25/06/2026
Blast (2026) 🥋💥🔥
++++++++++++++++++
Genre: Action, Martial Arts, Drama
ခုရက်ပိုင်း ဘာကားကြည့်ရမလဲ စဉ်းစားနေသူတွေအတွက် အက်ရှင်အကြမ်းစား ရုံတင်ကားသစ်ကြီး "Blast" ကို တင်ဆက်ပေးလိုက်ပါတယ်။ နာမည်ကြီး သရုပ်ဆောင်တွေ အများကြီး ပါဝင်အားဖြည့်ထားသလို ရုံတင်ငွေ (၂၅) ကုဋေအထိ ရရှိထားလို့ ဇာတ်လမ်းအစအဆုံး အချိန်ကုန်မှန်းမသိအောင် ဆွဲဆောင်ထားနိုင်မယ့် ဇာတ်ကားကောင်းတစ်ကားပါ။
ဇာတ်လမ်းအစကတော့ ကရာတေးသင်တန်းဖွင့်ထားတဲ့ ဆရာကြီး ရာဂျာရမ် နဲ့ သူ့ရဲ့ သမီးငယ်လေး နီလာ တို့ကနေ စတင်ပါတယ်။ နီလာလေးဟာ မိန်းကလေးဖြစ်ပြီး လူကောင်သေးလို့ အပေါင်းအသင်းတွေရဲ့ အနိုင်ကျင့်တာကို ခံရတဲ့အခါ... ဖခင်ဖြစ်သူက ကိုယ်တိုင်ဦးစီးပြီး ကရာတေးပညာရပ်တွေကို စနစ်တကျ လေ့ကျင့်သင်ကြားပေးပါတော့တယ်။
နီလာ့အဖေကလည်း သာမန်လူတော့ မဟုတ်ပါဘူး။ ပြိုင်ပွဲပေါင်း (၃၄) ပွဲ ပြိုင်ဖူးတဲ့အထဲမှာမှ ရှုံးပွဲ (၁) ပွဲသာ ရှိခဲ့တဲ့ ဆရာတစ်ဆူပါ။ စိတ်ဝင်စားစရာကောင်းတာက သူရှုံးနိမ့်ခဲ့ရတဲ့ တစ်ဦးတည်းသောသူကလည်း တခြားသူမဟုတ်ဘဲ နီလာ့အမေဖြစ်တဲ့ သူ့ရဲ့ဇနီး နီလာဗေနီ ဖြစ်နေတာပါပဲ။
ဒီလို အတိုက်အခိုက် ကျွမ်းကျင်တဲ့ မိဘနှစ်ပါးဆီကနေ ဖွားမြင်လာပြီး ဖခင်ရဲ့ ပြင်းထန်တဲ့ လေ့ကျင့်သင်ကြားမှုတွေနဲ့ ကြီးပြင်းလာတဲ့ နီလာတစ်ယောက်... အရွယ်ရောက်လာတဲ့အခါမှာတော့ မတရားမှုတွေကို ဘယ်လို ခွန်အားအပြည့်နဲ့ ဝင်ရောက်ဖြေရှင်းပေးမလဲ၊ သူမ ရင်ဆိုင်ရမယ့် အကြီးမားဆုံးသော မတရားမှုကြီးကရော ဘာဖြစ်မလဲဆိုတာကို အက်ရှင်အကြမ်းစား ရိုက်ချက်တွေနဲ့အတူ ရင်ခုန်စိတ်လှုပ်ရှားဖွယ် ကြည့်ရှုရမှာပဲ ဖြစ်ပါတယ်။
