29/06/2024
ORI ADETU A BI IWA PELE
Ori okere ku nitori ofin iwa inumi ni mo ri, ero inumi ni mo o mo tani yio mu mi.
Awon agba bo won ni omo ti a ba bawi to n'wa orun ki dandan yoo parun lojo kan.
Bi Ori okere se parun niyi nitori iwa aseju baba asete ti awon agba si so itan igbesi aye re si di owe ORI OKERE KOKO LAWO BI A BA WI FUN OMO ENI A GBO.
Leyin iku Ori Okere ninu igbo ebora, Ori Adetu sunkun pupo nitori adanu nla lo je lati fi igba omi eni se orun ajiyo, ki eni a fe dagbere mi o ni wa a mo nitori ofo nla ni ki i mojesin ti oju obi rorun alakeji.
Ori Adetu gbe oku Ori Okere lowo wo inu ilu pelu omije ti gbogbo tomode tagba si fi tilu tifon pade re lenu ibode. Bayi ni kabiesi se da ile ati ona re si meji fun Ori Adetu ti won si fi je oye Alagbala.
Ori Adetu Alagbala ntesiwa ninu iwa rere re leyin to pada si arin ilu ti opolopo si nwo awokose re fi huwa nitori bi eledumare se fi agbara, owo, ogun ati ipo da a lola ko fi ni enikeni lara tabi gbe iwa igberaga wo bi ewu. Bayi ni Ori Adetu se di eni aye'nfe ti ki i ni arun kankan.
Leyin opolopo odun ti alafia n'joba larin ilu ni kabiesi se aisan ranpe kan ti o si gba emi oba lo. Bi kabiesi se waja niyi ti awon agba si pe adifala lati wa difa omo oye tuntun. Bayi ni ifa se mu IWA OMO.
IWA OMO di oba tuntun gbogbo ilu n'jo won n'yo sugbon oro agba kan kii jabo ko ma ni ipa tie larin eda. Bi oruko omo se nro omo beni iwa eda ko le e gbe inu e fun ojo pipe lai hu jade bi ewebe.
IWA OMO joba tan ogbagbe adehun ofin ipilese ilu, o gba ade tan o se kan'ndu Kiri nitori agbara. Bi ara se n ni omode ni agba o ri ibi gbe orun le nitori ojoojumo ni ofin n'gori ofin.
Oba IWA OMO ranse pe Ori Adetu ko jawo ore sise nitori ilu oun kii se ilu akiikisore atipe oba lo ba lori oungbogbo, owo eru ni mo fe ki a maa fi awon eniyan wonyi se sugbon Ori Adetu dalohun pe laye olugbon ko baje besini laye aresa kobaje. Agba kiisi was loja kii ori Omo tuntun wo, iwa rere owo temi ko le kuro nitori apele oruko mi ni.
Inu bi kabiesi ti o si fi i ibinu kuro ni iwaju Ori Adetu. Bayi ni IWA OMO se n wa gbogbo ona lati reyin Ori Adetu. Gbogbo ilu feran Ori Adetu ju oba lo nitori awon agba bo won ni iwa omo lo n mu omo se okigbe gege bi oba IWA OMO alagbada iwa ika.
Leyin oran yi, kabiesi pa idi apo po pelu awon agba obayeje kan lati wa ona lati mu Ori Adetu nitori won ti gbiyanju gbogbo agbara won sungbon pabo lo n'jasi. Bi won se puro mo omo kansoso ti Ori Adetu bi niyii pe o ji ewu orisa gbe ti o si di ewo ilu pe enikeni ko gbodo da a*o iru e se oro.
Whala yi le pupo ti gbogbo ilu ti Ori Adetu n gbiyanju lati gba oromodiye won lowo iku ko gba pe omo re ko le hu iru iwa be. Bi gbogbo won se fi enu ko lati be ori omo Adetu si idi orisa niyii. Inu bi Ori Adetu gidigidi nitori enu to gbe leyin lotun pada ge e ge. Lotito Ori Adetu ni agbara lati koju ija ko gbogbo ilu na sugbon ki oro awon agba to so pe; ORI ADETU A BI IWA PELE le pada wa si imuse. Bi o se gbera niyi ti o si di odo to n san di oni oloni ti itan aye re si di manigbagbe larin awon alagbara ilu na.
ORI ADETU A BI IWA PELE.
