http://www.moviemirrormalayalamsubtitles.com/

Movie Mirror Subtitles, Trivandrum, Neyyattinkara (2026)

28/09/2026

▪️മൂവിമിറർ റിലീസ് - 766
▪️സൂപ്പർനാച്ചുറൽ : സീസൺ 6 : എപ്പിസോഡ് 12-22 ( 2005-2020)
▪️ Supernatural : Season 6 : Episode 12 - 22
▪️ഭാഷ : ഇംഗ്ലീഷ്
▪️സംവിധാനം : Eric Kripke
▪️ജോണർ : മിസ്റ്ററി/ഫാന്റസി/ഹൊറർ/ത്രില്ലർ
▪️IMDB Rating : 8.4/10
▪️പരിഭാഷ : Anoop Pc Jaseem Jazi Anandhu AR Jinatt Thomas Binoj Joseph
▪️പോസ്റ്റർ : Jinatt Thomas

കഥാവിവരണം 👇

വെറും 5 സീസണിൽ അവസാനിക്കുന്ന സീരീസ് എന്ന തീരുമാനത്തോടെ ചിത്രീകരണം തുടങ്ങിയ ഒരു അമേരിക്കൻ സീരീസ്, സംപ്രേഷണം ആരംഭിച്ച ശേഷമുള്ള ജനപിന്തുണയെ തുടർന്ന് 327 എപ്പിസോഡുകൾ നിറഞ്ഞ 15 സീസണുകളായി 15 വർഷത്തെ പ്രയാണം ആരംഭിക്കുന്നു. അതാണ് Erik kripke സംവിധാനം ചെയ്ത സൂപ്പർനാച്ചുറൽ എന്ന ഹൊറർ/ഫാന്റസി സീരിസിന്റെ ചരിത്രം. ഓരോ നാട്ടിലും ഭൂത-പ്രേത-പിശാചുക്കളെപ്പറ്റി പല മിത്തുകളും ഉണ്ടാവും. പറഞ്ഞു വരുമ്പോൾ ദേശങ്ങൾ പലതാണെങ്കിലും പല സാമ്യങ്ങൾ നമുക്കീ കഥകളിൽ കാണാൻ സാധിക്കും. അത്തരം പല മിത്തുകളിലൂടെയാണ് സീരിസിന്റെ ഓരോ എപ്പിസോഡുകളും കടന്നു പോകുന്നത്. അമേരിക്കയിലെ വിഞ്ചസ്റ്റർ കുടുംബത്തിൽ അപ്രതീക്ഷിതമായി ഒരു അമാനുഷിക ശക്തിയുടെ ആക്രമണം ഉണ്ടാവുകയും വീട്ടമ്മയായ മേരി വിഞ്ചസ്റ്റർ കൊല്ലപ്പെടുകയും ചെയ്യുന്നു. അപകടത്തിൽ നിന്നും രക്ഷപ്പെട്ട ജോൺ വിഞ്ചസ്റ്ററും, മക്കൾ സാമും ഡീനും പിന്നീട് ദുഷ്ട ശക്തികളെ വേട്ടയാടുന്ന "ഹണ്ടർ"മാരായി മാറുന്നു. നിഗൂഢ സാഹചര്യത്തിൽ കാണാതാകുന്ന അച്ഛനെ തേടി സാമും, ഡീനും നടത്തുന്ന യാത്രകൾക്കിടയിൽ അവർ നേരിടുന്ന അസ്വാഭാവിക സാഹചര്യങ്ങളും അതിന്റെ കുരുക്കഴിക്കലുമാണ് നമുക്ക് ഓരോ എപ്പിസോഡുകളിലും കാണാനാവുക. അഞ്ച് സീസണുകളിൽ തീർക്കേണ്ട ഈ സീരീസ് 15 സീസണുകളിലേക്ക് ഗതിമാറാൻ പ്രധാന കാരണം സാം, ഡീൻ എന്നീ കഥാപാത്രങ്ങൾക്ക് ലഭിച്ച ജനപിന്തുണയാണ്.

ഒരു ലോങ് റൺ സീരീസ് ആണെങ്കിൽ കൂടിയും ഓരോ എപ്പിസോഡുകളിലും ഓരോ കഥകൾ എന്ന പ്രത്യേകതക്കൊപ്പം ഒരു ബ്രഹ്മാണ്ഡ പ്ലോട്ടും കൈകാര്യം ചെയ്യുന്നതിനാൽ ഏതൊരു സിനിമ/സീരീസ് പ്രേമിയേയെയും ഇത് തീർത്തും ആകർഷിക്കും. 327 എപ്പിസോഡുകളിലൂടെ ഈ സീരീസ് കൈകാര്യം ചെയ്യാത്ത ഒരു ജോണറുകളും ബാക്കിയില്ല എന്ന് നിസംശയം പറയാം.

27/09/2026

▪️മൂവിമിറർ റിലീസ് - 845

▪️അനസൂയ(2007)

▪️Anasuya(2007)

▪️ഭാഷ: തെലുഗു

▪️സംവിധാനം : Ravi Babu

▪️ജോണർ : ക്രൈം/മിസ്റ്ററി/ത്രില്ലർ

▪️പരിഭാഷ : Seenath Arakkal

▪️പോസ്റ്റർ : ഹരിലാൽ പി.കെ

▪️IMDB : 7.3/10

സിനിമയുടെ വിശദാംശങ്ങൾ👇🏻

നഗരത്തെ വിറപ്പിക്കുന്ന തുടർച്ചയായ കൊലപാതകങ്ങളും അതിന് പിന്നിലെ അദൃശ്യനായ കൊലയാളിയും ഒരുക്കുന്ന ഭയാനകമായ പശ്ചാത്തലത്തിലാണ് ഈ കഥ വികസിക്കുന്നത്. മൃതദേഹങ്ങൾക്കരികിൽ ഒരു ചുവന്ന റോസാപ്പൂവ് അവശേഷിപ്പിക്കുന്ന ആ സൈക്കോ കില്ലറെ കണ്ടെത്താൻ പോലീസ് ഇരുട്ടിൽ തപ്പുമ്പോൾ, അനസൂയ എന്ന യുവ മാധ്യമപ്രവർത്തക ആ ദുരൂഹതയ്ക്ക് പിന്നാലെ ഇറങ്ങുന്നു. എന്നാൽ ആ അന്വേഷണം അവളെ കൊണ്ടുചെന്നെത്തിക്കുന്നത് അപ്രതീക്ഷിതമായ പ്രതിസന്ധികളിലേക്കാണ്.

എന്തുവിലകൊടുത്തും ആ സീരിയൽ കില്ലറെ കണ്ടെത്താൻ അവൾ നടത്തുന്ന ശ്രമങ്ങൾക്കൊടുവിൽ അവൾ ആ നടുക്കുന്ന സത്യം തിരിച്ചറിയുന്നു; യഥാർത്ഥത്തിൽ അവൾ ആ കൊലയാളിയെ വേട്ടയാടുകയായിരുന്നില്ല, മറിച്ച് അദൃശ്യനായ ആ കൊടുംക്രിമിനലിന്റെ വലയിലേക്ക് അവൾ വീഴുകയായിരുന്നു! ഒരു മാധ്യമപ്രവർത്തകയും സൈക്കോ കില്ലറും തമ്മിലുള്ള ജീവൻമരണപ്പോരാട്ടത്തിന്റെ ഉദ്വേഗജനകമായ നിമിഷങ്ങളാണ് ഈ സസ്പെൻസ് ത്രില്ലർ സമ്മാനിക്കുന്നത്.

26/09/2026

▪️മൂവിമിറർ റിലീസ് - 844

▪️സൈലോ : സീസൺ 1 (2023-)

▪️Silo : Season 1 (2023-)

▪️ഭാഷ: ഇംഗ്ലീഷ്

▪️സംവിധാനം : Graham Yost

▪️ജോണർ : ഡ്രാമ, മിസ്റ്ററി, സയൻസ് ഫിക്ഷൻ

▪️പരിഭാഷ : Satheesh Gopal

▪️പോസ്റ്റർ : Jinatt Thomas

▪️IMDB : 8.1/10

സീരീസിന്റെ വിശദാംശങ്ങൾ👇🏻

ഹ്യൂ ഹൗവിയുടെ നോവൽ പരമ്പരയെ അടിസ്ഥാനമാക്കി ഗ്രഹാം യോസ്റ്റ് നിർമ്മിച്ച അമേരിക്കൻ സയൻസ് ഫിക്ഷൻ സീരീസാണ് 'സൈലോ'. 140 വർഷങ്ങൾക്ക് മുമ്പ് നടന്ന ഒരു വിനാശകരമായ യുദ്ധത്തിന് ശേഷം വിഷലിപ്തമായ ഭൂമിയിൽ നിന്ന് രക്ഷനേടാൻ മനുഷ്യർ 144 നിലകളുള്ള ഒരു വലിയ ഭൂഗർഭ അറയിൽ കർശന നിയമങ്ങളോടെ ജീവിക്കുന്ന ഒരു ഡിസ്റ്റോപ്പിയൻ കാലഘട്ടത്തിന്റെ കഥയാണ് പറയുന്നത്. നിരോധിതമായ വിവരങ്ങളുള്ള 140 വർഷം പഴക്കമുള്ള ഒരു ഹാർഡ് ഡ്രൈവ് കണ്ടെത്തുന്ന ഷെരീഫിന്റെ ഭാര്യയും, പിന്നീട് അയാളും നിയമം ലംഘിച്ചതിന് സൈലോയ്ക്ക് പുറത്തേക്ക് പോയി മരണപ്പെടുന്നു. ഈ ഹാർഡ് ഡ്രൈവ് പിന്നീട് കൈവശം ലഭിച്ച ഒരു എഞ്ചിനീയർ കൂടി കൊല്ലപ്പെടുമ്പോൾ, അയാളുടെ കാമുകിയും സഹപ്രവർത്തകയുമായ ജൂലിയറ്റ് നിക്കോൾസ് ആ മരണത്തിന് പിന്നിലെ രഹസ്യങ്ങൾ അന്വേഷിക്കാൻ തുടങ്ങുന്നു. തങ്ങൾ സുരക്ഷിതരാണെന്ന് വിശ്വസിക്കുന്ന ഈ അടച്ചുപൂട്ടപ്പെട്ട ലോകത്തിന്റെ നിലനിൽപ്പിനെത്തന്നെ അപകടത്തിലാക്കുന്ന ഞെട്ടിക്കുന്ന പല സത്യങ്ങളും ജൂലിയറ്റ് കണ്ടെത്തുന്നതാണ് ഈ സീരീസിന്റെ ഇതിവൃത്തം.

25/09/2026

▪️മൂവിമിറർ റിലീസ് - 843

▪️വാനിഷിങ് പോയിന്റ്(2026)

▪️Vanishing Point(2026)

▪️ഭാഷ: ചൈനീസ്

▪️സംവിധാനം : Wei-Hao Cheng

▪️ജോണർ : ക്രൈം/ഡ്രാമ /മിസ്റ്ററി/ത്രില്ലർ

▪️പരിഭാഷ : Anoop Pc

▪️പോസ്റ്റർ : അരുൺ കെപി

▪️IMDB : 6.8/10

സിനിമയുടെ വിശദാംശങ്ങൾ👇🏻

ശൈത്യകാലത്തെ ഇരുണ്ട ഒരു പ്രഭാതം. ഒറ്റനോട്ടത്തിൽ ശാന്തമെന്ന് തോന്നുന്ന ഒരു അപ്പാർട്ട്മെന്റ് സമുച്ചയത്തിനുള്ളിൽ മൂന്ന് ദുരൂഹ സംഭവങ്ങൾ അരങ്ങേറുന്നു. യാങ് യുവാൻ്റെ ഒമ്പത് വയസ്സുള്ള മകൻ കോണിപ്പടിയിൽ വെച്ച് പെട്ടെന്ന് അപ്രത്യക്ഷനാകുന്നു; സിസിടിവി ക്യാമറകളിൽ ഒരു സൂചന പോലും അവശേഷിപ്പിക്കാതെയാണ് അവൻ മാഞ്ഞുപോയത്. ഇതിന് തൊട്ടടുത്തുള്ള മുറിയിൽ, ചൂതാട്ടത്തിന് അടിമയായ യുവാൻ വു എന്ന യുവാവ് സ്വന്തം പിതാവിന്റെ മൃതദേഹം ആരുമറിയാതെ ഒളിപ്പിക്കാനുള്ള തത്രപ്പാടിലാണ്. അതേസമയം, ഇതേ കെട്ടിടത്തിൽ തനിച്ചു താമസിക്കുന്ന ലിൻ ചുപിങ് എന്ന യുവതി മുൻപ് തനിക്ക് നേരിടേണ്ടി വന്ന ക്രൂരമായ ഒരു അതിക്രമത്തിന്റെ ആഘാതത്തിലും ഭയത്തിലും ജീവിക്കുന്നു.തനിക്ക് നേരിടേണ്ടി വന്ന ക്രൂരത ചെയ്തത് ആരാണെന്നറിയാൻ അവളും അവളുടെ സുഹൃത്തും ഇറങ്ങിത്തിരിക്കുകയാണ്.

പരസ്പരം യാതൊരു ബന്ധവുമില്ലെന്ന് തോന്നുന്ന ഈ മൂന്ന് മനുഷ്യരുടെ ജീവിതം ആ അപ്പാർട്ട്മെന്റിന്റെ ഇരുണ്ട ഇടനാഴികളിൽ തളയ്ക്കപ്പെട്ടിരിക്കുകയാണ്.
എന്നാൽ അന്വേഷണം പുരോഗമിക്കുന്തോറും സംഭവങ്ങളുടെ കാലഗണന സങ്കീർണ്ണമാകുകയും, ഇന്നലെയും ഇന്നും നാളെയും തമ്മിലുള്ള അതിർവരമ്പുകൾ മാഞ്ഞുതുടങ്ങുകയും ചെയ്യുന്നു. തികച്ചും വ്യത്യസ്തമെന്ന് കരുതിയ ഈ മൂന്ന് കേസുകളും തമ്മിൽ അദൃശ്യമായ ഒരു ചരട് ബന്ധിപ്പിക്കപ്പെട്ടിട്ടുണ്ടെന്ന ഞെട്ടിക്കുന്ന സത്യം പതുക്കെ ചുരുളഴിയുകയാണ്. ഈ മൂന്ന് സംഭവങ്ങൾക്കും പിന്നിൽ പ്രവർത്തിച്ച ആ അദൃശ്യ കരങ്ങൾ ആരുടേതാണ്? ഓരോ നിമിഷവും പ്രേക്ഷകരെ ആകാംഷയുടെ മുൾമുനയിൽ നിർത്തുന്ന ഒരു ചൈനീസ് ത്രില്ലർ.

24/09/2026

▪️മൂവിമിറർ റിലീസ് - 842

▪️ദ സാൻഡ്(2015)

▪️The Sand(2015)

▪️ഭാഷ: ഇംഗ്ലീഷ്

▪️സംവിധാനം : Isaac Gabaeff

▪️ജോണർ : comedy/monster horror/sci-fic/thriller

▪️പരിഭാഷ : Haridas Ramakrishnan

▪️പോസ്റ്റർ : Salman Faris

സിനിമയുടെ വിശദാംശങ്ങൾക്കായി👇🏻

2015 ൽ പുറത്തിറങ്ങിയ ഒരു അമേരിക്കൻ ഹൊറർ സർവൈവൽ മൂവിയാണ് "ദി സാൻഡ്" അഥവാ കില്ലർ ബീച്ച്. ബീച്ചിൽ ഒഴിവുകാലം ആഘോഷിക്കാനെത്തുന്ന ഒരു കൂട്ടം യുവതീ യുവാക്കൾ, രാത്രിയിലെ ആഘോഷമൊക്കെ കഴിഞ്ഞ് പിറ്റേന്ന് പുലർന്നപ്പോൾ അവർ നേരിടേണ്ടി വന്നത് ഒരിക്കലും പ്രതീക്ഷിക്കാത്ത ഒരു ഭീഷണിയാണ്. മണലിൽ കാൽവയ്ക്കാൻ പോലും കഴിയാതെ, ചുറ്റും മരണത്തിന്റെ ഭയം മാത്രം നിറയുമ്പോൾ രക്ഷപ്പെടാനുള്ള ഓരോ ശ്രമവും കൂടുതൽ അപകടകരമാകുന്നു. മണലിനടിയിൽ ഒളിഞ്ഞിരിക്കുന്നത് എന്താണെന്നറിയാനുള്ള ആകാംക്ഷയും, അടുത്ത നിമിഷം എന്ത് സംഭവിക്കുമെന്നതും അവസാനം വരെ പ്രേക്ഷകനെ പിടിച്ചിരുത്തും. Survival Horror ഇഷ്ടപ്പെടുന്നവർക്ക് വ്യത്യസ്തമായ ഒരു ദൃശ്യാനുഭവം.

22/09/2026

▪️മൂവിമിറർ റിലീസ് - 841

▪️ദ ഒക്കുപ്പന്റ്(2025)

▪️The Occupant(2025)

▪️ഭാഷ: ഇംഗ്ലീഷ്, ജോർജിയൻ

▪️സംവിധാനം : Hugo Keijzer

▪️ജോണർ : drama/mystery/sci-fic/thriller

▪️പരിഭാഷ : Sumanth Mohan

▪️പോസ്റ്റർ : Vishnu Sreekumar

സിനിമയുടെ വിശദാംശങ്ങൾക്കായി👇🏻

രോഗിയായ തന്റെ സഹോദരിയുടെ ചികിത്സയ്ക്കായി പണം കണ്ടെത്താൻ ജോർജിയയിലെ മഞ്ഞുമൂടിയ മലനിരകളിൽ ജോലിക്ക് പോകുന്ന ബ്രിട്ടീഷ് ജിയോളജിസ്റ്റായ ആബിയാണ് ഹ്യൂഗോ കെയ്‌സറിന്റെ സംവിധാനത്തിൽ ഒരുങ്ങിയ 'ദി ഒക്യുപന്റ്' എന്ന സർവൈവൽ ത്രില്ലർ ചിത്രത്തിലെ പ്രധാന കഥാപാത്രം. മടക്കയാത്രയിൽ അവൾ സഞ്ചരിച്ചിരുന്ന ഹെലികോപ്റ്റർ തകർന്ന് പൈലറ്റ് മരിക്കുകയും, ആബി ആ കൊടുംതണുപ്പിൽ ഒറ്റപ്പെടുകയും ചെയ്യുന്നു. അതിജീവനത്തിനായുള്ള കടുത്ത പോരാട്ടത്തിനിടയിൽ, റേഡിയോയിലൂടെ സംസാരിക്കുന്ന ജോൺ എന്ന അപരിചിതൻ അവൾക്ക് ഒരു പ്രതീക്ഷയാകുന്നു. കഠിനമായ ആ പ്രകൃതിയോട് പൊരുതി ജോണിന്റെ നിർദ്ദേശങ്ങളിലൂടെ രക്ഷപ്പെടാൻ ശ്രമിക്കുന്ന ആബിയുടെ സമനില പതിയെ തെറ്റാൻ തുടങ്ങുന്നതും, ഒടുവിൽ അവൾക്ക് അസാധ്യമായ ഒരു തിരഞ്ഞെടുപ്പ് നടത്തേണ്ടി വരുന്നതുമാണ് ഈ ചിത്രത്തിന്റെ ഇതിവൃത്തം.

21/09/2026

▪️മൂവിമിറർ റിലീസ് - 840

▪️ടീനേജ് സെക്സ് ആൻഡ്‌ ഡെത്ത് അറ്റ്
ക്യാമ്പ് മിയാസ്മ (2026)

▪️Teenage s*x and death at
Camp Miasma (2026)

▪️ഭാഷ: ഇംഗ്ലീഷ്

▪️സംവിധാനം : Jane Schoenbrun

▪️ജോണർ : ഹൊറർ, സ്ലാഷർ

▪️പരിഭാഷ : അർജ്ജുൻ ദാസ്

▪️പോസ്റ്റർ : Jinatt Thomas

▪️IMDB : 6.9/10

സിനിമയുടെ വിശദാംശങ്ങൾ👇🏻

നിരാശപ്പെടുത്തിയ തുടർഭാഗങ്ങളും മങ്ങിയുപോയ ആരാധകശ്രദ്ധയും കാരണം ക്യാമ്പ് മിയാസ്മ ഫ്രാഞ്ചൈസി പതനത്തിലേക്ക് നീങ്ങുകയാണ്. മിയാസ്മയെ വീണ്ടും ജീവിപ്പിക്കാൻ ഒരു യുവ സംവിധായിക രംഗത്തെത്തുന്നു. ആദ്യ ചിത്രത്തിലെ നായികയും ഇപ്പോൾ മനുഷ്യരിൽ നിന്ന് അകന്ന് ദുരൂഹതകളിൽ കഴിയുന്ന ഒരു നടിയുമായുള്ള അവളുടെ കൂടിക്കാഴ്ച, ഇരുവരെയും ഭയവും, മോഹവും, ഭ്രാന്തും, രക്തവും കൂടിച്ചേരുന്ന ഒരു പേടിപ്പെടുത്തുന്ന ലോകത്തേക്ക് കൊണ്ടുപോകുന്നതും തുടർന്നുള്ള കാര്യങ്ങളുമാണ് ചിത്രം.

18 തികഞ്ഞവർ മാത്രം
ഈ സിനിമ കാണുക!!🔞

20/09/2026

▪️മൂവിമിറർ റിലീസ് - 839

▪️പ്ലെഷർ(2021)

▪️Pleasure(2021)

▪️ഭാഷ: ഇംഗ്ലീഷ്, സ്വീഡിഷ്

▪️സംവിധാനം : Ninja Thyberg

▪️ജോണർ : Erotic/psychological drama

▪️പരിഭാഷ : Anoop Pc

▪️പോസ്റ്റർ : അരുൺ കെപി

▪️IMDB : 6.3/10

സിനിമയുടെ വിശദാംശങ്ങൾക്കായി👇🏻

2026 അവസാനത്തോടെ ആഗോള നീലച്ചിത്ര വ്യവസായത്തിന്റെ വരുമാനം ഏകദേശം 8.3 ലക്ഷം കോടി രൂപയ്ക്ക് ($100 billion) മുകളിലെത്തുമെന്നാണ് കണക്കാക്കപ്പെടുന്നത്. ഒരു നീലച്ചിത്രം കാണാത്തവരായിരിക്കില്ല നമ്മളിൽ ഭൂരിഭാഗം പേരും. എന്നാൽ കോടികൾ മറിയുന്ന ഈ വ്യവസായത്തിന്റെ പിന്നാമ്പുറങ്ങളിൽ ശരിക്കും എന്താണ് സംഭവിക്കുന്നതെന്ന് ഒരു വലിയ നീലച്ചിത്ര താരമാകുക എന്ന സ്വപ്നവുമായി സ്വീഡനിൽ നിന്നും ലോസ് ഏഞ്ചൽസിൽ എത്തുന്ന 19-കാരിയായ ലിന്നിയയുടെ ജീവിതത്തിലൂടെ ഈ ചിത്രം വരച്ചുകാട്ടുന്നു.

'ബെല്ല ചെറി' എന്ന പേര് സ്വീകരിച്ച് വലിയ ആത്മവിശ്വാസത്തോടെ അവൾ തന്റെ ലക്ഷ്യത്തിലേക്ക് മുന്നോട്ട് പോകുമ്പോൾ, എങ്ങനെയൊരു നീലച്ചിത്രം നിർമിക്കപ്പെടുന്നു എന്നും, അഭിനേതാക്കളുടെ മനോനിലകളും അവർ വീഴുന്ന ചതിക്കുഴികളും യാതൊരു ഗ്ലാമറൈസേഷനുമില്ലാതെ സംവിധായിക ഇതിൽ അവതരിപ്പിക്കുന്നു. പുരുഷമേധാവിത്വമുള്ള ഈ വ്യവസായത്തിൽ പ്രശസ്തിയും വിജയവും അത്ര എളുപ്പമല്ലെന്നും അതിന് വലിയ വില നൽകേണ്ടി വരുമെന്നും അവൾ വൈകാതെ തിരിച്ചറിയുന്നു. ഇൻഡസ്ട്രിയിലെ ചൂഷണം, സ്ത്രീകൾ നേരിടുന്ന കടുത്ത വിട്ടുവീഴ്ചകൾ, ശാരീരിക-മാനസിക സംഘർഷങ്ങൾ തുടങ്ങിയ ഇരുണ്ട യാഥാർത്ഥ്യങ്ങളെ ചിത്രം ശക്തമായി തുറന്നുകാണിക്കുന്നു. സൗഹൃദങ്ങൾ അപൂർവ്വമായ ഈ ലോകത്ത്, തന്റെ സ്വപ്നം നേടിയെടുക്കാൻ അവൾ ഏതറ്റം വരെ പോകാൻ തയ്യാറാകും എന്നതാണ് ഒരു സ്ത്രീയുടെ കാഴ്ചപ്പാടിലൂടെ ഈ സിനിമ പറയുന്നത്.

19/09/2026

▪️മൂവിമിറർ റിലീസ് - 838

▪️ബുദ്ധ ഇൻ എ ട്രാഫിക്ക് ജാം(2016)

▪️Buddha in a Traffic Jam(2016)

▪️ഭാഷ: ഹിന്ദി, ഇംഗ്ലീഷ്

▪️സംവിധാനം : Vivek Agnihotri

▪️ജോണർ : പൊളിറ്റിക്കൽ ത്രില്ലർ, ക്രൈം, ഡ്രാമ

▪️പരിഭാഷ : Ans Kannur

▪️പോസ്റ്റർ : അരുൺ കെപി

▪️IMDB : 7.1/10

സിനിമയുടെ വിശദാംശങ്ങൾക്കായി👇🏻

വിവേക് അഗ്നിഹോത്രി സംവിധാനം ചെയ്ത 'ബുദ്ധ ഇൻ എ ട്രാഫിക് ജാം' എന്ന പൊളിറ്റിക്കൽ ത്രില്ലർ ചിത്രത്തിന്റെ കഥ വിക്രം പണ്ഡിറ്റ് എന്നൊരു ബിസിനസ്സ് സ്കൂൾ വിദ്യാർത്ഥിയിലൂടെയാണ് വികസിക്കുന്നത്. സദാചാര പോലീസിംഗിനെതിരെ സോഷ്യൽ മീഡിയയിൽ വിജയകരമായ ഒരു കാമ്പയിൻ നടത്തിയതോടെ അവൻ കോളേജിലെ താരമായി മാറുന്നു. ഇതിന് ശേഷം, തന്റെ പ്രൊഫസറായ ജംഷഡ് ബട്കിയുടെ സ്വാധീനത്താൽ, മാവോയിസ്റ്റ് മേഖലകളിലെ പാവപ്പെട്ടവരെ സഹായിക്കാനായി വിക്രം മറ്റൊരു ഇന്റർനെറ്റ് കാമ്പയിൻ ആരംഭിക്കുകയും, പ്രൊഫസർ എഴുതുന്ന ലേഖനങ്ങൾ സ്വന്തം പേരിൽ പ്രസിദ്ധീകരിക്കുകയും ചെയ്യുന്നു. ചുവപ്പുനാടകളെയും, അഴിമതിയെയും മറികടക്കാൻ വിക്രം ഒരു പുത്തൻ ബിസിനസ്സ് മോഡൽ മുന്നോട്ടുവെക്കുന്നു. എന്നാൽ താമസിയാതെ, നക്സലുകൾ, എൻ.ജി.ഒകൾ, അക്കാദമിക രംഗത്തെ ബുദ്ധിജീവികൾ എന്നിവർ ഉൾപ്പെടുന്ന വലിയൊരു ഗൂഢാലോചനയുടെയും ചതിക്കുഴിയുടെയും നടുവിലാണ് താൻ അകപ്പെട്ടിരിക്കുന്നതെന്ന് അവൻ തിരിച്ചറിയുന്നു.

മുതലാളിത്തവും സോഷ്യലിസവും തമ്മിലുള്ള ആശയസംഘട്ടനങ്ങളും ക്യാമ്പസ് രാഷ്ട്രീയവും ചർച്ച ചെയ്യുന്ന ഈ ചിത്രം, ചില സർവ്വകലാശാലകൾ വിദ്യാർത്ഥികളെ എങ്ങനെ 'ബൗദ്ധിക തീവ്രവാദികളായി' മാറ്റുന്നു എന്ന് അന്വേഷിക്കുന്നു. സ്വന്തം ജീവൻ പോലും അപകടത്തിലായ ആ വലിയ ഗൂഢാലോചനയിൽ നിന്ന് വിക്രം എങ്ങനെ പുറത്തുകടക്കുന്നു എന്നതാണ് ഈ ചിത്രത്തിന്റെ കഥാസാരം.

17/09/2026

▪️മൂവിമിറർ റിലീസ് - 837

▪️ഹീ ലവ്സ് മീ, ഹീ ലവ്സ് മീ നോട്ട്(2002)

▪️He Loves Me, He Loves Me Not(2002)

▪️ഭാഷ: ഫ്രഞ്ച്

▪️സംവിധാനം : Laetitia Colombani

▪️ജോണർ : റൊമാൻസ്, ത്രില്ലർ

▪️പരിഭാഷ : Satheesh Gopal

▪️പോസ്റ്റർ : അരുൺ കെപി

▪️IMDB : 7.1/10

സിനിമയുടെ വിശദാംശങ്ങൾക്കായി👇🏻

'ഹീ ലവ്സ് മി... ഹീ ലവ്സ് മി നോട്ട്' എന്ന 2002-ലെ ഫ്രഞ്ച് സൈക്കോളജിക്കൽ ത്രില്ലർ ചിത്രം മുന്നോട്ട് വെക്കുന്നത് വ്യത്യസ്തമായ രണ്ട് കാഴ്ചപ്പാടുകളുള്ള ഒരു കഥയാണ്. വിവാഹിതനായ ഡോക്ടർ ബെഞ്ചമിനുമായി കടുത്ത പ്രണയത്തിലായ ആഞ്ചലിക്ക് എന്ന ഫൈൻ ആർട്സ് വിദ്യാർത്ഥിനിയുടെ കാഴ്ചപ്പാടിലൂടെയാണ് ചിത്രം തുടങ്ങുന്നത്. ഗർഭിണിയായ ഭാര്യയെ ഉപേക്ഷിച്ച് തന്നോടൊപ്പം വരാൻ അവൾ അയാളെ നിർബന്ധിക്കുകയും, ഫ്ലോറൻസിലേക്കുള്ള യാത്രയിൽ നിന്നടക്കം അയാൾ ഒഴിഞ്ഞുമാറുമ്പോൾ അവൾ കൂടുതൽ അപകടകാരിയായി മാറുകയും ചെയ്യുന്നു. എന്നാൽ സിനിമ പകുതിക്ക് വെച്ച് ഡോക്ടറുടെ കാഴ്‌ചപ്പാടിലേക്ക് മാറുമ്പോഴാണ് ഞെട്ടിക്കുന്ന ആ യാഥാർത്ഥ്യം ചുരുളഴിയുന്നത്.

Movie Mirror Subtitles

28/09/2026

27/09/2026

26/09/2026

25/09/2026

24/09/2026

22/09/2026

21/09/2026

20/09/2026

19/09/2026

17/09/2026

Address

Website

Alerts

Shortcuts

Share

Category

Listing takedown request