29/01/2018
" خير لك ان تزخر مكتبك بالكتب من أن تمتلئ محفظتك بالنقود" (جون لايلي).
معرض الكتاب بدأ و طبعا مينفعش نفوت الفرصه دي 😇 ، بس عشان نستغل الفرصه دي صح لازم نبقي عارفين شويه معلومات كدا قبل ما نروح :😄
1_ قبل ما تروح اعرف ايه هي خريطه المعرض عشان تسهل علي نفسك انك تروح المكان الي انت عايزه و توصل لدار النشر بسهوله.
2_لازم تحدد ميزانيه محدوده للكتب و ترتبهم بالاولويه ، و ممكن تحدد ميزانيه او مبلغ علي جنب كدا للحاجات اللقطه الي ممكن تقابلك مثلا شوفت كتاب عجبك مكنتش كاتبه في القائمه بتاعتك حاجه سعرها حلوو جداا وهكذا.
3/ جهز قائمه للكتب( انت عايزها او حد رشحهالك...الخ) و لازم يبقي فيها اسم الكتاب و المؤلف و المترجم لو الكتاب مترجم + اسم دار النشر علشان تعرف تجيب النسخه الي انت عايزها بسهوله ، و من المواقع الي ممكن تفيدك في الموضوع دا good reads ، موقع النيل و الفرات.
*كمان احنا بنرشحلك أسماء كتب 😉 زي :
ليطمئن قلبي (احمد امين) اكذوبة الحجاب (محمد خلاوي)،السيرة،مستمرة( للدكتور احمد خيري عن حياة الرسول صلى الله عليه وسلم) رواية مقطوعه الموت ( مريم المير) رواية لن تكمل وحدك ( محمد رجب) رواية بالامس انجزت حياتي (محمود ابو عيشه) رواية ثاني اكسيد الحب (مني سلامة)،رواية ولو بعد حين ( دعاء عبد الرحمن) ،رواية قوم اذا عشقوا خانوا( نرمين احمد) ،رواية حور مالك٢ (محمود بكري) قواعد جارتين( لمؤلف ارض زيكولا لعمرو عبد الحميد) رواية طيور العنبر ( ابراهيم عبد المجيد).
4/خليك متنوع متبقاش القائمه كلها شعر او روايات او سياسيه بس ،و أقرأ قديم و جديد .
5/ عدي علي الهيئه العامه للكتاب الكتب اغلبها مدعمه و مترجمه كويس ، المركز القومي للترجمه بيبقي عامل خصم 50% علي الكتب للطلاب عشان كدا هات الكارنيه معاك ، مكتبه مصر و مكتبه الاسره فيها كلاسيكيات الأدب المصري . الاماكن دي لازم تروحها بدري و في اوائل ايام المعرض لان بيبقي فيها كتب ممكن متكونش موجوده طول السنه والضغط عليها بيبقي كبير فلازم تروح بدري قبل ما الدنيا تضيع عليك.
6/اشتري من سور الازباكيه المستعمل بس متشتريش الجديد لانه مضروب .
7/ خد معاك شنطه كبيره و اكل عشان هتقعد طول اليوم و هتجوع ، ازازه مايه ضروري عشان الاسعار غاليه هناك ، اخيرا بسكوت او حلويات عشان هتهبط من كتر اللف .
ملحوظه أخيره ، لحد يوم 10 فبراير عدد من الكتاب و الناشرين بيبقو موجودين ف ألحق روح قبل اليوم دا لو عايز تشوف الكاتب الي بتحبه 😉.
#حدوته مصريه
#نيتك دايما لله نغير بيها حياه.
