22/01/2025
గత నాలుగు రోజుల నుండి తన ఫోటో లు పెడుతూ అందం, అందం అంటున్నారు..
పూసలు, దండలు, చేతులకు చుట్టుకునే తాళ్లు అమ్ముకునే ఎవరికీ ఏ హానీ, కీడు చేయని, మోసానికి పాల్పడే అవకాశమే లేని తన వృత్తి ని అభినందించికుండా అందం అంటే ఇదీ అంటూ, సుందర వదనం అంటూ చాలా మంది ప్రశంసిస్తున్నారు..!
ఉన్నత విద్య అభ్యసించి,ఆధునికత కు విచ్చలవిడి గా అలవాటు పడి అవినీతి కీ, లంచాలకూ మరిగి, తమకంటే ఆర్థికంగా,సామాజికంగా, తక్కువ లో ఉన్న వారిని కనీసం సాటి మనిషిగా కూడా చూడకుండా
ఏసీ ల్లో పుట్టి,పెరిగి, చివరికి ఏసీ లోనే చచ్చే పీనుగుల కు కూడా అందం, చందం ఉంటుంది..!
బిచ్చ గాడు 1 సినిమా నేను చూళ్ళేదు కానీ జనాల నోటి గుండా నేను విన్న దాని ప్రకారం అందులో హీరో శ్రీమంతుడు ఐనప్పటికీ తన తల్లి ఆరోగ్యం బాగు పడటం కోసం బిచ్చగాడు గా మారుతాడు.ఒక శ్రీమంతుడు తన అవసరం కోసం బిచ్చ గాడు గా మారితే అదో పెద్ద గొప్ప తనం అయ్యే ఈ సమాజం లో నిజం గా బిచ్చ గాడి బతుకు బతికే వాడి మొహం కూడా సరిగ్గా చూడదు. బిచ్చ గాడివి అంటూ అసహ్యించుకుంటుంది. కాళ్లు,చేతులు బాగానే ఉన్నాయి ఏదైనా పని చేసుకొని బతకొచ్చు కదా అని ఉచిత హితబోధ చేస్తుంది..!
అలాగే ఈ అమ్మాయిలో అందం తప్పా శ్రమైక జీవన సౌందర్యాన్ని చూడలేని అంధులకు నా ప్రగాఢ సానుభూతి..!
అన్నట్టు చేతి లో టిఫిన్ పట్టుకొని
పొలం పనులకు,చుట్టుపక్కల కంపెనీ లలో
చిరు ఉద్యోగానికీ వెళ్లే అమ్మలక్కలు కూడా ఇలాగే అందంగా ఉంటారు..!!
