Snidbetningen

03/03/2020

Botnrængene vert sett i før siste omfar kjem på. Felling på tjøre, og nagling av innved.

17/02/2020

Den snidbetna trerøring frå ca 1850, er no restaurert. Dette arbeidet er ein del av prosjektet "På Skrå", som vert gjennomført av Musea på Sunnmøre. Ved å ta ut det orginale halsbordet, som hadde litt ròteskade, fekk vi studert bordet nøye. Konklusjonen er klar: Bordet er ei saga fjøl på ca 26 mm, deretter høvla og tynna ulike stadar for å få rette forma i båten. Den ferdige halsen er 3,94 m lang, 34 cm på det breiaste, der snidet startar. Dette er midt i båten. Tjukkast er bordet (24 mm) på langs etter midt og ned mot kjøl. Det vert tynnare frå bakromet og attover til halsodd, 24-19 mm. Yvekanten ved snidet er 22 mm og tynna attover ned mot 19 mm ved halsodden bak. Elles er bordet mykje suda, særleg attover mot halsodden. Halsodden bak sluttar der den naturleg vil legge seg, utan at det slår bul ut.

17/02/2020

Halsbord, innskote bord på yveslaget og medykjen på knelestegongen er felt og klinka ferdig. Fjølene er høvla på ca 23 mm og tynna litt mot sud. Si-lagt med tjøra hamp. Saum er smidd av Zeppe ved Hardanger fartøyvernsenter.

27/01/2020

Det vert sett inn ei fjøl i fremste del av yveslagomfaret. Det er vanleg med ei fjøl på yveslaget på ein trerøring. Skjervinga mot renningane er særeigne.

25/10/2019

Reparasjon av ein snidbetna trerøring frå ca 1850. Nytt halsbord er kome inn, forma frå ei saga fjøl på 26mm. Arbeidet vert gjort i Per-skotet i Bjørkedalen hjå Tradisjonsberarar Jakob Helset.

10/10/2019

Viktige detaljar

Skrevet av smed Seppe Lehembre   Som mange smier er vi borte i mye forskjellig. Smi rekkverk, sveise en port, kopiere en nøkkel…. I det siste har vi også produsert en del eggverktøy. Hovedgesk…

01/12/2018

Bakunderonga vert felt, bredd og nagla.

29/11/2018

Innved vert felt og nagla fast. Her mebandet med siglekjerringa (der mastra skal stå).

24/05/2018

Ein trerøring i samlinga på Vestnes.

27/01/2018

Yverenningane på knegongen vert tilmåta og klinka på.

26/01/2018

Underrenningane på knegongen skjerva, silagt og klinka på.