Voss Filmklubb

Voss Filmklubb Voss Filmklubb sitt føremål er å fremja interessa for film som kunstuttrykk og som opplysnings- og underhaldningsmedium.

§1 Voss Filmklubb sitt føremål er å:

fremja interessa for film som kunstuttrykk og som opplysnings- og underhaldningsmedium. bruke film som eit historisk og kulturhistorisk hjelpemiddel. fremja filmkunnskap, vurdering og forståing av film og filmen sin rolle i samfunnet. Klubben ynskjer å visa kvalitetsfilm, gjerne i samband med foredrag, diskusjonar og andre kulturarrangement.

§2 Voss filmklubb

viser film for eigne medlemmer. Arrangement saman med andre organisasjoner er mogeleg. M.a er det aktuelt å samarbeide med Voss Kulturhus om bruk av visningsrom, teknisk utstyr, o.l.

§3 Medlemskontigenten vert fastsett av styret. Medlemskortet er strengt personleg.

§4 Årsmøte vert halde innan utgangen av juni, med innkalling seinast 14 dagar før. Årsmåtet skal handsama melding frå styret, budsjett, revidert rekneskap, val av styre og revisor, og eventuelle framlegg.

§5 Styret har 5 medlemmer og 1 varamedelem. Styret er vedtaksført når minst 4 medlemmer er til stades. Leiar har dobbeltstemme til bruk ved evt. stemmeliksap.

§6 Voss filmklubb er ein ideell organisasjon og har ikkje næring som foremål. Klubben sine midlar og eventuelle overskot kan berre nyttast i samsvar med føremålet (sjå §2). Styremedlemmer i klubben arbeider vederlagsfritt.

§7 Framlegg til vedtektsendring må fremjast skriftleg til styret, seinast 4 veker før årsmøtet. Slikt framlegg vert godkjent dersom 2/3 av frammøtte medlemmer er samde om det på årsmøtet.

§8 Filmklubben kan berre oppløysast av årsmøtet hvis minst 2/3 av frammøtte medlemmer stemmer for det, og dagsorden er kunngjort på førehand. I tilefelle oppløysing skal eventuelle pengemidlar og eigendelar overførast til Norsk filmklubbforbund. Styret 2015:
Johannes Brattebø (leiar)
Eli Wenche Lund-Johansen (skrivar)
Siri Rokne
Siri Persen
Øyvind Helleland
Thomas Myklebust

ONSDAG 20 MAI KL. 19.30 PÅ KINOEN " The Commitments "Dublin treng soul musikk , meiner arbeidslause Jimmy Ra...
13/05/2026

ONSDAG 20 MAI KL. 19.30 PÅ KINOEN
" The Commitments "

Dublin treng soul musikk , meiner arbeidslause Jimmy Rabbitte.
Han skraper saman kjentfolk frå amatørbandet på den lokale
dansebula og averterer i lokalavisa etter musikarar.
Opptaksprøvane held han heime hjå foreldra sine. Faren mislikar
dette. For han finnes det berre ein gud- Elvis.
Han heng i glas og ramme på veggen- over bildet av paven.
På ein eller annan overjordisk måte får Jimmy etablert bandet sitt.
Med lånte pengar skaffar dei seg instrument.
Eit gamalt, nedstøva danselokale over ein biljardsalong blir
øvingslokale. Snart får dei sin fyrste spelejobb.....

Filmen frå 1991 er basert på Roddy Doyle sin roman med same navn. Regien har Alan Parker
VELKOMEN til denne musikalske komedien frå irsk arbeidar-klasse.
Dette er siste film i vårsemesteret. Vi startar opp att til hausten
19 august. Programmet kjem her på sida så snart det er i boks!
GOD SOMMAR TIL ALLE!
PS. Sjekk kinoen sine seniorfilmar torsdagar kl. 12.00
Dei har mange gode på programmet.

Helsing Gerd, Ingunn, Øyvind, Johannes og Siri i
VOSS FILMKLUBB

ONSDAG 6 MAI KL. 19.30 PÅ KULTURHUSET.Svensk-georgiske Levan Akin har laga den neste filmen i filmklubben: "En kvinne i ...
02/05/2026

ONSDAG 6 MAI KL. 19.30 PÅ KULTURHUSET.

Svensk-georgiske Levan Akin har laga den neste filmen i filmklubben: "En kvinne i Istanbul" i 2024.
Mange hugsar kanskje den forrige prisvinnande filmen hans:
"I morgen danser vi"
No skal vi på leit etter transkvinna Tekla som har reist frå Tiblisi
i Georgia til Istanbul. Ho har ikkje gitt lyd frå seg på mange år.
Tanta ,Lea, lovte den døyande syster si å hente Tekla heim.
Naboguten Achi blir med då han seier han har adressa hennar.
Filmen startar med dei to, frå forskjellige generasjonar, som
motvillig blir kjende med kvarandre.
Men i filmen møter vi mange andre, og livet i Istanbul er rikt skildra. Her kryssar menneskeskjebnar kvarandre. Folk er er hjelpsame, noko som kan være viktig.
Filmskaparen seier sjølv han ynskjer å laga film som skapar større forståing mellom generasjonane.
Resultatet er ein sjeldan varm film om dei som fell utanfor samfunnet og om å rette opp feila frå fortida.

VELKOMEN TIL FILM !

15/04/2026

ONSDAG 22 APRIL KL. 19.30 PÅ KINOEN : "Black Tea"

En film om harmoni ,balanse, velvære, smak , aroma, kjærleik og te.
Ei utsøkt, delikat og kulinarisk forteljing om venskap og forboden kjærleik i "Chocolate City" -- som er kallenamnet på den delen av
kinesiske Guangzhou der afrikanarar i eksil samlast, bur og sosialiserast.
Ei ung afrikansk kvinne, Aya, har forlate mannen sin ved alteret,
lagt heimlandet bak seg og prøver å få ein ny start i Kina.
Ho får jobb i ein te-butikk og forelskar seg i eigaren,Kai.
Black Tea utforskar draumar, rasisme og romanse gjennom komplekse, velskrivne rollefigurar og gjev oss djupe innblikk i
livet og lengslane deira.
Dette er ein film om brot med gamle fordommar og tradisjonar-
og føles som eit viktigt bidrag til den antirasistiske kampen.
Abderrahmane Sissakos har regien. (laga "Timbuktu " i 2014)
Samarbeid Mauretania/ Taiwan/ Fr.rike. !t 50 m.
Velkomen til film.

ONSDAG 8 APRIL KL.19.30 PÅ KULTURHUSET" SISTER MIDNIGHT" er ein film som er langt unna sjangeroppskriftene både i Holl...
01/04/2026

ONSDAG 8 APRIL KL.19.30 PÅ KULTURHUSET

" SISTER MIDNIGHT" er ein film som er langt unna sjangeroppskriftene både i Hollywood og Bollywood.
Det er ein svarthumoristisk og fandenivaldsk komedie som
tek utgangspunkt i eit arrangert ekteskap i Mumbai.
Den unge Uma tek toget til byen og flyttar inn i eit knøttlite
husvære saman med den ferske ektemannen Gobal.
Dei har møtt kvarandre nokre gonger som barn, men no er dei framande som deler seng.
Gjennom ei rekkje vanskelege og vittige situasjonar veks fortvilinga til Uma. Ho må handtere kravstore forventningar,
økonomisk uavhengigheit, ei folksam einsemd og ein ektemann som ikkje ser ho.
Men natta er Uma si -- og etterkvart begynner merkelege ting å skje.
Den norske fotografen Sverre Sørdal fangar inn ei rekkje skråblikk
som lar regissør og manusforfattar Karan Kandhari fortelje ei
ellevill historie med sosialrealistiske grunntonar.

VELKOMEN til film onsdag 4 påskedag !

ONSDAG 25 MARS KL.19.30 "Soundtrack to a Coup d`Etat"Vi lader opp til Vossajazz med denne mange prisvinnande dok...
17/03/2026

ONSDAG 25 MARS KL.19.30

"Soundtrack to a Coup d`Etat"

Vi lader opp til Vossajazz med denne mange prisvinnande dokumentarfilmen fra 2024,
laga av den belgiske regissøren Johan Grimonprez.
Han fortel korleis USA tok i bruk jazz som eit ukonvensjonelt våpen under den "kalde krigen", i avkoloniseringa av Kongo.
Han skisserar den historiske konteksten, debatten i SN sitt
hovudkvarter i New York og i Kongo, før han zoomar inn på hendinga, regissert av CIA, som førte til det tragiske mordet på
den fyrste demokratisk valgte leiaren i Kongo, Patrice Lumumba
i 1961.
Belgiske og amerikanske styresmakter intervenerte landet.
Frykt for å miste kontrollen over uran og andre metallar, førte til ei lang rekkje tragediar som vi framleis ser verknadene av i dag.
Filmen er fantastisk godt sett saman av eit enormt materiale av arkivklipp frå Kongo, New York, Belgia og samtalar i SN.
Den eksplosive og deprimerande miksen av kolonialisme, kapitalisme og rasisme i samspel med musikk frå samtida, gjer
"Soundtrack to a Coup d`Etat" til ein heilt eksepsjonell film.
(Filmmusikk/ lydspor til eit Statskupp)

05/03/2026

THE LAST SHOWGIRL
Onsdag 11 mars kl. 19.30 på kinoen.

Dansaren Shelly Gardner (Pamela Anderson) var ei av dei store showgirl-stjernene i Las Vegas på 90-talet.
Som 57-åring står ho framleis på scena i Vegas-showet
"Le Razzle Dazzle" som er langt forbi middagshøgda.
Til slutt fell øksa - billettsalet er for dårleg. Eit nytt show skal ta over. Dette er eit punktum som treff Shelly hardt, både økonomisk og med omsyn til sjølvbiletet. Ho blir stilt overfor vala ho har teke i fortida, men og dei ho har framføre seg.
THE LAST SHOWGIRL er eit poetisk stykke americana frå regissør Gia Coppola. Vi får innblikk i eit USA som er gjennomsyra av elendige pensjonsordningar og eit fråver av økonomisk nestekjærleik.
Las Vegas har akkurat dei sterke kontrastane som viser noko av baksida til den amerikanske draumen.
Dette er ein underhaldande film med rikeleg hjartevarme og vittig situasjonskomikk.
VELKOMMEN TIL FILM !

"BARN"Onsdag 25 feb. kl.19.30 i kinoenDenne rekordmange Amandaprisvinnaren og Nordisk råds filmprisvinnaren til Dag Joh...
21/02/2026

"BARN"
Onsdag 25 feb. kl.19.30 i kinoen

Denne rekordmange Amandaprisvinnaren og Nordisk råds filmprisvinnaren til Dag Johan Haugerud må du ikkje gå glipp av.
Temaene han tek opp er mange: Skulepolitikk,lærarfilosofi,sorg, skuldkjensle, ansvar, foreldre/born, kolliderande livssyn og politiske ståstader.
Det skjer ei ulykke på ein barneskule i Oslo og vi fylgjer dei dramatiske etterdønningane .
Skulepersonalet, pårørande og andre folk vert involverte i større eller mindre grad. Rykter og spekulasjonar verserar.
Manglande kommunikasjon svekker gode intensjonar, mens velmeinande handlingar får andre resultat enn det som var tilsikta. Vi som ser filmen blir også konfronterte med eigne sanningar og fordommar.
"BARN" er eit engasjerande truverdig drama , med gnistrande dialog og ei uventa hard emosjonell slagkraft.
VELKOMMEN TIL FILM.
NB Årsmøte i foajeen før filmen (18.30)

17/02/2026

ÅRSMØTE--Voss filmklubb
Onsdag 25 feb. kl. 18.30 ( før filmen)
i kinovestibylen.

Årsmøtesaker :
Årsrapport
Rekneskap for 2025 / budsjett for 2026
Val
Ymse

Har du saker som bør takast opp på årsmøtet,
meld ifrå til ein i styret.
For
styret i Voss filmklubb
Siri Persen

" ET LYKKETREFF"--("Coup de chance") Onsdag 11 feb. kl. 19.30 på kinoen.Woody Allen sin 50.spelefilm frå 2023 får vi hø...
05/02/2026

" ET LYKKETREFF"--("Coup de chance")
Onsdag 11 feb. kl. 19.30 på kinoen.

Woody Allen sin 50.spelefilm frå 2023 får vi høve til å sjå kommande onsdag. Den ikoniske, amerikanske 91 årige
filmskaparen, som starta som stand-up komikar, har for fyrste gong flytta location over "dammen" til Paris ,i denne varme og
vittige utroskapskomedien.
Tittelen " Et lykketreff " illustrerer temaet som gjennomsyrer
filmen, nemlig spørsmålet om kor stor rolle spelar flaks i livet?
Woody Allen er framleis ein meistarleg historieforteljar.
Det viser han i historia om F***y som er fanga av eit nett av
kjærleik og utroskap med uventa konsekvensar.
Dette er ein Woody Allen film med fransk vri !

VELKOMMEN TIL FILM.

Terningkast for forrige film : 6---5 stk.
5---8 stk.
4---5 stk.
3---1 stk.

Adresse

Evangervegen 6
Vossevangen
5700

Åpningstider

20:00 - 22:00

Telefon

95270522

Nettsted

Varslinger

Vær den første som vet og la oss sende deg en e-post når Voss Filmklubb legger inn nyheter og kampanjer. Din e-postadresse vil ikke bli brukt til noe annet formål, og du kan når som helst melde deg av.

Snarveier

Del

Type