Hlimen, Aizawl: Mizoram

Hlimen, Aizawl: Mizoram Hlimen hi Aizawl a veng pakhat, chhim lam a awm a ni a. AMC ward XIX a awm a ni. Chhungkua 800 Aprox Hei hi Hlimen a ni.

21/07/2026

Ngaizel kawng chu one way chuan a tlang ta a. Amaherawhchu, khaw a chhiat chuan ngaih ngam taka zawh a la har dawn khawp mai.

Rawtna

Kawngchhak lung khi a sakhal tha viau mai a. Mithiam ten han zir chiang sela, a lung hian a dawl zo a nih chuan chhim lam Petrol pump piah atang sawn kher puk ni ta se, ZMC bus stand piah deuh ah sawn chhuak phei ta se. Lirthei kal vel chu an him theih a rinawm, kher thuk dan a zirin lirthei pawh a insulpel thei mai ang .

Lung ko chung sang chhip khi han en mai pawh hian la tla mai thei niin a lang a. Chuvangin, lung hi lirthei kal theihna tura kher puk mai hi fuh ber mai angem?

He kawng hi a pawimawh si a. Chhiatna lian zawk, harsatna lian zawk leh nunna chan kan awm loh nan sawrkar leh mithiam ten ngaihtuahna han seng tak tak teh u.

20/07/2026

WORLD CUP 2026 MANGTHA MAI LE
⚽️⚽️⚽️⚽️⚽️⚽️🏆🏆🏆

Kan vengah hian veng chhung Whatapps group lian tak tak a awm a, kumin World cup hian semi final match hnih ah leh Final match ah te mimal inphal te a zarah prediction tum thum buatsaih a ni a.

Semi final hmasa ah khan mak deuh maiin mi pakhat chiahin a ring dik a. Semi final pahnihna leh final ah erawh ring dik an awm nual avangin thum vawr a ni.

World cup nge nge chu a lo ropui e. ⚽️⚽️⚽️⚽️

Dated Hlimen : July ni 18, 2026 (Inrinni)*ZIRLAI TI THA CHAWIMAWI* 🇾🇪Zanin inkhawm ban dar 8:00 hian Hlimen Branch YMA c...
18/07/2026

Dated Hlimen : July ni 18, 2026 (Inrinni)

*ZIRLAI TI THA CHAWIMAWI* 🇾🇪

Zanin inkhawm ban dar 8:00 hian Hlimen Branch YMA chuan kumina Pawl 10 leh 12 passed tharte lawmpuina hun a buatsaih a. He hunah hian veng chhunga pawl 10 leh pawl 12 zirlai pass thar te an kal tha hle.

Branch YMA chuan zirlai titha te hi Citation a hlan bakah, Bialtu MLA Pi Beryl Vanneihsangin passed thar zawng zawngte lehkhabu tha tak a pe vek bawk.

Tin, Pu R. Lalngheta CYMA president chuan zirlai kalkhawm te hnenah thuchah pawimawh tak a sawi bawk a ni.

18/07/2026

Dated Hlimen : July ni 18, 2026

Col. Lalbulliana Territorial Commander, India Eastern Territory chuan Hlimen ah Hlimen Corps Biakin sakna tur lungphum a phum.

Tukin 18.7.2026 zing dar 8:30 khan Col. Lalbulliana Territorial Commander, India Eastern Territory chuan Hlimen ah HLIMEN CORPS Biakin sakna tur lung phum a rawn phum a, T.C hi a nupui Col. Lalnunhlui khawlhring TPWM te, Maj. Lianthanga Property Secretary, Territorial Headquarter leh Maj. Lalsangliana Divisional Commander, Central South Division leh Bialtu Commanding Officer te nupa Maj. JC Ngurthanzaua leh Maj. Zodini te nupa ten an tawiawm a ni.

Lungphum programme an hman zawh hian tukthuan an kilho nghal a ni.

18/07/2026

Tukin 18.7.2026 Hlimen ah hian thil pawimawh tak leh chhinchhiah tlak tak mai a thleng a.

Pakhat chu Hlimen Branch YMA in Thlanmual-I a lirthei lut thla thei turin kawng laih hnatlang a ko a, member thahnem tak an hnatlang.

July ni 9, 2026 vel atanga Ngaizel kawng ping chu hai tlang a ni ve leh ta a. Tun dinhmunah hian One Way a hai tlang a n...
17/07/2026

July ni 9, 2026 vel atanga Ngaizel kawng ping chu hai tlang a ni ve leh ta a. Tun dinhmunah hian One Way a hai tlang a ni rih a. Zan lamah chuan kawng hi khar a la ni rih bawk ang.

*IN ṬHIAHNA LEH BAWLHHLAWH PAIH RUK TUM MAN*Hlimen Kapdaia Section Bawngin mual kawng ah ni 16/07/2026 zan dar 08:30 p.m...
16/07/2026

*IN ṬHIAHNA LEH BAWLHHLAWH PAIH RUK TUM MAN*

Hlimen Kapdaia Section Bawngin mual kawng ah ni 16/07/2026 zan dar 08:30 p.m. bawr khan *Lalmuansanga* (driver) khalh motor no. *MZ 01-Y -8801*, a neitu *Pi Lalramhluni, Tuikual D Mual* chuan veng pawn aṭangin inṭhiahna leh bawlhhlawh rawn phur in paih ruk a tum lai man a ni a. AMC Solid Waste Management bye laws rule No.4.1to 4.3 angin cheng ₹5000/- fine tir a ni a, seizure memo pek niin pawisa hi AMC lamah pe tura tih a ni.

Bawngin Mual (Hlimen) ah hian ni 14/07/2026 mai khan bawlhhlawh paih ruk tum man lo ni tawhin social media ah zau zawkin thehdarh a ni a. Hemi chungchang hre reng a vengpawn aṭanga bawlhhlawh paih ruk tumna awm leh hi Hlimen khawtlang zah lohna leh ram dan pawisak lohna lian tak niin Local Council chuan a hria a. Bawlhhlawh phur lo ngaihven a report pe tute chungah Hlimen Local Council chuan lawmthu a sawi a, khawtlang ang pawhin ṭang tlang zel turin kan in ngen bawk a ni.

Source : Secretary, Hlimen Local council

*BAWLHHLAWH PAIH RUK TUM MAN*Kapdaia Section Bawngin mual kawng ah tukin dar 10:00 am bawr khan motor no. MZ 01 AB 7506,...
14/07/2026

*BAWLHHLAWH PAIH RUK TUM MAN*

Kapdaia Section Bawngin mual kawng ah tukin dar 10:00 am bawr khan motor no. MZ 01 AB 7506, Lalnunsiama Bungkawn khalh chuan bawlhlawh rawn phur in paih ruk a tum lai man a ni a. AMC Solid Waste Management bye laws rule No.4.1to 4.3 angin cheng ₹5000/- fine tir a ni a, seizure memo pek niin pawisa hi AMC lamah pe tura tih a ni.

Tuikhuahtlang thlanmual piah Bawngin mual kawng ah hian bawlhlawh paih ruk a nasa hle mai a, mipui ten hetiang phur kan hmuh chuan Local Council te hnenah a rang lama bengvar ṭhin turin kan in ngen bawk e.

Source : Secretary, Local Council, Hlimen

13/07/2026

He kawng hi Europe ram a mi, khaw dai, reh raih mai, kawng zim té si, mawi tak, fai leh romantic raih mai, Khualzin ten hawi khaw thawn nan a an tlawh fo thin emaw in lo ti ange, hei hi chu Mizoram chhung a mi, Mizoram khawpui ber Aizawl veng pakhat, Tlangnuam veng a nih hi. Kan vanneihna chu hetiang ang deuh hi khawtin/ vengtin deuhthaw hian kan nei a. A veng neituten kan enkawl dan a zirin a mawiin a nuam mai dawn a ni.

Tunlai chu Ngaizel kawng a tlang loh avangin Tlangnuam lamah kan in bangliam thin. Tlangnuam hi veng thengthaw nuam tak mai niin veng fai tak a ni.

Thahnemngaihna :
Khawpui a ni emaw thingtlang lam a ni emaw Insak tharte a mawi ta em em hlawm mai a. A lawmawm. Chutihrualin, kan chenna insak te a mawi tawh viau rualin kan kawtkai erawh a tam zawkin kan la ngaihthah deuh niin a lang a. Mahni kawtkai theuh te mawi zawk leh felfai zawk a enkawl lam ah tan ila thar zel teh ang u.

Tin, vengtin hian khawthlirna hmun hi remchang a awm chuan siam theih zel a tha. A hlu dawn. Tin, Midang a hip.

Kawng k**a lirthei dah leh bungraw dah hnawk kan chin hi kan sim hun erawh a nghahhlelhawm a ni. Theih hun erawh a la awm ang.

12/07/2026

Kumin a Bible Society of India, Aizawl Auxiliary hnuaia Branch 19 hawn thar zingah Aizawl South-I Branch hnuaia awm thin - Saikhamakawn atanga Muallungthu te chu Branch thar ah hlan kai niin Aizawl South IV Branch tih niin Branch thar a lo piang ta.
Aizawl Auxiliary hnuah ah hian Branch 69 lai a awm ve ta. Mizoramah hian BSI hnuaiah Kohhran 31 an thawkho mek nia tarlan a ni.

Tunlai hian Aizawl South IV Branch te hian BSI campaign an nei chho mek zel a. Branch O.B fehchhuak te hi BSI Zaipawlin an tawiawm thin.

Aizawl south IV Branch hian Muallungthu area zaipawl an chhawm nghal avangin zaipawl tha tak an nei nghal a ni.

Video clip : July ni 12, 2026 ( Pathianni zan) Hlimen corps a BSI campaign na a BSI zaipawl zai.

Note : Hlimen corps te hi an Biakin sa tura hma la mek an nih avangin an Biakin thiatin Y.P hall ( Naupang inkhawmna) ah an inkhawm lailawk rih a ni.

Address

Hlimen
Aizawl
796005

Website

Alerts

Be the first to know and let us send you an email when Hlimen, Aizawl: Mizoram posts news and promotions. Your email address will not be used for any other purpose, and you can unsubscribe at any time.

Shortcuts

Share