Lunes 08:00 - 14:00 Martes 08:00 - 14:00 Miércoles 08:00 - 23:45 Jueves 08:00 - 14:00 Viernes 08:00 - 14:00

Catro Ventos

Casa
España
Vigo
Catro Ventos

Catro Ventos Editora é un espazo para libros que non teñen présa. Editora de Maos Innovación Social (maos.gal).

Queremos espallar en galego as voces que traen os ventos todos sobre todo o que nos parece que exprime un novo modus vivendi para este mundo. Libros e materiais diversos que nos ilustren sobre iniciativas ou reflexións individuais ou colectivas, locais ou globais, redes, comunidades, modelos... tocante ás finanzas éticas, os mercados sociais, o ensino e a crianza respectuosos, as artes e a cultura

da xente para a xente, o consumo responsable, cultura cooperativa, a produción e o traballo en horizontal, o lecer e moito máis..

29/05/2026

Hai uns días, Andrea deu esta entrevista para El Correo Gallego e presentamos “Razóns de peso” na libraría Lila de Lilith! 🌈

Queremos aproveitar para unirnos na reivindicación da representación digna e do des**o. Tamén para felicitar a Andrea por ese premio Follas Novas 💖

Continuemos cuestionando violencias normalizadas, construíndo espazos seguros e falando da alegría dos corpos gordos 🫂

26/05/2026

Dietas de 1000 calorías para un corpo sinalado, difícil de agochar e sen enerxía. Un corpo que foi capaz de recoñecer iguais, soster afectos e loitar. Disto e máis fálanos Antonella Rodríguez Acosta en “Razóns de peso. Desbordamentos, des**os e outras incomodidades gordas”.

👉 Xa podes conseguilo tanto en ebook como formato físico a través de CatroVentos.Gal, ou na túa libraría máis próxima

Razóns de peso é un libro que fala “do peso simbólico que cargamos as persoas que habitamos corpos gordos, e do peso político que decidimos asumir. Dezanove voces diversas que nos xuntamos para dicir que xa non temos nada que xustificar para falar de amor, de s**o, de soidade, de saúde mental e física, de des**o e de mirada.”

21/05/2026

Onte desbordamos a Lila cunha presentación moi especial para nós, nunha libraría que é fogar de moitos libros e iniciativas referentes. Unha libraría que é referente e acubillo en si mesma! 💖

Foi un encontro coas coordinadoras, Andrea Nunes e Leticia Citoula, e a editora, Xiana Iglesias. Puidemos conversar sobre gordofobia, pracer gordo e comunidade. Mais, sobre todo, foi unha celebración desta antoloxía que é vivencia e esforzo colectivo 🫂

“Razóns de peso” naceu grazas a un micromecenado onde tamén participou a libraría Lila de Lilith. Obridages a quen viñestes e a todes es que formastes e formades parte deste desbordamento ✨

11/05/2026

Compostela! Gardade a data, porque temos presentación 🌈

O mércores 20 de maio ás 19:00, na libraría Lila de Lilith, presentaremos “Razóns de peso. Desbordamentos, des**os e outras incomodidades gordas”. Será un encontro coas coordinadoras, Andrea Nunes e Leticia Citoula, e a editora, Xiana Iglesias 💖

Esta antoloxía é posíbel tamén grazas á libraría Lila de Lilith. Elas achegaron no micromecenado que permitiu a publicación deste primeiro volume contra a gordofobia en galego, formando parte deste desbordamento ✨

“Razóns de peso” é un libro incómodo. Non foi escrito para agradar, senón para abrir espazo. Fala do peso que non marcan as básculas: o peso simbólico que cargan os corpos gordos e o peso político de habitalos. O peso das miradas, das humillacións e das violencias; mais tamén o das apertas, dos risos, da memoria e do des**o. Estas páxinas debuxan unha cartografía colectiva de carne, rabia e pracer que desafía a estreiteza de miras e cuestiona a lóxica do medo, do normativo e do hexemónico. Aquilo que o sistema quixo converter en vergoña transfórmase aquí en orgullo.

Se ti aínda non recolliches a túa recompensa do Verkami, avísanos e levámola á presentación! 🫂

08/05/2026

🌈 Escribir desde o corpo… en comunidade

Onte participamos no encontro “Escritas desbordadas: narrar o que incomoda”, no marco do Corufest, na Biblioteca Ágora.

Deixamos por aquí unhas fotos preciosas de Claudia L. Franco desta xornada onde desbordamos. Porque escribir e editar nas marxes tamén é formar parte dunha comunidade ben linda e, sempre, aprender.

Na mesa redonda estiveron Andrea Nunes e Leticia Citoula como coordinadoras da antoloxía “Razóns de peso”. A conversa foi moderada por Nee Barros, parte da nosa equipa editorial. Tamén participaron Miguel Calvo Marques, autor de “As esquinas”; e Daniel Amarelo e Alva Lourenço, autories do “Guia de linguagem não-binária”.

Moitas grazas a quen viñestes. Tamén á organización do .2026 e a pola oportunidade e o espazo 💖

20/04/2026

💖 Comeza a xira de “Razóns de peso”

Levaremos estes desbordamentos, des**os e outras incomodidades gordas pola Galiza adiante. Despois da Casa do Taberneiro e do congreso da rede educativa de apoio LGBTIQA+ de Galiza, agora estaremos:

✨ Sábado 25 de abril ás 16h na Morada, Vigo. Dentro do Festival LBTIQ+ de Nós Mesmas. Bule, tes que reservar entrada (de balde)!

🌈 Xoves 7 de maio dentro do Corufest, na Coruña. Hora e lugar aínda por determinar.

🫂 Mércores 20 de maio ás 19h na libraría Lila de Lilith, en Compostela.

🩷 Venres 22 de maio ás 19.30h na libraría Metáfora, Pontevedra. Como parte do Orgullo LGBTIQA+ da cidade, organizado por Avante LGBT+ Pontevedra e o Concello.

Vémonos nalgunha? Garda esta publicación para non esquecelas!

13/04/2026

Non temos mapas, mais estamos ben acompañades nesta viaxe! ⛵️

Moitísimas grazas a todes es que desbordastes a presentación de “Razóns de peso”, a primeira antoloxía en galego de activismo gordo e o primeiro libro da nova Catro Ventos Editora 🌈

Obrigades tamén a todas as autorías do libro, tanto quen estivo como quen non. Sentímonos afortunades de traballar cos vosos textos e convosco 💖🫂

Agora levamos connosco todo o amor (e carraxe, e risos, e música) que encheu a Casa do Taberneiro este venres ✨

🎶 A canción deste vídeo resumo é “Bachata gorda” de Ailén Kendelman e Areta Bolado. Forma parte da “Triloxía da graxa”, dentro de “Razóns de peso. Desbordamentos, des**os e outras incomodidades gordas”.

09/04/2026

Un novo libro chega ao mundo! Mais antes queremos agradecer a todas as persoas que cederon material e tempo para o micromecenado 🥹

Chapatízate, Éric Dopazo, O Mel da Inés, Festival “Y se armó la gorda”, Iván Folgueira, Maos Innovación Social, Piratas sen parche, Aranxa Vicens, Cristy Tojo - Avalon Kai, Andrea Vegabreu, Magda Piñeyro, Mané (Andrea Rico Adega), Agrocuir da Ulloa, Xiana Quintas, Vanessa Glemsel, Xícara Tenda, Ugia Pedreira, Andrea Nunes, Casa Castro, Árbore Azul, Dacal, Nuria Vil, A Arca da Noe, Ailén Kendelman e Areta Bolado, Mercedes Peón, Tamborililás, PAVA, Pilar Briones, Marabillarte, Cestola na Cachola, Yoseba MP, Séchu Sende, Vanesa de Sousa 🩷

MOITAS GRAZAS 🫂

Agradecemos tamén a axuda da plataforma Verkami e de todes es mecenas 🌈✨

👉 “Razóns de peso” xa está dispoñíbel para prevenda no noso web, e chegará ás librarías o 10 de abril

07/04/2026

Ficas convidade! 💖🌈🫂

Este venres 10 de abril, presentamos en Compostela o primeiro libro desta nova etapa: “Razóns de peso. Desbordamentos, des**os e outras incomodidades gordas”, coordinado por Andrea Nunes e Leticia Citoula! Será un evento festivo e moi especial, coas coordinadoras e diversas autorías, anímaste?

✨ Vémonos o día 10 ás 19:00 na Casa do Taberneiro!

26/03/2026

Temos un agasallo exclusivo para vós! 😌

Como prometemos, queremos que as persoas mecenas teñades un anaco de “Razóns de peso” antes que ninguén. Por iso, enviámosvos en primicia o poema de Andrea Nunes que dá título á antoloxía 🫂

Grazas a cada unha das 213 persoas que apoiastes o Verkami, acadamos 6.090 €, o dobre do mínimo que precisabamos. Isto permítenos remunerar as autorías e facer unha presentación moi especial na Casa do Taberneiro o venres 10 de abril ás 19:00 h 💖

Ese mesmo día, o libro chegará ás librarías e tamén se poderá mercar a través do noso web, catroventos.gal ✨

Cada achega á campaña foi unha oportunidade de darlle voz a cada unha destas historias, de aprender e de partillar un camiño colectivo. Para nós é unha ilusión enorme que este libro saia adiante e poidamos celebralo xuntes 🥹

Dirección

Avenida Rodríguez De Viguri, 6, 1º
Vigo
15703

Horario de Apertura

Lunes	08:00 - 14:00
Martes	08:00 - 14:00
Miércoles	08:00 - 23:45
Jueves	08:00 - 14:00
Viernes	08:00 - 14:00

Página web

http://catroventos.gal/

Notificaciones

Sé el primero en enterarse y déjanos enviarle un correo electrónico cuando Catro Ventos publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Atajos

¿Quieres que tu empresa sea el Cine mas cotizado en Vigo?