МГЗНХ-Монголын Гэрэл Зурагчдын Нэгдсэн Холбоо

11/10/2025

11/10/2025

Өнөөдөр түүхт 90 жилийн яг тэмдэглэлт өдөр нь тохиож байна. Бид ойгоо угтаж баярын хөтөлбөрт арга хэмжээгээ явуулсан бөгөөд мөн энэ өдөр та бүхэндээ дахин Монгол Улсад гэрэл зургийн алба үүсэн байгуулагдсаны 90 жилийн ойн мэнд хүргэе. Хэдийгээр Дэлхий дахинд 1830-аад оноос гэрэл зураг эхэлж хөгжсөн түүхийн салшгүй хэсэг болох монголын гэрэл зургийн хөгжлийн түүх нь 1870-аад оноос эхтэй өөрөөр хэлбэл 150 гаруй жилийн түүхтэй гэж үздэг байсан бол саяхан харин түүнээс даруй 30-аад жил урагшлан 1845 онд монгол газар нутагт, монголчуудын зургийг буулгасан баримт зургийг олж тогтоогоод байгаа бөгөөд одоо баяжуулан судлах, баталгаажуулах ажлууд явж байгааг дурдахад таатай байна.
Ийнхүү монгол улсад албан ёсоор 1935 оны 10 р сарын 11 өдрийн СНЗ-ийн тогтоол шийдвэрээр "Монгол Улсад кино, гэрэл зургийн алба байгуулагдсанаас өдгөө 90 жил өнгөрч буй хэдий ч монголчууд анх гэрэл зурагт дүр төрхөө буулгасан нь түүнээс урагш 90 жил буюу монголчууд гэрэл зурагтай учирснаас хойш нийтдээ 180 жил болж буй нь гэрэл зургийн түүхэн хөгжлийн хувьд Ази тивдээ тэргүүлэх улс болж байна.
Улсынхаа гэрэл зургийн түүхийг урагшлуулсан бахдам амжилттайгаар их ойгоо угтаж байгаа үе үеийн гэрэл зурагчид, гэрэл зураг судлаачид болон нийт гэрэл зургийн салбарынхандаа баяр хүргэж, гэрэл зургийг хөгжүүлэх, сурах, судлах ажил үйлс, уран бүтээлийн эрэл хайгуулд нь улам их амжилтыг хүсье. МГЗНХ, монголынгэрэлзураг90

09/10/2025

06/10/2025

Улс орны гэгээн мэлмий болсон гэрэл зурагчид та бүхнийг Монгол улсад “Гэрэл зургийн алба байгуулагдсаны 90 жил"-ийн ойн баяр, ёслол, хүндэтгэлийн ажиллагаанд морилон ирж, ерэн жилийн түүх сөхсөн цаг хугацааны аялалд оролцохыг урьж байна.

02/10/2025

“Монголын гэрэл зураг -90” жилийн ойд
Фото сэтгүүлч, доктор Ц.Батбаатар судалгааны шинэ бүтээлээрээ бэлэг барилаа

Монголын фото сэтгүүл зүйн онол, практикийн асуудлыг тусгайлан судалсан “Монголын фото сэтгүүл зүйн үүсэл, хөгжил” нэг сэдэвт бүтээл Монгол улсад гэрэл зургийн алба байгуулагдсаны 90 жилийн ойн босгон дээр хэвлэгдэн гарлаа.
Фото сэтгүүлчдээс төрсөн анхны сэтгүүл зүйн доктор (Ph.D) Ц.Батбаатарын монголын фото сэтгүүл зүйн үүслээс өнөөг хүртэлх хөгжил, үйл явц, түүх, төрөл зүйл, нийгэмд гүйцэтгэсэн үүргийг өдөр тутмын хэвлэл болох сонинууд дээр судалж, онол арга зүйн үндсийг тодорхойлсон нь монголын сэтгүүл зүйн судалгаанд үгүйлэгдэж байсан орон зайг нөхсөн, урагшлуулсан, ахиц гаргасан бүтээл болжээ.
Гэрэл зурагчид, фото сэтгүүлчдийнхээ өмнөөс баяр хүргэж, цаашдын судалгааны ажилд нь их амжилтыг хүсье.

25/09/2025

👏 Гэрэл зураг сонирхогч Ч.Нарантуяа уран зангилаа, хөрөг гэрэл зураг хосолсон бие даасан анхны үзэсгэлэнгээ Монголын уран зургийн галерейд энэ сарын 22-28-нд гаргаж, үзэгчдийн хүртээл болгож байна.

Гэрэл зураг сонирхогч Ч.Нарантуяа уран зангилаа, хөрөг гэрэл зураг хосолсон бие даасан анхны үзэсгэлэнгээ Монголын уран зургийн галерейд энэ сарын 22-28-нд гаргаж, ү....

22/09/2025

#ШУУД: Жим ба Жигүүр

19/09/2025

"Тодорхой бус" шинэ бүтээлийн анхны уншигч, салхийг хагалагч гавьяатдаа, хөршдөө баярлалаа.❤️
Тохижож амжаагүй байтал юу юугүй л шижигнээд эхлэх чинь . . . 👏👏👏