http://www.moviemirrormalayalamsubtitles.com/

Movie Mirror Subtitles, Trivandrum, Neyyattinkara (2026)

25/08/2026

▪️മൂവിമിറർ റിലീസ് - 819

▪️വേസ്റ്റ്മാൻ(2025)

▪️Wasteman(2025)

▪️ഭാഷ: ഇംഗ്ലീഷ്

▪️സംവിധായകൻ : Cal McMau

▪️ജോണർ : crime/thriller/Drama

▪️പരിഭാഷ : Sumanth Mohan

▪️പോസ്റ്റർ : അരുൺ കെ.പി

▪️IMDB : 7.2/10

ചിത്രത്തിന്റെ വിശദാംശങ്ങൾക്കായി👇🏻

കാൽ മക്മാവു സംവിധാനം ചെയ്ത് ഡേവിഡ് ജോൺസണും ടോം ബ്ലൈത്തും പ്രധാന വേഷങ്ങളിലെത്തുന്ന 2025-ലെ ബ്രിട്ടീഷ് ജയിൽ ചിത്രമാണ് 'വേസ്റ്റ്മാൻ' ജയിൽവാസത്തിന് ശേഷം പരോൾ ലഭിച്ച് പുതിയൊരു ജീവിതം തുടങ്ങാൻ ആഗ്രഹിക്കുന്ന ടെയ്‌ലർ എന്ന കഥാപാത്രത്തിന്റെ ജീവിതത്തിലേക്ക് 'ഡി' എന്ന പ്രശ്നക്കാരനായ പുതിയ സെൽമേറ്റ് കടന്നുവരുന്നതോടെ കാര്യങ്ങൾ തകിടം മറിയുന്നു. ജയിലിൽ നടക്കുന്ന ഒരു വലിയ ആക്രമണം ഇവരുടെ ബന്ധത്തെ പരീക്ഷിക്കുകയും, ഡിയെ സംരക്ഷിക്കണമോ അതോ സ്വന്തം പരോൾ സാധ്യതകൾ ഉറപ്പാക്കണമോ എന്ന നിർണായകമായ തീരുമാനത്തിലേക്ക് ടെയ്‌ലറെ എത്തിക്കുകയും ചെയ്യുന്നതാണ് ഈ ചിത്രത്തിന്റെ ഇതിവൃത്തം. ജയിലിനുള്ളിലെ അതിക്രമങ്ങളുടെയും, സംഘർഷങ്ങളുടെയും നേർചിത്രം മികച്ച അഭിനയമുഹൂർത്തങ്ങളിലൂടെ ഈ സിനിമ കാട്ടിത്തരുന്നു.

24/08/2026

▪️അക്യൂസ്ഡ്(2014)

▪️Accused(2014)

▪️ഭാഷ: ഡാനിഷ്

▪️സംവിധായകൻ : Paula van der Oest

▪️ജോണർ : crime/thriller/Drama

▪️പരിഭാഷ : Anoop Pc

▪️പോസ്റ്റർ : ഹരിലാൽ പി.കെ

▪️IMDB : 7.0/10

ചിത്രത്തിന്റെ വിശദാംശങ്ങൾക്കായി👇🏻

നെതർലാൻഡ്‌സിന്റെ ചരിത്രത്തിൽ തന്നെ ഏറ്റവും വിവാദമായ 'ലൂസിയ ഡി ബെക്ക്' എന്ന യഥാർത്ഥ കോടതി കേസിനെ ആസ്പദമാക്കി ഡച്ച് ഭാഷയിൽ പുറത്തിറങ്ങിയ ശ്രദ്ധേയമായ സൈക്കോളജിക്കൽ ക്രൈം ത്രില്ലറാണ് 'അക്യൂസ്ഡ്' (2014). പ്രശസ്തമായ ഒരു ആശുപത്രിയിൽ ജോലി ചെയ്യുന്ന നഴ്‌സായ ലൂസിയയുടെ ഡ്യൂട്ടി സമയത്ത് ഒരു കുട്ടി മരിക്കുന്നതോടെ, മുൻപ് നടന്ന ഏഴോളം കുഞ്ഞുങ്ങളുടെയും, പ്രായമായവരുടെയും
മരണങ്ങളുടെ ഉത്തരവാദിത്തം അവരുടെ
മേൽ കെട്ടിവെക്കപ്പെടുകയും, പരോൾ പോലും ലഭിക്കാത്ത രീതിയിൽ അവർ ജീവപര്യന്തം
തടവിന് ശിക്ഷിക്കപ്പെടുകയും ചെയ്യുന്നു.

എന്നാൽ, ലൂസിയയെ ജയിലിലടക്കാൻ മുൻപന്തിയിലുണ്ടായിരുന്ന പ്രോസിക്യൂഷൻ
വക്കീലിന്റെ യുവ അസിസ്റ്റന്റായ ജൂഡിത്,
പിന്നീട് അവർ നിരപരാധിയാണെന്ന നിർണ്ണായക തെളിവുകൾ കണ്ടെത്തുകയും തന്റെ തെറ്റ് തിരുത്തി ലൂസിയയ്ക്ക് വേണ്ടി പോരാടാൻ പ്രതിഭാഗത്തേക്ക് വരികയും ചെയ്യുന്നതോടെ ഈ നിയമപോരാട്ടത്തിന് പുതുജീവൻ ലഭിക്കുന്നു. ഒരു നിരപരാധിയുടെ നീതിക്കുവേണ്ടിയുള്ള പോരാട്ടത്തെ മികവോടെ അവതരിപ്പിച്ച ഈ ചിത്രത്തിന് നിരവധി അന്താരാഷ്ട്ര ചലച്ചിത്ര പുരസ്കാരങ്ങൾ ലഭിച്ചിട്ടുണ്ട്.

23/08/2026

▪️മൂവിമിറർ റിലീസ് - 817

▪️ഈഫ് ഐ ഹാഡ് ലെഗ്സ് ഐ വുഡ് കിക്ക്‌ യു(2025)

▪️If I Had Legs I'd Kick You(2025)

▪️ഭാഷ: ഇംഗ്ലീഷ്

▪️സംവിധായകൻ : Mary Bronstein

▪️ജോണർ : Dark comedy/thriller/Drama

▪️പരിഭാഷ : അരുൺ കെ.പി

▪️പോസ്റ്റർ : അരുൺ കെ.പി

▪️IMDB : 6.6/10

ചിത്രത്തിന്റെ വിശദാംശങ്ങൾക്കായി👇🏻

മേരി ബ്രോൺസ്റ്റൈൻ രചനയും സംവിധാനവും നിർവഹിച്ച് 2025-ൽ പുറത്തിറങ്ങിയ നിരൂപക പ്രശംസ നേടിയ ഒരു അമേരിക്കൻ സൈക്കോളജിക്കൽ ഡ്രാമ ചിത്രമാണ് 'ഈഫ് ഐ ഹാഡ് ലെഗ്സ് ഐഡ് കിക്ക് യു' സ്വന്തം കരിയറും വ്യക്തിജീവിതവും മുന്നോട്ട് കൊണ്ടുപോകാൻ ശ്രമിക്കുന്നതിനിടയിൽ മകളുടെ അസുഖം, കൂടെയില്ലാത്ത ഭർത്താവ്, കാണാതായ മറ്റൊരു വ്യക്തി, തന്റെ തെറാപ്പിസ്റ്റുമായുള്ള അസാധാരണ ബന്ധം, ലഹരി എന്നീ നിരവധി പ്രതിസന്ധികളിലൂടെ കടന്നുപോയി ഒടുവിൽ മാനസിക തകർച്ചയുടെ വക്കിലെത്തുന്ന ഒരു അമ്മയുടെ കഥയാണ് ഈ ചിത്രം പറയുന്നത്. റോസ് ബൈൺ കേന്ദ്രകഥാപാത്രത്തെ അവതരിപ്പിക്കുന്ന ഈ സിനിമയിൽ കോനൻ ഒബ്രിയൻ, എസപ്പ് റോക്കി എന്നിവരും പ്രധാന വേഷങ്ങളിലെത്തുന്നു. മാതൃത്വത്തിന്റെ തീവ്രവും സത്യസന്ധവുമായ മുഖം തുറന്നുകാണിക്കുന്ന ഈ ചിത്രത്തിലെ മികച്ച പ്രകടനത്തിന് റോസ് ബൈണിന് ഗോൾഡൻ ഗ്ലോബ്, സിൽവർ ബെയർ ഉൾപ്പെടെ നിരവധി പുരസ്കാരങ്ങൾ ലഭിക്കുകയുണ്ടായി.

21/08/2026

▪️മൂവിമിറർ റിലീസ് - 816

▪️സോൾമേറ്റ്(2026)

▪️Soulmate(2026)

▪️ഭാഷ : ഇംഗ്ലീഷ്‌

▪️സംവിധായകൻ : Kate Dolan

▪️ജോണർ : Horror/Sci - fic/Thriller

▪️പരിഭാഷ : Vishnu S

▪️പോസ്റ്റർ : അരുൺ കെപി

ചിത്രത്തിന്റെ വിശദാംശങ്ങൾക്കായി👇🏻

ഭാര്യയുടെ അകാല മരണത്തെത്തുടർന്ന് ദുഃഖിതനായ ഒരു എഞ്ചിനീയർ ഡേവിഡ് തന്റെ ഏകാന്തതയിൽ നിന്ന് കരകയറാനായി ഒരു വമ്പൻ ടെക് കമ്പനി വികസിപ്പിച്ചെടുത്ത ഒരു ആർട്ടിഫിഷ്യൽ ഇന്റലിജൻസ് (AI) ആൻഡ്രോയിഡിനെ പരീക്ഷണാടിസ്ഥാനത്തിൽ ഉപയോഗിക്കാൻ തുടങ്ങുന്നു. യാന്ത്രികമായ ഒരു റോബോട്ടിന് പകരം അവളെ തികച്ചും വികാരങ്ങളുള്ള ഒരു യഥാർത്ഥ പങ്കാളിയാക്കി മാറ്റാനുള്ള ശ്രമത്തിൽ അവൻ അവളുടെ പ്രോഗ്രാമിംഗിൽ മാറ്റങ്ങൾ വരുത്തുന്നു.എന്നാൽ ഈ പ്രവൃത്തി തികച്ചും നിരുപദ്രവകാരിയായ ആ റോബോട്ടിനെ, സ്വന്തമായി ആവശ്യങ്ങളും ആഗ്രഹങ്ങളുമുള്ള ഭയാനകവും, മാരകവുമായ ഒരു അസ്തിത്വമാക്കി മാറ്റുന്നു. തുടർന്ന് അവൾ അത്യന്തം അപകടകരവും ആസൂത്രിതവുമായ ഒരു കൂട്ടക്കൊലയിലേക്ക് കടക്കുന്നതാണ് 'സോൾമേറ്റ്' എന്ന സയൻസ് ഫിക്ഷൻ ഹൊറർ ചിത്രത്തിന്റെ സ്റ്റോറി.

സോൾമേറ്റ്' എന്ന ഈ അമേരിക്കൻ സയൻസ് ഫിക്ഷൻ ഹൊറർ ചിത്രത്തിന് പ്രശസ്തമായ 'M3GAN' സിനിമാ ഫ്രാഞ്ചൈസിയുമായി ബന്ധമുണ്ട്; ഈ സീരീസിലെ മൂന്നാമത്തെ ചിത്രവും ഒരു സ്പിൻ-ഓഫുമാണിത്.
കേറ്റ് ഡോളൻ സംവിധാനവും സഹരചനയും നിർവ്വഹിച്ചിരിക്കുന്ന ഈ ചിത്രത്തിൽ ലിലി സള്ളിവൻ, ഡേവിഡ് റിസ്ഡാൽ, ക്ലോഡിയ ഡൗമിറ്റ് എന്നിവരാണ് പ്രധാന വേഷങ്ങളിലെത്തുന്നത്. പ്രമുഖ നിർമ്മാതാക്കളായ ജേസൺ ബ്ലം, ജെയിംസ് വാൻ എന്നിവർ ചേർന്നാണ് ചിത്രം നിർമ്മിച്ചിരിക്കുന്നത്.

17/08/2026

▪️മൂവിമിറർ റിലീസ് - 815

▪️ഫോളൻ ഏഞ്ചൽസ് (1995)

▪️Fallen Angels (1995)

▪️ഭാഷ : കാന്റോണീസ്, മാൻഡറിൻ, മിൻ നാൻ, ജാപ്പനീസ്, ഇംഗ്ലീഷ്

▪️സംവിധായകൻ : Wong Kar-Wai

▪️ജോണർ : Dark comedy/Crime/Drama//Romance

▪️പരിഭാഷ : Sumanth Mohan

▪️പോസ്റ്റർ : അരുൺ കെ പി

▪️IMDB : 7.5/10

ചിത്രത്തിന്റെ വിശദാംശങ്ങൾക്കായി👇🏻

വോങ് കാർ-വായിയുടെ സംവിധാനത്തിൽ 1995-ൽ പുറത്തിറങ്ങിയ 'ഫോളൻ ഏഞ്ചൽസ്' എന്ന ചിത്രം, ഹോങ്കോങ്ങ് നഗരത്തിന്റെ പശ്ചാത്തലത്തിൽ ഒറ്റപ്പെട്ട ചില മനുഷ്യരുടെ കഥയാണ് പറയുന്നത്. പ്രധാനമായും പരസ്പരം ബന്ധിപ്പിച്ചിട്ടുള്ള രണ്ട് വ്യത്യസ്ത കഥകളിലൂടെയാണ് ഈ സിനിമ മുന്നോട്ട് പോകുന്നത്. കുറ്റകൃത്യങ്ങളുടെ ലോകത്ത് നിന്ന് എന്നെന്നേക്കുമായി വിടപറയാൻ ആഗ്രഹിക്കുന്ന ഒരു വാടകക്കൊലയാളിയും, അയാളെ രഹസ്യമായി പ്രണയിക്കുന്ന അയാളുടെ ഏജന്റായ സ്ത്രീയുമാണ് ആദ്യത്തെ കഥയിലെ പ്രധാന കഥാപാത്രങ്ങൾ.

രാത്രികാലങ്ങളിൽ അടച്ചിട്ട കടകൾ കുത്തിത്തുറന്ന് വിചിത്രമായ രീതിയിൽ ഉപജീവനം കണ്ടെത്തുന്ന സംസാരശേഷിയില്ലാത്ത ഒരു മുൻ-കുറ്റവാളിയും, കാമുകൻ ഉപേക്ഷിച്ചതിന്റെ സങ്കടത്തിൽ നടക്കുന്ന മറ്റൊരു സ്ത്രീയുമാണ് രണ്ടാമത്തെ കഥയിലുള്ളത്. തിരക്കേറിയ നഗരത്തിന്റെ ഇരുണ്ട രാത്രികളിൽ, സ്നേഹത്തിനും കൂട്ടിനുമായി കൊതിക്കുന്ന ഈ മനുഷ്യരുടെ ഏകാന്തതയും ഒറ്റപ്പെടലുമാണ് ഈ ചിത്രത്തിന്റെ പ്രമേയം.

15/08/2026

▪️മൂവിമിറർ റിലീസ് - 814

▪️സത്‌ലജ് (2026)

▪️Satluj (2026)

▪️ഭാഷ : പഞ്ചാബി, ഹിന്ദി, ഇംഗ്ലീഷ്‌

▪️സംവിധായകൻ : Honey Trehan

▪️ജോണർ : biography/crime/drama//thriller

▪️പരിഭാഷ : അൻസ് കണ്ണൂർ

▪️പോസ്റ്റർ : ഹരിലാൽ പി.കെ

▪️IMDB : 8.9/10

ചിത്രത്തിന്റെ വിശദാംശങ്ങൾക്കായി👇🏻

1990-കളുടെ തുടക്കത്തിൽ പഞ്ചാബിൽ നടന്ന കലാപങ്ങളുടെയും പോലീസ് ഭരണത്തിന്റെയും ഇരുണ്ട പശ്ചാത്തലത്തിലാണ് സിനിമ നടക്കുന്നത്. ആ കാലഘട്ടത്തിൽ പഞ്ചാബിൽ നിന്നും ദുരൂഹസാഹചര്യത്തിൽ 25,000-ത്തോളം ആളുകളെയാണ് കാണാതായത്. പഞ്ചാബ് പോലീസിന്റെ നേതൃത്വത്തിൽ നടന്ന വ്യാജ ഏറ്റുമുട്ടലുകളെക്കുറിച്ചും കാണാതായ ഈ മനുഷ്യരെക്കുറിച്ചും ജസ്വന്ത് സിംഗ് ഖൽറ നടത്തുന്ന ഭയരഹിതമായ അന്വേഷണമാണ് സിനിമയുടെ പ്രധാന പ്രമേയം. കാണാതായവർക്ക് വേണ്ടി ശബ്ദമുയർത്തിയ ഖൽറയെയും പിന്നീട് കാണാതാകുന്നു എന്നത് ഭരണകൂട ഭീകരതയുടെ നേർക്കാഴ്ചയായി സിനിമ വരച്ചുകാട്ടുന്നു.

സത്‌ലജ്' കേവലമൊരു സിനിമ മാത്രമല്ല, പഞ്ചാബ് ചരിത്രത്തിലെ ഏറ്റവും വേദനിപ്പിക്കുന്ന ഒരു അധ്യായത്തിന്റെ ഓർമ്മപ്പെടുത്തൽ കൂടിയാണ്. ഹണി ട്രെഹാൻ സംവിധാനം ചെയ്ത് 2026-ൽ പുറത്തിറങ്ങിയ ഈ ബയോഗ്രാഫിക്കൽ ഡ്രാമ ചിത്രം, പ്രമുഖ മനുഷ്യാവകാശ പ്രവർത്തകനായ ജസ്വന്ത് സിംഗ് ഖൽറയുടെ ജീവിതത്തെയും പോരാട്ടങ്ങളെയും ആസ്പദമാക്കിയുള്ളതാണ്.

14/08/2026

▪️മൂവിമിറർ റിലീസ് - 813

▪️ദ നൈറ്റ് ഓഫ് ദ 12th (2022)

▪️The Night of the 12th (2022)

▪️ഭാഷ : ഫ്രഞ്ച്

▪️സംവിധായകൻ : Dominik Moll

▪️ജോണർ : crime/drama/mystery/thriller

▪️പരിഭാഷ : Anoop Pc

▪️പോസ്റ്റർ : Vishnu Sreekumar

▪️IMDB : 7.0/10

ചിത്രത്തിന്റെ വിശദാംശങ്ങൾക്കായി👇🏻

ഓരോ കുറ്റാന്വേഷകനെയും വേട്ടയാടുന്ന ഒരു കേസ് ഉണ്ടാകുമെന്ന് പറയപ്പെടുന്നു. കാരണം വ്യക്തമല്ലെങ്കിലും മറ്റു കേസുകളേക്കാൾ അവരെയത് കൂടുതൽ വേദനിപ്പിക്കും. യോഹാനെ സംബന്ധിച്ചിടത്തോളം
അത് ക്ലാരയുടെ കൊലപാതകമായിരുന്നു.

പോളിൻ ഗ്വേനയുടെ 2020-ൽ പുറത്തിറങ്ങിയ '18.3 - Une année à la PJ' എന്ന നോൺ-ഫിക്ഷൻ പുസ്തകത്തെ ആസ്പദമാക്കി നിർമ്മിച്ച ത്രില്ലർ ചിത്രമാണ് 'ദ നൈറ്റ് ഓഫ് ദ 12th'. ഫ്രഞ്ച് ആൽപ്‌സിലെ ഒരു പട്ടണത്തിൽ നടക്കുന്ന ക്ലാര എന്ന യുവതിയുടെ ക്രൂരമായ കൊലപാതകവും അതിന് പിന്നിലെ ദുരൂഹതകളുമാണ് ഈ ചിത്രം പ്രമേയമാക്കുന്നത്.

പുതുതായി സ്ഥാനക്കയറ്റം ലഭിച്ച ക്യാപ്റ്റൻ വിവിയസിന്റെ നേതൃത്വത്തിൽ നടക്കുന്ന അന്വേഷണം ക്ലാരയുടെ സങ്കീർണ്ണമായ വ്യക്തിജീവിതത്തിലൂടെയും മുൻകാല ബന്ധങ്ങളിലൂടെയും കടന്നുപോകുന്നു. എന്നാൽ, ഒരു ഘട്ടത്തിൽ അത് പൂർണ്ണമായും വഴിമുട്ടുകയും അതിലെ ഉത്തരം കിട്ടാത്ത ചോദ്യങ്ങൾ വിവിയസിനെ മാനസികമായി വല്ലാതെ വേട്ടയാടാൻ തുടങ്ങുകയും ചെയ്യുന്നു. 2022-ലെ കാൻ ഫിലിം ഫെസ്റ്റിവലിലെ ആദ്യ പ്രദർശനത്തിന് ശേഷം, 48-ാമത് സീസർ അവാർഡിൽ മികച്ച ചിത്രവും മികച്ച സംവിധായകനും ഉൾപ്പെടെ ആറ് സുപ്രധാന പുരസ്കാരങ്ങൾ ഈ ചിത്രം സ്വന്തമാക്കിയിട്ടുണ്ട്.

13/08/2026

▪️മൂവിമിറർ റിലീസ് - 812

▪️പ്രിറ്റി ക്രേസി(2025)

▪️Pretty Crazy(2025)

▪️ഭാഷ : korean

▪️സംവിധായകൻ : Lee Sang-geun

▪️ജോണർ : comedy/romance/mystery

▪️പരിഭാഷ : Seenath Arakkal

▪️പോസ്റ്റർ : ഹരിലാൽ പി.കെ

▪️IMDB : 6.6/10

ചിത്രത്തിന്റെ വിശദാംശങ്ങൾക്കായി👇🏻

പകൽ സമയത്ത് മധുരപലഹാരങ്ങൾ ഉണ്ടാക്കുന്ന സാധാരണ പെൺകുട്ടിയും, എന്നാൽ രാത്രിയിൽ പിശാചുമായി മാറുന്ന ഒരു ശാപമുള്ള സിയോൺ-ജി എന്ന പെൺകുട്ടിയുടെയും അവളുടെ അയൽക്കാരനായ ഗിൽ-ഗുവിൻ്റെയും കഥയാണ് ഈ ചിത്രം പറയുന്നത്. സിയോൺ-ജിക്ക് അവളുടെ രാത്രിയിലെ ഈ മാറ്റങ്ങളെക്കുറിച്ച് യാതൊരു ഓർമ്മയുമില്ല. യാദൃശ്ചികമായി അവളുടെ രാത്രിയിലെ രൂപത്തെ കണ്ടുമുട്ടുന്ന തൊഴിൽരഹിതനായ ഗിൽ-ഗുവിനെ, അവളുടെ ഡാഡി രാത്രിയിൽ അവളെ നോക്കാനായി ജോലിക്ക് ഏൽപ്പിക്കുന്നു. പകൽ സമയത്തുള്ള ശാന്തയായ സിയോൺ-ജിയോട് പ്രണയം തോന്നുന്ന ഗിൽ-ഗു, രാത്രിയിലെ അവളുടെ ഭയാനകമായ രൂപത്തെ അതിജീവിക്കുന്നതിനൊപ്പം അവളുടെ ഈ ശാപം മാറ്റാനും അവർക്ക് നല്ലൊരു ഭാവി കണ്ടെത്താനും ശ്രമിക്കുന്നതാണ് ഈ രസകരമായ സിനിമയുടെ പ്രമേയം.

11/08/2026

▪️മൂവിമിറർ റിലീസ് - 811

▪️ബിഹൈൻഡ് എനിമി ലൈൻസ്(2001)

▪️Behind Enemy Lines(2001)

▪️ഭാഷ : English, Serbo-Croatian, Spanish, Czech

▪️സംവിധായകൻ : John Moore

▪️ജോണർ : survival/war/thriller/drama

▪️പരിഭാഷ : Binoj Joseph

▪️പോസ്റ്റർ : അരുൺ കെ പി

ചിത്രത്തിന്റെ വിശദാംശങ്ങൾക്കായി👇🏻

യുഎസ് നേവിയിലെ തന്റെ ജോലിയിൽ താല്പര്യം നഷ്ടപ്പെട്ട ലെഫ്റ്റനന്റ് ക്രിസ് ബർനെറ്റ്, യുദ്ധം തകർത്ത ബോസ്നിയയിൽ ഒരു നിരീക്ഷണ പറക്കലിനിടെ ആകസ്മികമായി ഒരു കൂട്ടക്കൊലയുടെ ദൃശ്യങ്ങൾ കണ്ടെത്തുന്നു. ഈ തെളിവുകൾ
പുറത്തുവരാതിരിക്കാൻ ശത്രുസൈന്യം അവരുടെ വിമാനം വെടിവെച്ചിടുകയും കൂടെയുണ്ടായിരുന്ന പൈലറ്റിനെ ക്രൂരമായി കൊലപ്പെടുത്തുകയും ചെയ്യുന്നു.

തുടർന്ന്, ശത്രുക്കളുടെ നിയന്ത്രണത്തിലുള്ള ബോസ്നിയൻ പ്രദേശങ്ങളിൽ ഒറ്റപ്പെടുന്ന ബർനെറ്റ്, തന്നെ വേട്ടയാടുന്ന പ്രാദേശിക സൈനികരിൽ നിന്നും ഒരു കൊലയാളിയിൽ നിന്നും രക്ഷപ്പെടാൻ നടത്തുന്ന ജീവൻമരണ പോരാട്ടമാണ് ഈ ചിത്രത്തിന്റെ ഇതിവൃത്തം. ഇതിനിടയിൽ രാഷ്ട്രീയ ഇടപെടലുകളെയും മേലധികാരികളുടെ എതിർപ്പുകളെയും മറികടന്ന് അദ്ദേഹത്തെ രക്ഷിക്കാൻ കമാൻഡിങ് ഓഫീസറായ റിയർ അഡ്മിറൽ ലെസ്ലി റീഗാർട്ട് നടത്തുന്ന ശ്രമങ്ങളും ഈ കഥയെ കൂടുതൽ ഉദ്വേഗജനകമാക്കുന്നു.

10/08/2026

▪️മൂവിമിറർ റിലീസ് - 810

▪️കുന്തിലാനാക്ക്(2018)

▪️Kuntilanak(2018)

▪️ഭാഷ : ഇന്തോനേഷ്യൻ

▪️സംവിധായകൻ : Rizal Mantovani

▪️ജോണർ : comody/horror

▪️പരിഭാഷ : Haridas Ramakrishnan

▪️പോസ്റ്റർ : Salman Faris

ചിത്രത്തിന്റെ വിശദാംശങ്ങൾക്കായി👇🏻

ഭയവും നർമ്മവും ഒരുപോലെ കോർത്തിണക്കിയ ഒരു ഇന്തോനേഷ്യൻ ഹൊറർ-കോമഡി ചിത്രമാണ് കുന്തിലാനാക്ക് (2018). ഇന്തോനേഷ്യൻ നാടോടിക്കഥകളിൽ കുഞ്ഞുങ്ങളെ സ്നേഹിച്ച് കൊതി തീരാതെ മരണമടഞ്ഞ സ്ത്രീയുടെ ദുരാത്മാവാണ് കുന്തിലാനാക്ക്. തക്കം പാർത്തിരുന്ന് വേഷം മാറി വന്നാണ് അവൾ കുഞ്ഞുങ്ങളെ തട്ടിക്കൊണ്ടുപോവുന്നത്. അനാഥാലയത്തിൽ വളരുന്ന കുട്ടികൾ ഒരു പഴയ കണ്ണാടിയുടെ ദുരൂഹ രഹസ്യം കണ്ടെത്തുന്നതോടെയാണ് കുന്തിലാനാക്കിന്റെ ലോകവുമായി ബന്ധപ്പെട്ട അപ്രതീക്ഷിത സംഭവങ്ങൾ അരങ്ങേറുന്നത്. പേടിപ്പെടുത്തുന്ന രംഗങ്ങൾക്കിടയിലും നർമ്മത്തിന് പ്രാധാന്യം നൽകിയിരിക്കുന്നതിനാൽ, അമിതഭയം സൃഷ്ടിക്കാതെ ആകാംക്ഷ നിലനിർത്തുന്നു.ഹൊറർ ഇഷ്ടപ്പെടുന്നവർക്ക് കുടുംബത്തോടൊപ്പം ആസ്വദിക്കാവുന്ന ഒരു ഫാന്റസി-ഹൊറർ അനുഭവമാണ് കുന്തിലാനാക്ക്.

Movie Mirror Subtitles

25/08/2026

24/08/2026

23/08/2026

21/08/2026

17/08/2026

15/08/2026

14/08/2026

13/08/2026

11/08/2026

10/08/2026

Address

Website

Alerts

Shortcuts

Share

Category

Listing takedown request