СУИС-ийн Бадмаараг АХЛАХ Сургууль

17/04/2026

"БИДНИЙ МӨРӨӨДӨЛ 2026" НЭГДСЭН ТАЙЛАН ТОГЛОЛТ АМЖИЛТТАЙ ЗОХИОН БАЙГУУЛАГДЛАА👏

СУИС-ийн харьяа ерөнхий боловсролын ахлах сургуулийн “Бидний мөрөөдөл 2026” нэгдсэн тайлан тоглолт 2026 оны 04 дүгээр сарын 15-ны өдөр нийслэлийн соёлын төв өргөөнд амжилттай болж өндөрлөлөө.

Бид тайлан тоглолтоо 2011 оноос хойш уламжлал болгон 14 дахь жилдээ зохион байгуулж байна. Тоглолтод хөгжимдөх урлаг, бүжиглэх урлаг, жүжиглэх урлаг, дүрслэх урлаг, сэтгүүлч хөтлөгчийн 10,11,12-р ангийн нийт 200 гаруй сурагч амжилттай оролцсон.

Чингэлтэй дүүргийн Боловсролын хэлтсийн дарга Ц.Цолмонбаатар, НБГ хөгжмийн боловсрол хариуцсан мэргэжилтэн Т.Олоннэмэх, багш сурган хүмүүжүүлэгчид, эцэг эхчүүд, төгсөгчид, Чингэлтэй дүүргийн ерөнхий боловсролын сургуулиудын сурагчдын төлөөлөл хүрэлцэн ирж нийслэлийн соёлын төв өргөөний 1500 гаруй хүний суудалтай заалыг дүүргэсэн өргөн дэлгэр тоглолт болсон юм.

Тоглолтыг хөгжмийн багш, МУГБ, СУИС-ийн хүндэт профессор Я.Алтансувд, бүжгийн багш МУСТА, БТА, СУИС-ийн хүндэт профессор Х.Сувд, МУСТА Б.Хулан, хөгжмийн багш Г.Басбиш, дүрслэх урлагийн багш Б.Буманбаяр нар удирдан оролцлоо.

ХАМТРАН АЖИЛЛАСАН:
• Тоглолтын ерөнхий найруулагч Ц.Батнайрамдал
• Л.Ариунтуяа даргатай Нийслэлийн Соёлын төв өргөөний хамт олон,
• Чингэлтэй дүүргийн Боловсролын хэлтсийн дарга Ц.Цолмонбаатар,
• НБГ-ын хөгжмийн боловсрол хариуцсан мэргэжилтэн Т.Олоннэмэх
• Ч.Туул захиралтай “Дөрвөн ирвэс” кино компани (2018 оны төгсөгч Г.Анард, 2020 оны төгсөгч Г.Ананд)
• Б.Саруултуяа ахлагчтай СУИС-ийн 2 дугаар байрны цайны газрын хамт олон,
• Чингэлтэй дүүргийн Ерөнхий Боловсролын сургуулиудын сурагчдын төлөөлөл
• Арын албанд ажилласан 2025 оны төгсөгч Ж.Индра болон нийт багш, сурагчид, эцэг эх, асран хамгаалагчдадаа гүн талархал илэрхийлье.

МОНГОЛЫН ХҮҮХДИЙН ОРДНЫ "ЭРДЭМ АЛТАН" МЕДАЛИАР:
- Хөгжимдөх урлагийн 12а ангийн сурагч Э.Болормаа
- Бүжиглэх урлагийн 12б ангийн сурагч Б.Солонго
- Жүжиглэх урлагийн 12в ангийн сурагч Т.Болдсайхан

МОНГОЛЫН ХҮҮХДИЙН ОРДНЫ "ЭРДЭМ МӨНГӨН" МЕДАЛИАР:
- Дүрслэх урлагийн 12б ангийн сурагч Б.Амарсанаа
- Сэтгүүлч, хөтлөгчийн 12в ангийн сурагч Г.Насанжаргал нар шагнагдсан.

БИД САЙН САЙХАНД ДАГУУЛНА.

17/04/2026

“БИДНИЙ МӨРӨӨДӨЛ-2026”

УРАН ЗУРГИЙН ҮЗЭСГЭЛЭН
Өөрийн дотоод ертөнцөө бүтээлээрээ дамжуулан илэрхийлдэг уран зургийн үзэсгэлэнг дүрслэх урлагийн багш Б.Буманбаярын удирдлага дор “ДҮРСЛЭХ УРЛАГ” хөтөлбөрөөр суралцагчдын 60 гаруй бүтээлийн үзэсгэлэнг дэлгэлээ.

НОМЫН НЭЭЛТ, ГЭРЭЛ ЗУРГИЙН ҮЗЭСГЭЛЭН
“СЭТГҮҮЛЧ, ХӨТЛӨГЧ”-ийн хөтөлбөрөөр сурч, мэдсэн ур чадвар, онолын мэдлэгийг бататгах, тайлагнах зорилгоор Т.Эрдэнэцогт багшийн удирдлага дор “Үг болоогүй мэдрэмж” номын нээлт, аудио яруу найргийн номын бичлэг, “Хөрөг” гэрэл зургийн үзэсгэлэн нь олон сайхан өнгийг агуулсан онцлогтой болж өнгөрлөө.
Нээлтийн үйл ажиллагаанд 2025 оны төгсөгч О.Тэргэл хүрэлцэн ирж оролцлоо.

Нийслэлийн соёлын төв өргөөнд 04 дүгээр сарын 15-ны өдөр амжилттай зохион байгуулагдлаа.

БИД САЙН САЙХАНД ДАГУУЛНА

10/04/2026

СУИС-ийн харьяа ерөнхий боловсролын ахлах сургуулийн "БИДНИЙ МӨРӨӨДӨЛ 2026" нэгдсэн тайланд та бүхнийг хүрэлцэн ирэхийг урьж байна.

2026.04.15-нд:

- Дүрслэх урлагийн ангийн бүтээлийн үзэсгэлэн 11:00 цагт
- Сэтгүүлч-хөтлөгч ангийн фото зургийн үзэсгэлэн, номын нээлт 11:30 цагт
- Тайлан тоглолт 13:00 цагт

Хаана: СОЁЛЫН ТӨВ ӨРГӨӨ

06/04/2026

"БОЛДОГГҮЙ БОР ӨВГӨН" физикл жүжиг

Найруулагч: У.Дэлгэрбуян (МУСТА)
Хөдөлгөөний найруулагч: Б.Болдхүү (МУСТА)
Хэл ярианы хөгжлийн багш: Г.Мандухай

Жүжиглэх урлагийн Б.Алтанцэцэг багштай 12в ангийн сурагчдын тайлан тоглолт "БОЛДОГГҮЙ БОР ӨВГӨН" Монгол ардын үлгэрээс сэдэвлэсэн физикл жүжиг СУИС-ийн Оюутан театрт амжилттай тоглогдлоо.

Тайлан тоглолтоо амжилттай тавьсан багш, сурагч нартаа халуун баяр хүргэе👏👏👏
2026.04.05

04/04/2026

“БОЛДОГГҮЙ БОР ӨВГӨН”
Хаана: СУИС-ийн Оюутан театр
Хэзээ: 2026.04.05-ны өдөр 17:00 цагт

17/03/2026

СУИС-ИЙН ХАРЬЯА ЕРӨНХИЙ БОЛОВСРОЛЫН АХЛАХ СУРГУУЛИЙН НИЙТ СУРАГЧДЫН ДУНД ЖИЛ БҮР УЛАМЖЛАЛ БОЛОН ЗОХИОН БАЙГУУЛАГДДАГ “АЯ ЗОХИОГЧДЫН УРАЛДААН" АМЖИЛТТАЙ ЗОХИОН БАЙГУУЛАГДЛАА.

Уралдаанд мэргэжлийн болон мэргэжлийн бус /сонирхогчдын/ төрөлд:
нийт 13 сурагч өөр өөрсдийн өнгө аясаар бүтээл туурвин оролцлоо.
Тус уралдааны шүүгчээр:
- МУУГЗ, СУИС-ийн ХУС-ийн хөгжмийн онолын тэнхимийн багш Шатарын Өлзийбаяр
- БТА, СУИС-ийн ХУС-ийн хөгжмийн онолын тэнхимийн багш Цэндээгийн Эрдэнэбат нар ажиллалаа.

Мэргэжлийн төрөлд:

Шилдгийн шилдэг: 12А ангийн сурагч Ш.Баттогтох
Тэргүүн байр: 10А ангийн сурагч Э.Эрхэс
Дэд байр: 10А ангийн сурагч Г.Мөнхболд
Гутгаар байр: 12А ангийн сурагч Г.Ганзориг
Тусгай байр: 10А ангийн сурагч Б.Сорхогтан

Мэргэжлийн бус /сонирхогчдын/ төрөлд:

Тэргүүн байр: 11В ангийн сурагч Ц.Маргад
Дэд байр: 11В ангийн сурагч Б.Жаргалсайхан
Гутгаар байр: 11В ангийн сурагч Э.Дөлгөөннаран нар тус тус амжилттай оролцож,
сурагч бүрд өргөмжлөл, дурсгалын зүйл хадгалуулав.
Мөн уригдан ирсэн шүүгч нар тус сургуулийн X-XII ангийн сурагчдад хөгжмийн зохиомжийн талаар үнэтэй мэдээлэл өгч, цаашдаа хэрхэн суралцах, юун дээр анхаарах гэх мэт олон зүйлийн талаар мэдлэг зөвлөгөө өглөө.

2026.03.14

05/03/2026

Баяр хүргэе👏👏👏
Алдарт лимбэч, сурган хүмүүжүүлэгч багш Должингийн ЭНХТАЙВАНГИЙН нэрэмжит өсвөрийн болон залуу лимбэчдийн олон улсын анхдугаар уралдаанд 12а ангийн сурагч Л.Ариунбат хоёрдугаар байр эзэллээ.
Бэлтгэсэн багш: Г.Төмөржин болон сурагчдаа халуун баяр хүргэе.
2026.03.04

04/03/2026

2026 оны 03 дугаар сарын 02-ны өдөр тус сургуулийн 10,11,12 дугаар ангийн нийт 293 сурагч Улсын Драмын Эрдмийн Театрт Төрийн шагналт, Хөдөлмөрийн баатар, Ардын уран зохиолч Бавуугийн Лхагвасүрэнгийн зохиол, Төрийн соёрхолт, УГЗ Н.Наранбаатарын найруулга “ҮГҮЙЛЭГДСЭН ХАЙР” уянгын драмыг үзлээ.
Бидний сургалт хүмүүжлийн ажилд дэмжлэг үзүүлэн энэхүү тоглолтыг үзэх боломж олгосон УДЭТ-ын хамт олонд гүнээ ТАЛАРХАЛ илэрхийлье.
Улсын Драмын Эрдмийн Театр

24/01/2026

БАЯРТАЙ МЭДЭЭ

БНСУ-ын Инчеон хотод 2026 оны 01 дүгээр сарын 20, 21-ний өдрүүдэд зохиогдсон “Peak dancer” 2026 Asia Dance Competition олон улсын уралдаанд СУИС-ийн харьяа ерөнхий боловсролын ахлах сургуулийн бүжгийн 11,12 дугаар ангийн сурагчид хамтлаг болон гоцлол төрлөөр амжилттай оролцлоо.
Хамтлаг төрөлд:
1. СУИС-ийн харьяа ахлах сургуулийн 2018 оны төгсөгч У. Сүхбатын дэглэлт “Ижий мод” бүжгээр “ГРАНПРИ” шагнал
Гоцлол төрөлд:
1. 12 дугаар ангийн сурагч Б.Сугармаа МУСТА О.Ууганбаярын дэглэлт “Гайхуулмаар гоёо” бүжгээр “Гранпри” шагнал
2. 12 дугаар ангийн сурагч У.Энхзул МУСТА Х.Юүлэхоролын дэглэлт “Сээтэн сэвгэр” бүжгээр “1-р байр”
3. 12 дугаар ангийн сурагч М.Лхаасүрэн МУУГЗ Д.Баярбаатарын дэглэлт “Аягат биелгээ” бүжгээр “1-р байр”-ыг тус тус эзэлж амжилтай оролцлоо.

Удирдсан багш: МУСТА Б.Хулан, Г.Басбиш тус уралдааны бүжгийг дэглэсэн МУУГЗ Д.Баярбаатар, МУСТА О.Ууганбаяр, МУСТА Х.Юүлэхорол, У. Сүхбат нартаа талархал илэрхийлье.

13/01/2026

22/12/2025

Сайн уу?
2025-2026 оны өвлийн амралт эхэлж байгаатай холбогдуулан эцэг эх, асран хамгаалагч болон сурагчдадаа дараах санамжийг хүргэж байна.

Амралтаа сайхан өнгөрүүлээрэй🤗