ကျားဘီးလူး ဇာတ်လမ်းတွဲကိုတော့ လာမယ့် ဇူလိုင်လ ၂၀ ရက်နေ့က စတင်ကာ ရွှေနဒီအပလီကေးရှင်းက ထုတ်လွှင့်တင်ဆက်သွားမှာ ဖြစ်ပါတယ်။
ကျားဘီးလူး ဇာတ်လမ်းတွဲရဲ့ ဝတ္ထုဇာတ်လမ်းနဲ့ ဇာတ်ညွှန်းကို ဖိုးကျော် (သန်လျင်) ရေးသားရေးညွှန်းထားပြီး ဖိုးကျော်(သန်လျင်)ကပဲ ဒါရိုက်တာအဖြစ် တာဝန်ယူ ပုံဖော်ရိုက်ကူးထားတာ ဖြစ်ပါတယ်။
“ကျွန်တော့်က ဒီကျားဘီလူးဇာတ်လမ်းတွဲမှာ အပြောကြမ်းပြီး ညီတွေကို မေတ္တာအပြည့်နဲ့ ချစ်တဲ့သူပေါ့။ ကိုယ့်ညီတွေကို အမြဲကာကွယ်စောင့်ရှောက်ပေးတတ်တဲ့ ညိုကြီး ကာရိုက်တာပါ။ နောက် အမှန်တရားတွေကို ဒဲ့ပြောတတ်တာကြောင့် ရွာထဲမှာလည်း လူမုန်းများတဲ့သူနေရာက ပါဝင်ထားပါတယ်။ ဒီကားထဲက ညိုကြီးက အပြောကြမ်းသလို လက်ရဲဇက်ရဲရှိပြီးတော့ အမှားကို ခွင့် မလွှတ်တတ်သူလည်းဖြစ်တယ်။ ရွာသားတွေရဲ့ မုန်းတီးမှုကို ခံနေရသူဖြစ်ပေမယ့် သူ့ရဲ့ခက်ထန်မှုနောက်ကွယ်မှာတော့ မိဘ တွေဆုံးပါးတဲ့နောက် ညီဖြစ်သူတွေကို ပခုံးထမ်းပြီး ဘဝကို ရုန်းကန်ခဲ့သူ တစ်ရွာလုံးနဲ့ တစ်ယောက်နေရာမို့ ပရိသတ်တွေ အားပေးကြဦးလို့ပြောချင်ပါတယ်”လို့ အဲဒီ ဇာတ်လမ်းတွဲမှာ ပါဝင်ထားတဲ့ သရုပ်ဆောင် စစ်နိုင်က ပြောပါတယ်။
ကျားဘီးလူး ဇာတ်လမ်းတွဲမှာတော့ သရုပ်ဆောင်တွေအဖြစ် စစ်နိုင်၊ မုဏ်း၊ ထူးခြား၊ အံ့မင်းညို၊ မင်းဇော်၊ ငြိမ်း၊ ချစ်မမမိုး၊ မျိုးကို၊ ဟိဏ်းစစ်၊ ကောင်းစစ်ဟိန်း၊ အောင်ကောင်းဆက်၊ ဖိုးကျော်(သန်လျင်)၊ ဘုန်းမြင့်ဇော်၊ ဇော်ထွန်း၊ ခေးကို၊ ဦးဇေယျလင်း၊ တာတီး၊ ကိုထွဋ်၊ စောအောင်၊ ရှိုင်းမင်းထက်၊ ချောကလျာ စသူတို့နှင့် သရုပ်ဆောင်များစွာ ပါဝင်ထားကြောင်းလည်း သိရပါတယ်။

14/07/2026

# ဇာတ်လမ်းတွဲ စာညွှန်း
# သူစိမ်း ဇာတ်လမ်းတွဲ

Mahar Application က သူစိမ်း ဇာတ်လမ်းတွဲကို ဇူလိုင်လ ၂၂ ရက်နေ့က စတင်ကာ ထုတ်လွှင့်တင်ဆက်သွားမှာ ဖြစ်ပါတယ်။
သူစိမ်း ဇာတ်လမ်းတွဲရဲ့ ဝတ္ထုဇာတ်လမ်းကို အေမွန်ကို ရေးသားရေးဖွဲ့ထားပြီး အေးမွန်ကို နဲ့ လူညိုချောတို့က ဇာတ်ညွှန်းရေးညွှန်းထားကာ ဒါရိုက်တာ အိ (အရုဏ်ဦး)က အောင်သီရိရုပ်ရှင်ထုတ်လုပ်ရေးအတွက် တာဝန်ယူ ပုံဖော်ရိုက်ကူးထားခြင်း ဖြစ်ကြောင်းသိရပါတယ်။
ဒီဇာတ်လမ်းတွဲကတော့ အောင်သီရိရုပ်ရှင်ထုတ်လုပ်ရေး နဲ့ Mahar တို့ ပူးပေါင်း စီစဉ်ထားတဲ့ ဇာတ်လမ်းတွဲလည်း ဖြစ်ပါတယ်။ ဒီဇာတ်လမ်းတွဲမှာတော့ သူစိမ်းဆိုတဲ့အတိုင်း ပဟေဠိဆန်တဲ့ ဆက်ဆံရေးတွေ ၊ ဖုံးကွယ်ထားတဲ့ အမှန်တရားတွေနဲ့ စိတ်လှုပ်ရှားစရာ အကြောင်းအရာတွေကို မြင်တွေ့ရမှာပါ။
သူစိမ်း ဇာတ်လမ်းတွဲမှာတော့ သရုပ်ဆောင်တွေအဖြစ် ညီနန္ဒ၊ ဗညားဘုန်းပြည့် ၊ တေဇလင်းရောင် ၊ ရဲရင့်စည်သူ ၊ ဖူးစုံ ၊ ထက်ထက်ထွန်း ၊ သင်းသဲဗို ၊ ရွှေပုံ ၊ နှင်းဝတ်ရည်ကျော် နှင့် သရုပ်ဆောင်များစွာ ပါဝင်ထားကြောင်းလည်း သိရပါတယ် ။

14/07/2026

# အနုပညာပြတင်း
# မိသားစု ရုပ်မြင်သံကြားဇာတ်လမ်းတွဲ ကန်တော့ပွဲပေး

Cloud Seven Production & Entertainment က ရိုက်ကူးထုတ်လုပ်မယ့် “မိသားစု ” ရုပ်မြင်သံကြားဇာတ်လမ်းတွဲ ကန်တော့ပွဲပေးကိုတော့ ရန်ကုန်မြို့က အိမ်တော်ရာစေတီမှာ ပြုလုပ်ခဲ့ပါတယ်။
“မိသားစု ” ဇာတ်လမ်းတွဲရဲ့ ဝတ္ထုဇာတ်လမ်းနဲ့ ဇာတ်ညွှန်းကို အင်ကြင်းဟန် က ရေးသားရေးဖွဲ့ထားပြီး ဒါရိုက်တာ ပွင့်သိင်္ဂီဇော် က တာဝန်ယူ ပုံဖော်ရိုက်ကူးပေးသွားမှာ ဖြစ်ပါတယ်။
"ဒီ မိသားစု Series မှာက ကိုယ်က အငယ်ဆုံးသားပေါ့။ မိသားစုကိုလည်း အရမ်းချစ်တယ်။ ကိုယ်ချစ်တဲ့ ကောင်မလေးတွေ့ ပြီးသွားချိန်မှာ မိသားစုနဲ့ ကိုယ့်ကောင်မလေးကြားမှာ Conflict ဖြစ်တဲ့ ပုံစံပေါ့။ ဘယ် Relationship မှာမဆို မိသားစုတွေကပ်ပါလာတယ်ဆိုရင် အဆင်မပြေမှုတွေ တောက်လျှောက်ဖြစ်လာတာပဲလေ။ သရုပ်ဆောင်တွေကလည်း Cloud Seven က Actor တွေလည်း အများကြီးလည်း ပါတယ်။ Series ဆိုတော့ Team work ကောင်းကောင်းလေးနဲ့ ရိုက်ကြမှာပါ"လို့ “မိသားစု ”ဇာတ်လမ်းတွဲမှာ ပါဝင်မယ့် သရုပ်ဆောင် အလင်းရောင်က ပြောပါတယ်။
“မိသားစု ” ဇာတ်လမ်းတွဲမှာ အလင်းရောင်၊ ဝင့်ယမုံနိုင်၊ စည်ဖြိုး၊ အကယ်ဒမီ မြတ်ကေသီအောင်၊ အကယ်ဒမီ ဝါဝါအောင်၊ ပက်စီ၊ နှင်းရွေရည်တို့နဲ့အတူ Cloud Seven မှ ဖူးဖူးနန်းတော်၊ ကျော့ကျော့၊ လီမွန်၊ နှင်းရွေရည်ဝင်း၊ ဖြိုးဟန်ကျော်၊ ခန့်အုပ်စိုး၊ ဘုန်းမြတ်မင်းသန့်၊ အောင်ဖြိုးဟိန်း၊ ရတီနန္ဒာ၊ မေရတီခန့်၊ နန်းဦးလှိုင်နဲ့ အနု ပညာရှင်များစွာ ပါဝင်ကြမှာပဲ ဖြစ်ပါတယ်။

12/07/2026

# ရုပ်ရှင်ဇာတ်ကားကြီးစာညွှန်း
#"ပွေရှိတ်" ရုပ်ရှင်ဇာတ်ကားကြီး

The Thinker ရုပ်ရှင်ထုတ်လုပ်ရေးမှ စီစဉ်ထုတ်လုပ်တဲ့ "ပွေရှိတ်" ရုပ်ရှင်ဇာတ်ကားကြီးကတော့ ဇူလိုင်လ (၁၇) ရက်နေ့ မှာ ရုံ တွေပေါ်တက်လာတော့မှာပဲ ဖြစ်ပါတယ်။
"ပွေရှိတ်" ရုပ်ရှင်ဇာတ်ကားကြီးရဲ့ ဝတ္ထုဇာတ်လမ်းနဲ့ ဇာတ်ညွှန်းကို ဒိန်းဒေါင် နဲ့ ရာဇဝင်ကိုတို့က ရေးသားရေးညွှန်းထားကြပြီး ဒါရိုက်တာ ရာဇဝင်ကိုက The Thinker ရုပ်ရှင်ထုတ်လုပ်ရေးအတွက် တာဝန်ယူ ပုံဖော်ရိုက်ကူးထားတာပဲ ဖြစ်ပါတယ်။
ဒီဇာတ်ကားက သဘာဝကျကျ ဟာသဟာသဇာတ်မြူးလေးဖြစ်ပြီး၊ ရပ်ထဲရွာထဲမှ ကြုံဖူးနေကျ အလွှဲလေးတွေကို မြင်ရမှာ ဖြစ်ပါတယ်။ ရှုပ်ထွေးပွေလီနေတဲ့ အလွဲတွေနဲ့ ဘယ်လို ခွီနေရမလဲ။ အလွဲပေါင်းများစွာကို ရှယ်ပလန်နဲ့ ခွီနေရမယ့် ဇာတ်ကားလည်း ဖြစ်ပါတယ်။
"ပွေရှိတ်" ရုပ်ရှင်ဇာတ်ကားကြီးမှာတော့ သရုပ်ဆောင်တွေအဖြစ် ကောင်းမြတ်စံ၊ မင်းဘုန်းမြတ် ၊ထက်ယံ၊ ဒိန်းဒေါင်၊မျိုးကိုကိုကျော်၊ ခြူးလေး၊ ထွန်းပုလဲရတနာ၊ ပက်စီ နှင့် အနုပညာရှင်များစွာ ပါဝင်ထားကြောင်းလည်း သိရပါတယ်။

12/07/2026

# အနုပညာပြတင်း
#ဒုတိယနေရာမှ ပထမလူ ရုပ်မြင်သံကြားဇာတ်လမ်းတွဲ ကန်တော့ပွဲပေး

MRTV-4 နှင့် FOREVER GROUP တို့ ပူးပေါင်းတင်ဆက်မယ့် ဒုတိယနေရာမှ ပထမလူ ရုပ်မြင်သံကြားဇာတ်လမ်းတွဲ ကန်တော့ပွဲပေး အခမ်းအနားကိုတော့ ရန်ကုန်မြို့က ကျိုက္ကစံစေတီတော်ကြီးမှာ ပြုလုပ်ခဲ့ပါတယ်။
ဒုတိယနေရာမှ ပထမလူ အမည်ရှိ ရုပ်မြင်သံကြားဇာတ်လမ်းတွဲကတော့ စာရေးဆရာကြီး လယ်တွင်းသားစောချစ် ရဲ့ ထင်ရှား တဲ့ ဒုတိယနေရာမှ ပထမလူ လုံးချင်းဝတ္ထုကို ကျော်ကျော်ထွန်း နဲ့ စန်းစန်းရင် က ဇာတ်ညွှန်းရေးညွှန်းထားပြီး ဒါရိုက်တာ ထက်နောင်ထွန်းက တာဝန်ယူပုံဖော်ရိုက်ကူးသွားမှာပဲ ဖြစ်ပါတယ်။
သူ့ဘဝမှာ မတောင့်မတ ၊ မကြောင့်မကြနေရတဲ့ ကောင်လေးဟာ သူအရမ်းချစ်မိသွားတဲ့ ကောင်မလေးကို တွေ့သွားတဲ့အခါမှာတော့ မိဘတွေသဘောတူထားတဲ့ မိန်းကလေးကို မယူဘဲ သူချစ်ရတဲ့ ကောင်မလေးကို ရအောင် လိုက်ရှာတဲ့ ကောင်လေး ၊ အမှုဒုက္ခတွေရင်ဆိုင်ရပေမယ့် အားမလျှော့ဘဲ ကိုယ်ချစ်ရတဲ့လူကို လိုက်ရှာတဲ့ကောင်လေးတစ်ယောက်အကြောင်းကို ရေးဖွဲ့ထားတဲ့ “ ဒုတိယနေရာမှ ပထမလူ “ ရသဝတ္ထုရှည်ကို ရုပ်သံဇာတ်လမ်းတွဲအဖြစ် ဖန်တီးတင်ဆက်ကြတော့မှာ ဖြစ်ပါတယ် ။
ဒုတိယနေရာမှ ပထမလူ ရုပ်မြင်သံကြားဇာတ်လမ်းတွဲမှတော့ သရုပ်ဆောင်တွေအဖြစ် အောင်ရဲထိုက်၊ အောင်ပိုင်၊ ဝိုင်းရွှေရည်၊ စနိုးကြည်ဖြူ ၊သက်ဦးကို ၊ ဆုမွန် ၊သက်ထက်၊ မှူးသီဟသူ ၊ ကျော်မိုးပိုင် ၊ သျှင်ဖုန်းနွယ်၊ ပန်းဝတ်မှုံ ၊ ကောင်းခန့်စိုး ၊ မင်းကမ္ဘာ ၊ ပန်ဆု ၊မေမြန်မာ၊ စိုင်းဇေယျ ၊ အောင်လံ၊ အကယ်ဒမီဝါဝါအောင် ၊အကယ်ဒမီ ခင်မို့မို့အေး ၊ ဇော်ဝင်းမောင် ၊ အိမ့်ကြာဖြူ၊ အေးအေးအောင် ၊ဒေါင်းဝေ၊ အိတုံ ၊ ဧည့်သည်သရုပ်ဆောင် စောမင်းယျာနှင့် အနုပညာရှင်ပေါင်းများစွာ ပါဝင်ကြမှာပဲ ဖြစ်ပါတယ်။

11/07/2026

🌏 ရာသီချိန်ခါ သတင်းလွှာ (11.7.2026- 17.7.2026)
🍀 စိုက်ပျိုးရေးအကျိုးပြု အပတ်စဥ် မိုးလေဝသ သတင်းစဥ်

လေဖိအားနည်းရပ်ဝန်းနဲ့ မုန်တိုင်းတွေ ကင်းစင်နေ

ဘင်္ဂလားပင်လယ်အော်နဲ့ ကပ္ပလီ ပင်လယ်ပြင်တို့မှာ လေဖိအားနည်းရပ်ဝန်းနဲ့ မုန်တိုင်းတွေ ကင်းစင်နေပါတယ်။ အနောက်တောင်မုတ်သုံလေကတော့ ပိုမို ဘင်္ဂလားပင်လယ်အော်နဲ့ ကပ္ပလီ ပင်လယ်ပြင်တို့မှာ အားကောင်းနေပါတယ်။ မုတ်သုံအားကောင်းနေမှုကြောင့် မိုးဆက်လက် ရွာသွန်းမှုတွေနဲ့ နေရာကွက်ပြီး မိုးကြီးနိုင်တာတွေကတော့ ရှိနိုင်ပါတယ်။

စစ်ကိုင်း၊ မန္တလေးနဲ့ မကွေးတိုင်းကလွဲရင် တစ်နိုင်ငံလုံး မိုးများနိုင်

မြန်မာနိုင်ငံ အလယ်ပိုင်းဒေသတွေဖြစ်တဲ့ စစ်ကိုင်းတိုင်းအောက်ပိုင်း၊ မန္တလေးတိုင်း၊ မကွေးတိုင်းကလွဲရင် ကျန် မြန်မာတစ်နိုင်ငံလုံးမှာ နေရာစိပ်စိပ်ကနေ နေရာအနှံ့အပြား မိုးထစ်ချုန်း ရွာနိုင်ပြီး တစ်ချို့နေရာ တွေမှာ နေရာကွက်ပြီး မိုးကြီးနိုင်ပါတယ်။

နေရာကွက်ပြီး မိုးကြီးနိုင်

ဘင်္ဂလားပင်လယ်အော်နဲ့ ကပ္ပလီ ပင်လယ်ပြင်တို့မှာ မုတ်သုံလေ အားကောင်းနေတာကြောင့် ဇူလိုင် ၁၀ ရက်ကနေ ၁၈ ရက်အတွင်းမှာ နေပြည်တော်၊ ရန်ကုန်တိုင်း၊ ပဲခူးတိုင်း၊ စစ်ကိုင်းတိုင်းအထက်ပိုင်း၊ ဧရာဝတီတိုင်း၊ တနင်္သာရီတိုင်း၊ ကချင်ပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်၊ ရှမ်းပြည်နယ်မြောက်ပိုင်းနဲ့ အရှေ့ပိုင်းတို့မှာ နေရာအနှံ့အပြား မိုးထစ်ချုန်းရွာနိုင်ပြီး နေရာအချို့မှာ နေရာကွက်ပြီး မိုးကြီးနိုင်တယ်လို့ မိုး/ဇလ က သတိပေး ထုတ်ပြန်ထားပါတယ်။

မြစ်အထက်ပိုင်းမှာ မိုးဆက်တိုက်ရွာသွန်းနေသော်လည်း စိုးရိမ်ရေအမှတ်အထိ မတက်နိုင်သေး

ဧရာဝတီမြစ် အထက်ပိုင်းဖြစ်တဲ့ ကချင်ပြည်နယ်ဒေသတွေမှာ မိုးများပြီး မိုးဆက်တိုက် ရွာသွန်း နေကာ မြစ်ရေအခြေအနေဟာ အတက်ဘက်ကို ဦးတည်နေပြီး ဇူလိုင် ဒုတိယ ဆယ်ရက်တာအတွင်းမှာ မြစ်ရေ မြင့်တက်လာနိုင်ပေမဲ့ စိုးရိမ်ရေအမှတ်အထိ မြင့်တက်လာနိုင်ဖွယ်မရှိကြောင်း သိရပါတယ်။ ဧရာဝတီမြစ်ရေဟာ မြစ်ကြီးနားမြို့မှာ စိုးရိမ်ရေအမှတ်ကို ရောက်ရှိဖို့ ၁၅ ပေကျော်ခန့်အလိုမှာ ရောက်ရှိနေတယ်လို့ သိရပါတယ်။

လျှပ်တစ်ပြက် ရေကြီးရေလျှံမှု သတိပြုရန်လိုအပ်

မိုးကြီးနိုင်တဲ့သတိပေးချက်တွေ ထုတ်ပြန်ထားသလို တနင်္သာရီတိုင်းနဲ့ ရခိုင်ပြည်နယ်တို့မှာ မုတ်သုံလေ တွန်းအားကြောင့် ၂၄ နာရီအတွင်းမှာ နေရာအနှံ့အပြား မိုးသည်းထန်စွာ ရွာသွန်းနိုင်ပြီး လျှပ်တစ်ပြက် ရေကြီးရေလျှံမှုတွေကို သတိပြုရန်လိုအပ်တယ်လို့ ဦးဝင်းနိုင်က သုံးသပ်တင်ပြ ပေးထား ပါတယ်။

ရခိုင်မြောက်ပိုင်းဒေသတွေ သတိထားဖို့လို

ရခိုင်ပြည်နယ်မြောက်ပိုင်းဒေသများမှ ရေကြီးနေသည့်အခြေအနေသည် ဇူလိုင်လ တတိယပတ် (ဇူလိုင် ၂၃-၂၄) အထိ ရေပြန်ကျရန် ခဲယဉ်းပြီး ရေရှည်ရေကြီးခြင်း (Prolonged Flooding) ဖြစ်ပေါ်လာနိုင်ကြောင်း ဦးဝင်းနိုင်က သတိပေးထားပါတယ်။

စိုးရိမ်ရေအမှတ်အထက်က ဘားအံနဲ့ ဘီးလင်း

သံလွင်မြစ်ရေဟာ ဘားအံမြို့နဲ့ ဘီလင်းမြို့မှာ စိုးရိမ်ရေအမှတ်ကို ရောက်ရှိနေပြီး ထပ်မံ မြင့်တက်နိုင်ခြေရှိကာ စိုးရိမ်ရေအမှတ်အထက်မှာ ဆက်ရှိနိုင်တယ်လို့ သိရပါတယ်။

တိုင်ဖွန်းမုန်တိုင်းရဲ့ သက်ရောက်မှု မြန်မာနိုင်ငံကို ရောက်ရှိနိုင်မလား

တိုင်ဖွန်းမုန်တိုင်း BAVI ဟာ လက်ရှိမှာ ဖိလစ်ပိုင်ပင်လယ်နဲ့ ထိုင်ဝမ်အရှေ့ဘက် ပင်လယ်ပြင်တို့မှာ ဗဟိုပြု လှုပ်ရှားနေပြီး လက်ရှိမှာ လေတိုက်နှုန်း တစ်နာရီ ၈၅ မိုင်ခန့် တိုက်ခတ်နေပါတယ်။ တိုင်ဖွန်းမုန်တိုင်းဟာ မြန်မာနိုင်ငံအပေါ် သက်ရောက်မှုမှာ တိုက်ရိုက်ဝင်ရောက်နိုင်ခြေ လုံးဝ မရှိနိုင်ပေမဲ့ အရှိန်ကြောင့် ကပ္ပလီပင်လယ်ပြင်နဲ့ ဘင်္ဂလား ပင်လယ်အော်တို့မှာ အနောက်တောင်မုတ်သုံလေ တိုက်ခတ်မှု အားကောင်းပြီး အားအသင့်အတင့် ရှိခြင်းက မြန်မာနိုင်ငံ နေရာတော်တော်များများမှာ မိုးဆက်လက် ရွာသွန်းနိုင်တယ်လို့ သိရပါတယ်။

အမြင့်ဆုံး အပူချိန် ခန့်မှန်းချက်

အမြင့်ဆုံးအပူချိန်ခန့်မှန်းချက် အနေနဲ့ကတော့ နေပြည်တော်၊ ရန်ကုန်တိုင်း၊ မန္တလေးတိုင်း၊ မကွေး၊ စစ်ကိုင်းတိုင်းအောက်ပိုင်းတို့မှာ ၈၉ ဒီဂရီဖာရင်ဟိုက်မှ ၉၈ ဒီဂရီဖာရင်ဟိုက်ကြား၊ ပဲခူးတိုင်း၊ စစ်ကိုင်းတိုင်းအထက်ပိုင်း၊ ဧရာဝတီတိုင်း၊ တနင်္သာရီတိုင်း ကချင်ပြည်နယ်၊ ကယားပြည်နယ်၊ ကရင်ပြည်နယ်၊ မွန်ပြည်နယ်၊ ရခိုင်ပြည်နယ်၊ ရှမ်းပြည်နယ်မြောက်ပိုင်း၊ ရှမ်းပြည်နယ် အရှေ့ပိုင်းတို့မှာ ၇၉ ဒီဂရီဖာရင်ဟိုက်မှ ၈၈ ဒီဂရီဖာရင်ဟိုက်ကြား၊ ချင်းပြည်နယ်နဲ့ ရှမ်းပြည်နယ် တောင်ပိုင်းတို့ မှာ ၆၉ ဒီဂရီဖာရင်ဟိုက်မှ ၇၈ ဒီဂရီဖာရင်ဟိုက်ကြားမှာ ရှိနိုင်ပါတယ်။

အနိမ့်ဆုံး အပူချိန်

အနိမ့်ဆုံး အပူချိန် ခန့်မှန်းချက်အနေနဲ့ ကယားပြည်နယ်၊ ချင်းပြည်နယ်နဲ့ ရှမ်းပြည်နယ်တောင်ပိုင်းတို့မှာ ၅၉ ဒီဂရီဖာရင်ဟိုက် မှ ၇၀ ဒီဂရီဖာရင်ဟိုက်ကြား၊ နေပြည်တော်၊ ရန်ကုန်တိုင်း၊ မန္တလေးတိုင်း၊ ပဲခူးတိုင်း၊ မကွေးတိုင်း၊ စစ်ကိုင်းတိုင်း၊ ဧရာဝတီတိုင်း၊ တနင်္သာရီတိုင်း၊ ကချင်ပြည်နယ်၊ ကရင်ပြည်နယ်၊ မွန်ပြည်နယ်၊ ရခိုင်ပြည်နယ်၊ ရှမ်းပြည်နယ်မြောက်ပိုင်းနဲ့ အရှေ့ပိုင်းတို့မှာ ၇၁ ဒီဂရီဖာရင်ဟိုက်မှ ၈၂ ဒီဂရီဖာရင်ဟိုက်ကြား၊ ရှိနိုင်ပါတယ်။

၁၀၀ အောက်မှာ အပြောင်းအလဲ သိပ်မရှိတဲ့ ရွှေဈေး

အသင်း ရည်ညွှန်းဈေး မဟုတ်တဲ့ ရွှေတစ်ကျပ်သားရဲ့ ပြင်ပ ပေါက်ဈေးဟာ ၉၆ သိန်းကျော်နဲ့ တည်ရှိနေပြီး အသင်း ရည်ညွှန်းဈေးကတော့ သိန်း ၇၀ အောက်မှာ ရှိပါတယ်။ ပြီးခဲ့တဲ့ ရက်သတ္တပတ်က ဈေးနဲ့ အပြောင်းအလဲ သိပ်မရှိသေးပါဘူး။ ဒေါ်လာ ပြင်ပပေါက်ဈေးကတော့ ၄၃၀၀-၄၄၀၀ ဝန်းကျင် မှာ ရှိပါတယ်။

ဈေး ဆက်တိုက် ကျဆင်းနေပေမဲ့ ပြန်တန်းစီနေရတဲ့ စက်သုံးဆီ

ဇူလိုင်လ ၁၁ ရက် ရန်ကုန်မြို့ စက်သုံးဆီဆိုင်တွေရဲ့ လက်လီအရောင်းဈေးကွက်မှာ 92 တစ်လီတာဈေးနှုန်းဟာ ၃၂၅၀ ကျပ်၊ 95 တစ်လီတာ ၃၃၁၀ ကျပ်၊ ဒီဇယ်တစ်လီတာ ၃၀၉၅ ကျပ်၊ ပရီမီယံဒီဇယ်တစ်လီတာ ၃၇၉၀ ကျပ်ဖြစ်ပါတယ်။ စက်သုံးဆီဈေးတွေဟာ ဆက်တိုက် ကျဆင်းလာတာဖြစ်ပြီး ကုန်ဈေးနှုန်းတွေကတော့ ကျဆင်းလာခြင်း မရှိသေးပါဘူး။ စက်သုံးဆီ တင်သွင်းနေမှု မူဝါဒ အပြောင်းအလဲ မရှိဘူးဆိုရင်တော့ ဈေးထပ်မံ ကျဆင်းလာဖို့ မျှော်လင့်နေကြပြီး အထွေထွေ မြင့်တက်ခဲ့တဲ့ ကုန်ဈေးနှုန်းများ ပြန်လည်ကျဆင်းစေဖို့ အများပြည်သူ ဆန္ဒရှိနေကြပါတယ်။ ဒါပေမဲ့ စက်သုံးဆီ ခွဲတမ်းအရ ဆိုင်တွေမှာ ပြန်တန်းစီနေရပြီး နယ်တွေမှာ ဆီ ခက်ခဲမှုကြောင့် ဈေးပြန်လည် မြင့်တက်လာနိုင်ပြီး ကုန်ဈေးနှုန်းများ ထပ်မံ မြင့်တက်လာမှာကို စိတ်ပူနေကြပါတယ်။

Source: Win Naing (မိုးလေဝသ)
: မိုးလေဝသနှင့် ဇလဗေဒညွှန်ကြားမှုဦးစီးဌာန
မြေဆီလွှာမပျက်စီးစေဖို့ သဘာဝမြေသြဇာကို သုံးကြပါစို့
မြေဆီလွှာ ပြန်လည်ကောင်းမွန်စေဖို့ သဘာဝမြေသြဇာကို သုံးကြပါစို့
အရောင်းကိုယ်စားလှယ်များကို ဖိတ်ခေါ်အပ်ပါတယ်၊

#ဂရန်တီသဘာဝမြေသြဇာ (အော်ဂဲနစ်မြေသြဇာ) FB Page မှာ စုံစမ်းနိုင်ပါတယ်၊

10/07/2026

# အနုပညာပြတင်း
#“ပုံရိပ်ယောင်” ရုပ်မြင်သံကြား ဇာတ်လမ်းတွဲ ကန်တော့ပွဲပေး

MRTV-4 နဲ့ FOREVER GROUP တို့က ပူးပေါင်းတင်ဆက်မယ့် “ပုံရိပ်ယောင် ရုပ်မြင်သံကြား ဇာတ်လမ်းတွဲ ကန်တော့ပွဲပေး အခမ်းအနားကို ရန်ကုန်မြို့က ကျိုက္ကစံစေတီတော်မှာ ပြုလုပ်ခဲ့တယ်လို့ သိရပါတယ်။
“ပုံရိပ်ယောင်” ရုပ်မြင်သံကြား ဇာတ်လမ်းတွဲရဲ့ ဝတ္ထုဇာတ်လမ်းနဲ့ ဇာတ်ညွှန်းကို မယ်ခိုင် ကရေးသားရေးညွှန်း ထားခြင်းဖြစ်ပြီး ဒါရိုက်တာ ကြည်မင်းထွန်းက တာဝန်ယူပုံဖော်ရိုက်ကူးသွားမှာပဲ ဖြစ်ပါတယ်။
“ဒီ ပုံရိပ်ယောင်ဇာတ်ကားမှာ မေလေးနဲ့ အန်တီဆင့်@မေသန်းနုက ဒုတိယအကြိမ်ပြန်ဆုံတာပါ။ သမီးယောက္ခမ ကာရိုက်တာနဲ့ ဆုံရမှာပါ။ တီဆင့်ရဲ့ ချွေးမပေါ့နော်။ မေလေးကို ယောက္ခမက အမြင်မကြည်ဘဲ နှိပ်စက်မှာပေါ့နော်။ ရှေ့ကားမှာလည်း တီဆင့်က မေလေးကို သဘောမတူခဲ့ဘူးပေါ့နော်။ ဇာတ်လမ်းလေးက ကောင်းတယ် Family Drama Supsance ဇာတ်လမ်းပုံစံလေးပါ”လို့ အကယ်ဒမီ မေမြင့်မိုရ်က ပြောပါတယ်။
“ပုံရိပ်ယောင်” ရုပ်မြင်သံကြား ဇာတ်လမ်းတွဲမှာတော့ သရုပ်ဆောင်တွေအဖြစ် အကယ်ဒမီ ထွန်းထွန်း၊ အကယ်ဒမီ မေမြင့်မိုရ်၊ ချာလီငြိမ်း၊ မုဏ်း၊ ဥဩသံသာ၊ စူးရှထူး၊ သျှား၊ အေးမြတ်နိုးစံ၊ အကယ်ဒမီ ရဲအောင်၊ အကယ်ဒမီ မေသန်းနု၊ အကယ်ဒမီ ဝါဝါ အောင်၊ ကလေးသရုပ်ဆောင် ဖြိုးခန့်၊ ဧည့်သည်သရုပ်ဆောင် ဟိန်းရတုနဲ့ အနုပညာရှင်များစွာ ပါဝင်သွားမှာပဲ ဖြစ်ပါတယ်။

08/07/2026