29/08/2026
انسپکٹر جمشید!!! آ گیا وہ شاہکار جس کا تھا انتظار
بچپن میں جن کہانیوں نے ہمارے اندر کے جاسوس کو جگایا، جن کرداروں کے ساتھ ہم نے سراغ رسانی اور جاسوسی سیکھی، وہ اب فلم کی صورت میں ہمارے سامنے آ رہے ہیں!
اردو ادب کے عظیم مصنف اشتیاق احمد کی لازوال جاسوسی سیریز "انسپکٹر جمشید" پر مبنی فلم "IJ – Inspector Jamshed The Secret Parchment " پاکستانی سنیما کی تاریخ کا ایک اہم سنگِ میل ثابت ہونے جا رہی ہے۔ یہ پہلا موقع ہے جب اس مقبول کردار کو بڑی اسکرین پر پیش کیا جا رہا ہے۔
بہت انتظار اور تجسس کے بعد آج اس مووی کا دھماکے دار ٹریلر ریلیز کیا گیا ہے. ٹریلر میں عمیر رانا بطور انسپکٹر جمشید اور ان کے ساتھ احد رضا میر، آصف رضا میر (احد کے والد) ، فاران طاہر اور انوشے عباسی بھی موجود ہیں.
کہانی کچھ ایسی ہے کہ دنیا بھر سے قیمتی نوادرات پراسرار طور پر غائب ہونے لگتے ہیں اور انہیں سنبھالنے والے ماہرین بھی لاپتہ ہو جاتے ہیں۔ انھی میں سے ایک ایک اہم اور قیمتی چیز کو جمشید فیملی کے تین ذہین بچوں کے سپرد کیا جاتا ہے، اور پھر شروع ہوتی ہے جاسوسوں، قاتلوں، انڈرورلڈ اور ایک خفیہ تنظیم کے خلاف ایک زبردست تعاقب کی کہانی۔
فلم کے ہدایتکار فہد نور ہیں اور عالمی معیار کی ہالی ووڈ لیول کی شوٹنگ متحدہ عرب امارات میں کی گئی ہے، اور فلم بین الاقوامی کریو کے ساتھ تیار کی جا رہی ہے۔
اشتیاق احمد صاحب نے اپنی زندگی میں تقریباً 800 ناول لکھے، اور انسپکٹر جمشید سیریز کی 40 ملین سے زائد کاپیاں فروخت ہو چکی ہیں۔ ان کے مداحوں کے لیے یہ فلم محض ایک تفریح نہیں بلکہ بچپن کی یادوں کا احیاء ہے۔
مووی 2027 میں تھیٹرز میں لگے گی، ٹریلر فل انگریزی میں ہے اور مووی بھی انٹرنیشنلی انگلش میں ہی ریلیز کی جائے گی. لیکن پاکستانی عوام کے لئے اردو میں بھی ریلیز کی جائے گی.
(فلم والے چیپٹر2 کی وال سے کاپی شد)
