What are the opening hours?

Monday 09:00 - 19:30 Tuesday 09:00 - 19:30 Wednesday 09:00 - 19:30 Thursday 09:00 - 19:30 Friday 09:00 - 19:30 Saturday 09:00 - 19:30 Sunday 09:00 - 19:30

https://www.facebook.com/106795278724997/

Min Galar Par, Min, Yangon (2026)

12/04/2026

မင်တို့ဆိုင်လေး သင်္ကြန်တွင်းပိတ်ထားတယ်နော် သင်္ကြန်အခါညသမယမှာ စိတ်ချမ်းသာကိုယ်ကျန်းမာရှိကြပါစေလို့ မင်ဆုတောင်း‌ပေးပါတယ်နော်

24/12/2025

Chainsaw Man – The Movie: Reze Arc (2025)
------------------------------------------------------
IMDB - 8.5/10, MyAnimeList - 9.1/10

ဒီကောင်ကတော့ Demon Slayer:Infinity Castle ရုံတင်ပြီး ၂ လအကြာမှ ရုံတင်တာဖြစ်ပေမဲ့ Digital Release ကတော့ သူများထက်စောပြီး ထွက်ရှိလာခဲ့ပါပြီ။ အဲဒါကြောင့် ပရိသတ်တွေအတွက် အမြန်ဆုံးတင်ဆက်ပေးလိုက်ရပါတယ်။ ဇာတ်လမ်းကတော့ Standalone မဟုတ်ပဲ Season 1 အပြီး တိုက်ရိုက်ဆက်ထားတာကြောင့် S1 မကြည့်ရသေးရင် အရင်ကြည့်ပြီးမှ ဒါကို ကြည့်စေချင်ပါတယ်။ (Season 1 ကိုလည်းတင်ဆက်ပေးပြီးသားပါ) ကဲ ဒီတော့ Katana Man ဖြစ်ရပ်တွေအပြီးမှာ မောင် Denji တစ်ယောက် Gun နတ်ဆိုးကောင်ကို လိုက်ရှာဖို့ ငါးမန်းမိစ္ဆာတစ်ကောင်နဲ့ အတူတူတွဲလုပ်ရမယ်ဆိုပြီး အီးမှန်နေတဲ့အချိန် Makima ကနေ ဒီနွားကလေးတော့ ထိန်းရတော့မယ်ဆိုပြီး သူနဲ့အလုပ်တူတူတွဲလုပ် ငါ နင်နဲ့ ဒိတ်ပေးမယ်ဆိုပြီး အိပ်မက်တွေပေးလိုက်ပြီး တကယ်လည်း ဒိတ်ပေးခဲ့လိုက်ပါတယ်။ အဲဒီမှာ ဘဝတလျှောက် ကြုံခဲ့သမျှ မိန်းကလေးတွေဆို သူ့ကို သတ်ချင်တဲ့လူတွေပဲဖြစ်နေလို့ စိတ်ပျက်နေတဲ့ Denji အတွက် Makima-san လေးကို သူမှလွဲ၍တခြားမရှိဆိုသလို နတ်ဘုရားမအဖြစ် ကိုးကွယ်ချစ်ကြည်နူးနေတဲ့အချိန် မိုးထဲလေထဲတစ်ရက် ဖုန်းရုံလေးထဲ ဝင်ခိုနားတုန်း ကော်ဖီဆိုင်မှာ အလုပ်လုပ်ပြီး ချစ်စဖွယ်အကျင့်စရိုက်လေးနဲ့ Reze ဆိုတဲ့ကောင်မလေးက သူ့ရင်ထဲ ဝင်ရောက်လာတဲ့အချိန်မှာတော့... စကီလေးနှစ်ယောက်နဲ့ ဗျာများတော့မယ့် Denji တစ်ကောင် ဘာတွေဆက်ဖြစ်မလဲဆိုတာ ကြည့်ရမှာဖြစ်ပါတယ်။ ဇာတ်လမ်းအစပိုင်း နာရီဝက်လောက် ဇာတ်လမ်းကိုပျိုးနေလို့ စကားပြောခန်းတွေနဲ့ Romance ဆန်ဆန်လေး ခံစားရမယ်ဆိုပေမဲ့ ပြီးသွားတာနဲ့ ဇာတ်ကားပြီးတဲ့ထိ တောက်လျှောက်ရှယ်ကြုံးရှယ်ဖိုက်တာကို အသက်ရှုဖို့မေ့ရလောက်အောင်ပါ ကြည့်ရမှာပါ။ Rating တွေလည်းရှယ်ပဲ.... နောက်ပြီး Chainsaw Man ဆိုတော့ တအားလည်း ညွန်းမနေချင်တော့ဘူး၊ ရုံမှာ မကြည့်ခဲ့လိုက်ရဘူးဆိုရင်တော့ သူများထက်ဦးအောင်အပြေးသာကြည့်လိုက်ကြပါတော့လို့...။

(Anime ကားဆိုပြီး ကလေးကြည့်မထင်ပါနဲ့နော် R-Rated ဖြစ်တာကြောင့် သတိထားပြီး ကြည့်ရှူစေလိုပါကြောင်း
Duration…. 1h 40m
Genre ..... Anime, Action, Fantasy
... channal myanmar

19/12/2025

Tharae The Exorcist (2025)
====================
လူတိုင်းမှာ ယုံကြည်ရာကိုယ်စီရှိကြသလိုပဲ ဒီထရယ့်ရွာကတော့ ဘိုးဘေးသရဲတွေကို သက်ဝင်ယုံကြည်ကြပါတယ် ထရယ့်ရွာမှာ တစ္ဆေဆိုးတကောင်ဟာ လူကိုယ်ထဲဝင်ပူးပြီး ဘေးပတ်ဝန်းကျင်ကသူတွေကို ဖုတ်သဖွယ် လိုက်လံစားသုံးပါတယ် ဒါကြောင့် ဖာသာပေါင်လိုက မိစ္ဆာနှင်ဖို့ ဒီရွာကို ရောက်လာပါတော့တယ် ဒါပေမယ့် မိစ္ဆာက တော်တော်ကိုမှ အကောင်ကြီးနေပါပြီ။ ရွာခံ နတ်ဆရာမ မယ်တော်ဆိုဖာကလည်း သူ့ရဲ့တတ်ကျွမ်းတဲ့ပညာနဲ့ နှင်ဖို့ကြိုးစားနေတာကြောင့် ဖာသာပေါင်လိုနဲ့ မယ်တော်ဆိုဖာတို ပူးပေါင်းမိခဲ့ရာမှာတော့ ဒီမိစ္ဆာဆိုးကြီးကို နှိမ်နင်းနိုင်သွားပါ့မလားဆိုတာ စိတ်ဝင်တစားကြည့်ရှုရမဲ့ သရဲကားကောင်းလေး တကားပါ။
Duration…. 01:53:00
... channal myanmar

17/12/2025

The Running Man (2025)
====================
IMDb Rating (6.7) / Rotten Tomatoes (64%)

Stephen King ရဲ့ ဝတ္ထုတွေကိုအခြေခံပြီး ရိုက်ကူးတဲ့ရုပ်ရှင်တွေထဲကမှ သရုပ်ဆောင် Glen Powell ရဲ့ The Running Man ကားအသစ်ထွက်လာပါပြီ။

သားနို့စ်သရုပ်ဆောင် Josh Brolinနဲ့ A list သရုပ်ဆောင်တွေအများကြီးပါဝင်ထားတာပါ။ ဒါရိုက်တာကလည်း Baby Driver နဲ့ Last Night in Soho တို့ကို ရိုက်ကူးတင်ဆက်ထားတဲ့ Edgar Wrightဖြစ်တဲ့အတွက် ပေါ့ပေါ့ပါးပါး ခပ်မြူးမြူးနဲ့ Non stop actionတွေဘက်ကိုသွားထားတာပါ။

The Running Man စာအုပ်ကို အခြေခံထားတဲ့ ဒီရုပ်ရှင်မှာလည်း ပိုက်ဆံလိုနေတဲ့ လူတစ်ယောက်က The Running Man လို့ခေါ်တဲ့ TV အစီအစဥ်မှာ ဝင်ပါတယ်။ ရက် ၃၀ ကြာမယ့် ဒီပြိုင်ပွဲမှာ ရက်ကြာကြာ အသက်ရှင်လေလေ ငွေသားဆုကြေး ကြီးကြီးရလေပဲ။

ဒီရက် ၃၀ အတွင်းမှာတော့ သူနဲ့ တခြားပြိုင်ပွဲဝင်တွေကို Hunters လို့ခေါ်တဲ့ မုဆိုးတွေကရက် ၃၀ မခံအောင် ဝိုင်းရှင်းကြတာမျိုးပေါ့။ ဒါပေမဲ့ ဘန်ရစ်ချတ်ဆိုတဲ့လူကတော့ ဒီမုဆိုးတွေကိုပြန်ဖြုတ်ရင်း သားကောင်ကနေ မုဆိုးဖြစ်ကာ ပရိတ်သတ်အကြိုက်ဆုံး Reality Show ဇာတ်ကောင်ဖြစ်လာတယ်။

ကြည့်ရတဲ့ ပရိတ်သတ်အတွက် တီဗီအစီအစဉ်ဆိုပေမဲ့ အထဲမှာပါတဲ့လူတွေအတွက်တော့ တကယ့် Survival ငရဲတွင်းကြီးပါပဲ။ ရစ်ချတ်တစ်ယောက်ဂိမ်းရဲ့စည်းမျဉ်းတွေကိုဖောက်ထွက်ပြီး ဘယ်လိုအောင်မြင်အောင်ဆော့ပြသွားမလဲဆိုတာကတော့ အတော်လေးစိတ်ဝင်စားဖို့ကောင်းတဲ့ကားပါ။
Duration... 2hr16min
Genre…. Action,Science Fiction,Thriller
... channal myanmar

15/12/2025

Wake Up Dead Man: A Knives Out Mystery (2025)
++++++++++++++++++++++

IMDb Rating (7.9) / Rotten Tomatoes (92%)

ဒီရုပ်ရှင်ကတော့ ပရိသတ်တွေ အားပေးကြတဲ့ Knives Out စီးရီးရဲ့ တတိယမြောက် ဇာတ်ကားဖြစ်ပြီး၊

နာမည်ကျော် စုံထောက်ကြီး Benoit Blanc (ဘီနွိုက် ဘလန့်ခ်) အဖြစ် Daniel Craig ကပဲ ပြန်လည်ဦးဆောင်

ပါဝင်ထားပါတယ်....

ဇာတ်လမ်းအကျဉ်းချုပ်
++++++++++

ဒီတစ်ခါ ဇာတ်လမ်းကတော့ နယူးယောက်မြို့ မြောက်ပိုင်းက ဝေးလံတဲ့ ဒေသတစ်ခုမှာရှိတဲ့ ကက်သလစ်

ဘုရားကျောင်းတစ်ခုကို နောက်ခံထားပါတယ်...

ဇာတ်လမ်းအစမှာ ဖာသာ ဂျဒ်လို့ခေါ်တဲ့ ဘုန်းတော်ကြီးတစ်ပါးဟာ ပြဿနာတစ်ခုကြောင့် ဒီနယ်က ဘုရားကျောင်းကို

ပြောင်းရွှေ့ခံလိုက်ရပါတယ် အဲဒီဘုရားကျောင်းကို အုပ်ချုပ်နေတာကတော့ သြဇာအာဏာကြီးပြီး ဒေါသကြီးတဲ့

မွန်ဆီညော် ဝစ်ခ်စ် ဖြစ်ပါတယ်..

တစ်ရက်မှာတော့... ဘုရားကျောင်းဝတ်ပြုပွဲ လုပ်နေတုန်းမှာပဲ မွန်ဆီညော် ဝစ်ခ်စ်ဟာ ဓားထိုးခံရပြီး သေဆုံး သွားပါတယ်

လူသတ်သမားက ဘယ်သူမှန်း မသိရသလို၊ အဲဒီအချိန်မှာ လူတွေအများကြီး ဝိုင်းနေတဲ့ကြားကနေ ဘယ်သူမှ

မသိလိုက်ဘဲ ဖြစ်သွားတဲ့ "Locked Room Mystery" (အခန်းပိတ် လူသတ်မှု) ပုံစံမျိုးပါ

ဒီအမှုမှာ အဓိက သံသယရှိသူက ဖာသာ ဂျဒ်ဖြစ်နေပေမဲ့၊ စုံထောက်ကြီး ဘလန့်ခ်ရောက်လာပြီးတဲ့နောက်မှာတော့

သူတို့နှစ်ယောက် ပေါင်းပြီး တကယ့်တရားခံကို ရှာဖွေကြပါတော့တယ်...

ဇာတ်ကားက အရင်ကားတွေထက် ပိုပြီး Dark ဖြစ်သလို၊ ဘာသာရေး ယုံကြည်မှုနဲ့ ယုတ္တိဗေဒကြားက

အားပြိုင်မှုတွေကို ထည့်သွင်းရိုက်ကူးထားပါတယ် Daniel Craig အပြင် Josh O'Connor, Josh Brolin,

Glenn Close, Jeremy Renner, Mila Kunis, Andrew Scott စတဲ့ နာမည်ကြီး သရုပ်ဆောင်တွေ

အများကြီး ပါဝင်ထားပါတယ်...

အနှစ်ချုပ်ကတော့... ဘုရားကျောင်းထဲက လျှို့ဝှက်ဆန်းကြယ်တဲ့ လူသတ်မှုကို စုံထောက်ကြီး ဘလန့်ခ်က

ဘယ်လို ဖြေရှင်းပြမလဲဆိုတာကို ရင်ခုန်ပြီးကြည့်ရမယ့် Whodunit (တရားခံဘယ်သူလဲ) ဆိုတဲ့ဇာတ်ကားကောင်း

တစ်ကားဖြစ်ပါတယ်ဗျ.....
Duration…2h 24m
Genre … Comedy , Crime , Drama , Mystery , Thriller
... channal myanmar

12/12/2025

Troll 2 (2025)
+++++++

2022 က နာမည်ကြီးခဲ့တဲ့ နော်ဝေး ဒဏ္ဍာရီလာ သတ္တဝါကားဖြစ်တဲ့ Troll ရဲ့ အဆက်ပဲဖြစ်ပါတယ်။

နော်ဝေး စိတ်ကူးယဉ် ရုပ်ရှင်ကောင်းတစ်ခုလာပါပြီ။

အမေရိကန်မှာကင်းကောင် ဂျပန်မှာ ဂေါ်ဇီလာဆိုသလို နော်ဝေးပုံပြင်တွေမှာလည်း ဘီလူးကြီးတွေဟာ မပါမဖြစ်ပါ။

နော်ဝေးမှာ ခရစ်ယာန်သာသနာ စတင်ပြန့်ပွားစဉ်က ဘီလူးတွေနဲ့ လူတွေတိုက်ပွဲဖြစ်ခဲ့ပြီး

ဘီလူးတွေမျိုးတုံးသွားတဲ့ ပုံပြင်တွေရှိခဲ့ပါတယ်။ အဲဒီဘီလူးတွေဟာ ခရစ်ယာန်တွေကိုမုန်းတယ်၊

ဘုရားကျောင်းတွေကို ကျောက်တုံးကြီးတွေနဲ့ထုတယ်၊ နေရောင်နဲ့တွေ့ရင် ကျောက်ဖြစ်ပြီး

သေသွားတယ်ဆိုတဲ့ အချက်တွေ ရှိခဲ့ပါတယ်။

ဒါတွေအားလုံးဟာ နော်ဝေးဒဏ္ဍာရီတွေကနေ စတင်ခဲ့တာပါ။

နော်ဝေးတွေဟာ ဒဏ္ဍာရီအပိုင်းမှာတော့ အတော်ခိုင်လုံတဲ့ ဇာတ်ကောင်တွေနဲ့ဇာတ်အိမ်တွေရှိခဲ့တာအမှန်ပါပဲ။

စိတ်ကူးယဉ် စာပေလောကမှာ နတ်ဘုရားတစ်ပါးလိုဖြစ်တဲ့ The Lord of the Rings ရဲ့

စာရေးဆရာကြီး ဂျေအာအာတိုကင်းန်တောင် ဘီလူးတွေကို နော်ဝေးကနေ အခြေခံခဲ့တာပါ။

ဒဏ္ဍာရီအရ နော်ဝေးကို ခရစ်ယာန်အဖြစ် ပြောင်းလဲချိန်မှာ ဘုရားကျောင်းကနေ ဘီလူးတွေကို

ရှင်းလင်းပစ်ခဲ့ပါတယ်။

ဒါပေမဲ့ ဘီလူးဘုရင်က မသေဘဲ ကျန်နေခဲ့ပြီး နော်ဝေးတစ်နိုင်ငံလုံးကို လက်စားချေဖို့

ကြိုးစားလာတဲ့အခါ ဘယ်လို ရင်ဆိုင်ကြရမလဲဆိုတာ ကြည့်ရမှာပဲ...
Duration…1h 42m
Genre … Action , Adventure , Drama , Fantasy , Thriller
... channal myanmar

10/12/2025

Jingle Bell Heist (2025)
==================
IMDb Rating (5.8) / Rotten Tomatoes (60%)

ခရစ်စမတ်အရသာအပြည့်ရမယ့် ဟာသအက်ရှင်စုံထောက် Netlflix ကားလေး ထွက်လာပါတယ်။
မင်းသားကလည်း S*x Education ထဲက Connor Swindells ပါ။

ခရစ်စမတ်ပစ္စည်းတွေရောင်းပြီး သန်းကြွယ်သူဌေးဖြစ်နေတဲ့ မက်စ်ဝဲစတာလင်ဆိုတဲ့ သူဌေးကြီးရဲ့ မီးခံသေတ္တာအခန်းကို သူ့လုံခြုံရေး ဝန်ထမ်းနဲ့ အရောင်းစာရေးမလေး နစ်ခ်နဲ့ ဆိုဖီယာတို့ပေါင်းပြီး ရတနာတွေခိုးဖို့ ကြိုးစားကြတဲ့ ဇာတ်လမ်းဖြစ်ပါတယ်။

ဒါပေမဲ့ စတာလင်ဆိုတာ အများထင်သလို မြို့မျက်နှာဖုံးသူဌေးကြီးမဟုတ်ဘဲ နောက်ကွယ်မှာ မကောင်းမှုလျှို့ဝှက်ချက်တွေရှိနေတဲ့ အရေခြုံတစ်ယောက်ဖြစ်ကြောင်းကို
နစ်ခ်နဲ့ ဆိုဖီယာတို့သိရှိသွားတဲ့အချိန်မှာတော့ စတာလင်ရဲ့ ရတနာတွေကိုခိုးယူပြီး သူ့အကြောင်းကိုပါ ဖော်ထုတ်ဖို့ ကြိုးစားကြပါတော့တယ်။
Genre…. Comedy, Romance
Duration...1hr36min
... channal myanmar

08/12/2025

Hit N Fun (2025)
=============
၂၀၂၅ခုနှစ် ဇန်နဝါရီလမှာ ရုံတင်ခဲ့တဲ့ ဟောင်ကောင်မင်းသားကြီး Louis Koo နဲ့ မင်းသမီးကြီး Gigi Leung တို့ရဲ့လက်ဝှေ့အက်ရှင်ဟာသကားလေးပဲဖြစ်ပါတယ်။
တစ်ချိန်က ချန်ပီယံဟောင်း ကျုံးလေဟာ ကျုံးလေလက်ဝှေ့ကလပ်ကို တည်ထောင်ခဲ့ပေမယ့် အခုချိန်မှာတော့ လုပ်ငန်းကအေးစက်နေပြီးတော့ ပိတ်ရလုနီးပါးဖြစ်နေပါတယ်။
သူ့ရဲ့မိန်းမဖြစ်တဲ့သူက တစ်ချိန်တုန်းက နာမည်ကြီးခဲ့တဲ့ မင်းသမီးကြီးမော့ကျားလီကလဲ အနုပညာလောကကနေအနားယူထားတာကြာပြီဖြစ်ပေမယ့်
အနုပညာပေါ်ချစ်မြတ်နိုးတဲ့စိတ်နဲ့ အနုပညာလောကထဲကိုပြန်ဝင်ရောက်ဖို့ကြိုးစားပေမယ့် အသက်လတ်ပိုင်းအကျပ်အတည်းနဲ့ကြုံတွေ့နေရပါတယ်။

အဲဒီအချိန်မှာ ကြော်ငြာလောကမှာထက်မြက်တဲ့ လင်ရွှယ်ဟာ သူ့ရဲ့ချစ်သူက လက်ဝှေ့ချန်ပီယံမလေးစွန်းယာယွင်နဲ့ ဖောက်ပြန်နေတာကို
သိလိုက်ရတဲ့အချိန်မှာ စွန်းယာယွင်နဲ့အနိုင်အရှုံးယှဉ်ပြိုင်ဖို့ စိန်ခေါ်ခဲ့ပါတယ်။ လင်ရွှယ်က ကျုံးလေဆီမှာ လက်ဝှေ့လာသင်တဲ့အခါ
ကံမကောင်းတဲ့လက်ဝှေ့ချန်ပီယံနဲ့ ဟောင်းနွမ်းနေတဲ့လက်ဝှေ့ရုံအတွက်မျှော်လင့်ချက်တွေဖြစ်လာမလား.....
မင်းသမီးကြီးရဲ့အနုပညာအသိုင်းအဝိုင်းသို့အပြန်လမ်းကရော အောင်မြင်နိုင်ပါ့မလား......
လုပ်ငန်းခွင်မှာဘုရင်မတစ်ယောက်ဖြစ်ခဲ့တဲ့ လင်ရွှယ်ရဲ့နယ်ပယ်ကျော်တဲ့ လက်စားချေပွဲကရော အောင်မြင်ပါ့မလား......
ဘဝရဲ့ ပြင်းထန်တဲ့ထိုးနှက်ချက်တွေနဲ့ ယာယီစိန်ခေါ်ပွဲတစ်ခု စတင်သွားပါတယ်.....
Genres : Action, Comedy
Runtime : 1h 48 min
... channal myanmar

05/12/2025

Predator: Badlands (2025)
=====================

IMDb Rating (7.5) / Rotten Tomatoes (86%)

Predator ရုပ်ရှင်တွေထဲမှာ ဝင်ငွေအကောင်းဆုံးဖြစ်လာတဲ့ နောက်ဆုံးထွက်ရုပ်ရှင်ပါ။

Prey နဲ့ Killer of Killers တွေရဲ့ ဒါရိုက်တာ Dan Trachtenberg ပဲ ဖန်တီးထားပြီးမင်းသမီးအယ်လ်ဖန်းနင်း ပါဝင်ထားပါတယ်။

Predator ကို hero အဖြစ် တင်ရိုက်ထားတဲ့ ရုပ်ရှင်လည်းဖြစ်ပါတယ်။

ထရေလာထွက်ကာစက အထင်သေးနေကြပေမဲ့ တကယ်ထွက်လာတဲ့အခါ ဇာတ်လမ်းရော အက်ရှင်ရော

ကောင်းနေတာမို့ အတော်အားပေးမှုတွေ ရထားပါတယ်။

ဇာတ်လမ်းအကျဉ်း
++++++++++

Predator တွေ ဖြစ်တဲ့ ယောက်ဂျားမျိုးနွယ်ဝင်တွေဟာ သူတို့မျိုးနွယ်ထဲက အကောင်သေးတဲ့သူ ပျော့တဲ့သူဆို

ရှင်းပစ်တာ များပါတယ်။ အဲဒီလို ရှင်းပစ်ခံရမဲ့ အကောင်သေး ဒက်ခ် ဟာ သူ့အစ်ကိုရဲ့ကျေးဇူးနဲ့ ထွက်ပြေးလွတ်မြောက်လာပြီး

predator တစ်ယောက်မှမသ-တ်နိုင်သေးတဲ့ ကာလစ်ဆိုတဲ့ အကောင်ကြီးကို အမဲလိုက်ဖို့ ကြိုးစားပါတော့တယ်။

အဲဒီမှာပဲ ကမ္ဘာပေါ်က လေ့လာရေးစက်ရုပ်လူသား သီရာနဲ့တွေ့ပြီး ဖုန်းဆိုးမြေဂြိုလ်ကြီးပေါ်မှာ စွန့်စားခန်းတွေ
အတူဖွင့်ရပါတော့တယ်။
Duration…1h 47m
Genre … Action , Adventure , Sci-Fi , Thriller
... channal myanmar

03/12/2025

Nobody (2025)
============
2D Animation ကားကောင်းလေးတစ်ကားနဲ့ မိတ်ဆက်ပေးချင်ပါတယ်....ဒီကားလေးကတော့ Journey to The West ကိုကိုးကားပြီး
ဖန်တီးထားတဲ့ လန်လန်တောင်ကမိစ္ဆာလေးတွေရဲ့ ဟာသဇာတ်လမ်းလေးပဲဖြစ်ပါတယ်။ကောင်းကင်ကိုထိုးဖောက်နိုင်တဲ့
အစွမ်းမရှိလဲ ကျမ်းစာကိုပင့်ဆောင်ဖို့ ခရီးကိုစတင်နိုင်မလား...ဇာတ်လမ်းလေးကတော့

အညတရတောဝက်မိစ္ဆာလေးက မိစ္ဆာမင်းကြီးတွေရဲ့ဖိနှိပ်မှုကြောင့် လန်လန်တောင်ကနေထွက်သွားဖို့ဆုံးဖြတ်လိုက်ပါတယ်
ဒီလိုဆုံးဖြတ်ပြီးတဲ့နောက်မှာတော့ ဖားမိစ္ဆာ၊ ဖျံမိစ္ဆာနဲ့ မျောက်ဝံမိစ္ဆာတို့ကိုစုစည်းပြီးတော့ အနောက်အရပ်ကိုကျမ်းစာသွားပင့်မယ့်
ထန်စန်းနဲ့တပည့်တို့ အဖွဲ့အယောင်ပြီး အနောက်အရပ်ကို အကြံအဖန်ခရီးစဉ်စတင်ပါတော့တယ်
အနောက်အရပ်ကိုသွားတဲ့ဒီခရီးမှာ စွန်းဝူခုန်းတို့လိုအစွမ်းကြီးတွေမရှိတဲ့ ဒီမိစ္ဆာငယ်လေး(၄)ကောင်က
ဘယ်လိုစမ်းသပ်မှုတွေနဲ့ တွေ့ကြုံရမလဲ......အနောက်အရပ်ကိုသွားတဲ့ခရီးမှာ ဘယ်လိုအခက်အခဲတွေရှိလာမလဲ
ဘယ်လိုအသိတရားတွေရလာပြီးတော့ နောက်ဆုံးမှာတော့ သူတို့ရှင်သန်ချင်တဲ့ ဘဝပုံစံအတိုင်း ရှင်သန်သွားနိုင်မလားဆိုတာ...
Genres : Animation, Adventure, Fantasy, Comedy
Runtime : 1h 58 min
... channal myanmar

01/12/2025

Gundik (2025)
===========
IMDb Rating (4.8)

အခုမှထောင်ကလွတ်လာတဲ့ အော့တိုတစ်ယောက် လွတ်လွတ်ချင်းပဲ ကိုယ်ဝန်နေ့စေ့လစေ့နဲ့သူ့သမီးရယ်၊ ငွေမရှာနိုင်တဲ့ သားမက်တို့ကိုမြင်ပြီး သမီးမွေးဖွားစရိတ်ရအောင် ချက်ချင်းပဲလုပ်ငန်းခွင်ဝင်ဖို့ပြင်ဆင်ရပါတော့တယ်။

သူ့အလုပ်ကတော့ ဖောက်ထွင်းဝိဇ္ဖာဖြစ်ပြီး သူနဲ့အတူလက်တွဲညီတဲ့ လုပ်ဖော်ကိုင်ဖက်သုံးယောက်လည်းရှိပါတယ်။ ဒီတစ်ခေါက်လက်ခံလိုက်တဲ့ထူးခြားချက်ကတော့ သူတို့တစ်ဖွဲ့လုံးလူစုံတက်စုံပါရမှာဖြစ်ပြီး မပါခဲ့ရင် အလုပ်ပျက်ပြီးဆိုတာပါပဲ။

သူတို့ဖောက်ထွင်းရမယ့်အိမ်ကတော့ အဆင့်မြင့်အရာရှိကြီးတွေရဲ့အငယ်အနှောင်းလို့နာမည်ကျော်တဲ့အမျိုးသမီးတစ်ယောက်ရဲ့အိမ်ဖြစ်ပြီး အဲ့ဒီအိမ်ထဲမှာရွှေတွေအများကြီးရှိနေတယ်လို့သိထားပါတယ်။

တကယ်တမ်းအိမ်ထဲကိုရောက်သွားချိန်မှာတော့အဲ့ဒီအမျိုးသမီးဟာ သာမန်လူသားတစ်ယောက်မဟုတ်ပဲသဘာ၀လွန်စွမ်းအားတွေရှိနေတဲ့ နာမ်လောက ပုဂ္ဂိုလ်တစ်ယောက်ဖြစ်ပြီး၊ တစ်အိမ်လုံးမှာလည်း နာနာဘာ၀အစောင့်အရှောက်တွေပြည့်နှက်နေတာကိုကြုံရတဲ့အခါမှာတော့ သူတို့တစ်သိုက်ပြေးပေါက်မှားပါတော့တယ်။

ရိုးရှင်းတဲ့ဇာတ်အိမ်ကို ဟာသနှောပြီးသွက်သွက်တင်ဆက်ထားပေမယ့် ကြမ်းရမယ့်နေရာတွေကျတော့လည်းရှယ်ကြမ်းပါတယ်။ ဖျော်ဖြေရေး အက်ရှင်၊ဟော်ရာ ကားကောင်းတစ်ကားပါ။
Genre…. Action,Crime,Horror,Thriller
Duration…. 01:52:40
... channal myanmar

Min Galar Par

12/04/2026

24/12/2025

19/12/2025

17/12/2025

15/12/2025

12/12/2025

10/12/2025

08/12/2025

05/12/2025

03/12/2025

01/12/2025

Address

Opening Hours

Telephone

Website

Alerts

Contact The Business

Shortcuts

Share

Category

Monday	09:00 - 19:30
Tuesday	09:00 - 19:30
Wednesday	09:00 - 19:30
Thursday	09:00 - 19:30
Friday	09:00 - 19:30
Saturday	09:00 - 19:30
Sunday	09:00 - 19:30