19/09/2026
Palmarés Cinema a Pedal 2026 📽️✨🚲
Esta noitiña celebramos a entrega de premios da nosa primeira edición competitiva e estamos moi felices de compartir convosco o palmarés, que quedou do seguinte xeito:
✨ MELLOR LONGAMETRAXE
“3000 km en bicicleta”, de Ivan Vescovo, unha viaxe que é tamén unha busca interior, na que o esforzo físico e a inmensidade da paisaxe se converten no camiño cara ao autodescubrimento do protagonista.
✨ MELLOR CURTAMETRAXE
“Cara de bicicleta”, de Amaia Nerekan Umaran e Itziar Zorita Agirre, un ensaio audiovisual que, con intelixencia e rigor formal, recupera a memoria histórica para reflexionar sobre o control do corpo das mulleres e a súa loita pola liberdade.
✨ MENCIÓN ESPECIAL DO XURADO
“Historia dunha bicicleta”, de Xoán Fernández Díaz, unha película que confía na mirada máis que na trama e demostra que a exploración pode converterse nunha ferramenta singular dentro do propio acto de narrar.
E o público escolleu:
💛 MELLOR LONGAMETRAXE
“Rodando”, de Mária Castaño
💛 MELLOR CURTAMETRAXE
“Beauty”, de Eduardo Muñoz e José del Corral
💛 MELLOR CURTAMETRAXE INFANTIL
“América”, de Javier Arias-Stella
Parabéns a todas as películas premiadas e moitísimas grazas ao xurado, ás cineastas, á presentadora Vanessa Glemsel e, por suposto, a todo o público que exerceu o seu dereito a voto 😉
Pero aínda non rematou. Este domingo dedicamos a última xornada á dimensión máis social e solidaria da bicicleta 🫶
Vémonos nos Cines Municipais da Ramallosa, no Centro Comercial Ramallosa de Nigrán! ☀️
Cinema a Pedal é posible grazas ao ✨ Concello de Nigrán ✨
E conta coa colaboración de ✨ Cine ICAA ✨ Deputación Pontevedra ✨ ✨ Frutas Nieves ✨ paraísos de papel ✨ Vanetta® | Productos plant-based ✨ La Pedalería ✨ Decathlon España ✨ Calabizo® ✨ Asante Sana ✨
