17/09/2022
"عندما تصبح لنا معشر اليهود السيطرة الكاملة على العقبة وخليجها فإننا نستطيع مهاجمة الحجاز وتدمير الأماكن الخُرافية في مكة والمدينة " ‼️
اليهو•دي الأمريكي"بن هانخ ته" في مقال ليه في صحيفة "النيورك تايمز" سنة ١٩٤٨ م.
الناس اللي مفهمتش أوي بوست إمبارح الخاص بمدينة نيوم المزمع انشائها حالياً وهتقع على الأراضي السعودية المصرية الأردنية وإنها ازاي وبالصدفة البحتة بتقع بالظبط على حدود دولة إسر•ائيل الكبرى الموجودة في خريطة صهيو•نية من اكتر من 100 سنة.. خلينا في البوست ده اشرحلكم تاريخ وتفاصيل الخريطة دي وتطابقها مع مدينة نيوم وأصل التسمية دي وعلاقة الكيان الصهيو•ني بيها.
مقال مفصل وطويل شوية بس فيه معلومات هتكون جديدة على حضراتكم.
الخريطة اللي في الصورة دي منشورة في كتاب اسمه ” A Zionist Primer ” أصدرته منظمة (Young Judaea) في نيويورك سنة 1917، عبارة عن مجموعة من المقالات لرموز من الحركة الصهيو•نية لتثقيف الشباب اليهو•دي في أمريكا، وتعريفهم بتاريخهم التوراتي وأرضهم الموعودة.
اللي طلع الخريطة للعلن شخص ليه دور بارز في التاريخ اليهودي الحديث، اسمه "إيتمار بن آفي"، فهو رمز من رموز الحركة الصهيو•نية في بدايات القرن العشرين، وتخليدا لدوره بيطلق اليهو•د في فلسطين المحتلة اسمه على شوارع وفنادق في القدس والمستوطنات الإسر•ائيلية.
إيتمار بن آفي اسم شهرة اختاره بن صهيو•ن نجل ابن إليعيزر بن يهودا، أول من أحيا اللغة العبرية في فلسطين وواضع أول قاموس ليها، وأكتر حاجة مشهور بيها بن آفي أنه أول طفل إسرائيلي اتولد في القدس المحتلة سنة 1882، بيتكلم العبرية، وده لأن أبوه وأمه مش بيتكلموا غير بالعبرية في البيت وفي الشارع لإحياء اللغة المندثرة.
المهم الخريطة دي بتعتمد في الأساس على النص الوارد في التوراة في سفر التكوين (15:18-21) اللي بيزعم أن الله عطى الأرض دي لبني إسرائيل، النص بيقول:
"في ذلك اليوم عقد الله ميثاقا مع أبرام ( اللي هو سيدنا إبراهيم) قائلا:
«سأعطي نسلك هذه الأرض من وادي العريش إلى النهر الكبير، نهر الفرات. أرض القينيين والقنزيين، والقدمونيين والحثيين والفرزيين والرفائيين والأموريين والكنعانيين والجرجاشيين واليبوسيين».
ايه المناطق الغريبة دي وفين بالظبط؟
من الكلام ده واضح إن قادة الحركة الصهيونية اللي كلامهم كان عن ضم الأرض من النيل للفرات بس، كانت دوافعهم استراتيجية أبعد من النصوص التوراتية، ومن الواضح أنهم بيخططوا على مراحل، اللي بيقوي الاحتمال ده إن الخريطة اللي اترسمت على العملة المعدنية الإسرائيلية (10 أغورة) اللي صدرت في الثمانينيات، وعليها الشمعدان السباعي ووراه خريطة محفورة بتتفق مع الخريطة اللي بنتكلم عنها في المقال ده في الجزء المتعلق بسيناء، ولكنها بتحيط بثلث أرض الحرمين وثلثين العراق ونص سوريا وكل الأردن ولبنان وفلسطين، وأتكلم عنها صراحة الرئيس الفلسطيني الراحل ياسر عرفات في مجلس الأمن عام 1990 للتحذير من الأطماع التوسعية ولكن الصهاينة أنكروا الخريطة وزعموا أن المرسوم على العملة مستنسخ من عملة قديمة قبل الميلاد!
ولو رجعنا لخريطة بن آفي هنلاقي إ ن الحدود الشرقية لـ ” أرض إسرائيل” بتمتد للسماوة على نهر الفرات وبتستمر مع النهر لحد دخوله ارض سوريا قبل ما يطلع يصعد لتركيا.
اما الحدود الشمالية لـ ” الأرض الموعودة” فبتضم كل الأراضي العراقية غرب الفرات، ومعظم الأراضي السورية ما عدا دمشق، وأجزاء من لبنان، وكل الأردن وفلسطين!
اما الحدود الغربية للأرض المزعومة فبتوصل لوسط سيناء، بتبدأ بخط رأسي من العريش شمالا لحد خط عرض 29 جنوبا وبتنحرف غربا في خط مستقيم لمنطقة أبو زنيمة على خليج السويس، يعني ثلثي سيناء تقريبا!
اللي حطوا الخريطة دي بقى قرروا أن تكون الحدود الجنوبية لإسر•ائيل الكبرى في الجزيرة العربية هي خط العرض 28، ولكن في الركن الشمالي الغربي للسعودية ييميل الخط المستقيم جنوبا لحد ضبعا، والضلع الصغير ده اللي بيوصل بين البحر الأحمر وخط العرض 28 بيطلع بزاوية انحراف قدرها 30 درجة.
والمفاجأة بقى أن الضلع المايل ده هو الحد الجنوبي لمشروع “نيوم" حرفيا!
فمحمد بن سلمان ولي العهد السعودي لما أعلن في اكتوبر 2017 عن المساحة المخصصة لمشروع “نيوم” اللي هتدار بالكامل بالذكاء الاصطناعي وهتكون انعكاس لما ستكون عليه المجتمعات الحضرية مستقبلًا في بيئة خالية من الشوارع والسيارات والانبعاثات، وهتسهم في المحافظة على 95% من أراضي نيوم للطبيعة، وهتعتمد على الطاقة المتجددة بنسبة 100%، لجعل صحة الإنسان ورفاهيته أولوية مطلقة بدلا من أولوية النقل والبنية التحتية كما في المدن التقليدية".
بن سلمان خلى المحور الجنوبي متطابق تماما مع الخط المرسوم في خريطة بن آفي، في نفس المكان وبنفس الزاوية (30 درجة) لحد ما يوصل لخط العرض 28 اللي بيمتد شرقا لحد خط الطول 45 درجة تقريبا ويصعد شمالا لحد السماوة على نهر الفرات.
المريب اكتر بقى إن تحديد مساحة “نيوم” على النحو الوارد في الخريطة بيتعارض تماماً مع التقسيم الجغرافي لإمارة تبوك، ومش مرتبط بحدود المحافظات داخل الإمارة، وبيتعارض مع التضاريس والجبال وطرق المواصلات!
فمفيش أي منطق او مرجعية تخلي مكانها ومساحتها وحدودها بالشكل ده غير خريطة إسرائيل الكبرى دي!
الاغرب بقى هو قرار بن سلمان بأن تكون “نيوم” مستوطنة أجنبية لا تخضع للقانون السعودي او اي قانون آخر ، زي الضرائب والجمارك، وقوانين العمل، والقيود القانونية على الأنشطة التجارية.
ليها قانونها الخاص ومجلس إدارة من الأجانب ومش هيدخلها السعوديون والعرب إلا كسائحين!
وبحسب بن سلمان، مشروع نيوم عبارة عن إنشاء منطقة تجارة وسياحة حرة تبلغ مساحتها 26.5 ألف كيلومتر مربع، هتطل على البحر الأحمر من الشمال والغرب.
وإنه ومن المقرر تنفيذ ألف كيلو متر مربع من مشروع نيوم في شبه جزيرة سيناء في مصر وتحديداً في المنطقة السياحية بشرم الشيخ وجزيرتي تيران وصنافير وشريط بطول 468 كيلو مترا قبالة ساحل خليج العقبة.
وبالإضافة إلى مصر، هيتم تنفيذ مشروع نيوم في جزء من الأردن، واللي هيشكل الحدود الشرقية لمنطقة نيوم مع جبل على ارتفاع 2500 متر وكل ده بتكلفة 500 مليار دولار.
وخلي بالك من ضخامة الرقم في بلد أقر موازنته الجديدة بعجز 141 مليار ريال سعودي (37.5 مليار دولار)، وخفض إنفاقه العام بنسبة 7.3%، وبينتظر دعم مالي من الصناديق السيادية والاستثمارية، ويعاني ارتفاع نسب الفقر والبطالة.
فتستغرب ليه كل التكاليف دي ومين الممول الحقيقي ليها!
وعن علاقة إسرائيل بالموضوع لحد دلوقتي قالك أصلاً مشروع زي دي على خليج العقبة اللي ليها في ميناء ايلات وقريب من حدودها مينفعش يتم غير بموافقتها أصلاً!
وده مش كلامي ده تقرير لصحيفة "هآرتس" الإسرائيلية قالت فيه إن بناء الجسر اللي هيربط بين "مدينة المستقبل" نيوم اللي بتخطط لإنشائها السعودية مع مصر، ومن هناك للقارة الأفريقية بأسرها، الحصول أولا على موافقة إسرائيل".
ونقلت الصحيفة عن رئيس مركز "حاييم هيرتسوغ" للدراسات الشرق أوسطية في جامعة بن غوريون في النقب، يورام ميتال، قوله إن:
"علاقة إسرائيل في هذا المشروع حرجة"، وأنه "بالتأكيد قد جرى بحث هذا الأمر بين إسرائيل والسعودية"، وأنه "كانت هناك بعض القنوات السرية".
وأوردت الصحيفة الإسرائيلية تعقيب للخبير في معهد واشنطن لسياسة الشرق الأدنى، سايمون هندرسون أكد فيه على أنه
"في حال لم تتشاور السعودية مع إسرائيل حول هذا الأمر قبل بناء الجسر، فإنها ستصطدم بمعيقات في تنفيذ المشروع".
"لا يساروني الشك في أن المملكة العربية السعودية قد تشاورت مع إسرائيل حول هذه المسألة، سواء مباشرة أو عبر الولايات المتحدة."
ولو سألنا سؤال بسيط جداً عن معنى الاسم التجريدي لمدينة "نيوم" الغريب ده هنلاقيهم بيقولوا لا ده مشتق من اللغة اللاتينية "نيو" (neo) والميم مأخوذة من الكلمة العربية "مستقبل".. سلطة بلدي يعنى.
والغريب هنا أن يتم اشتقاق لا مبرر ليه لاسم أجنبي أساسا لأن حرف الميم موجود في اللغات اللاتينية أصلا.. في تسمية مدينة على أراضي عربية.
ومن الغريب جداً إن كلمة "نيوم" معناها : "وحش، شيطان أو شخص شرير بلا إنسانية" في قاموس "ڤيكسيونير" الفرنسي! اللي هو وحش ده الإسم الرمزي للمسيح الدجال في الكتاب المقدس أصلا فهل هي زي ما فيه بعض الجماعات بتروج مدينة الدجال المستقبلية!
البعض قالك لا الاسم نيوم كلمة توراتية، وورد ذكره في التوراة ومعناه " نعوم"، وهي إسم مملكة يهود•ية" ממלכת נוים " ، بيعاد إحياؤها في المكان ده شمال السعودية ومصر، وجنوب فلسطين والاردن.
اما الرواية الأغرب فيما يخص الإسم بقى إن الاسم مشتق من كلمة “مدين”، بقراءتها معكوسة ” نيدم” مع استبدال حرف الدال بحرف الواو اللي ليه رمزية وعلاقة بقصة الخروج.
فسفر الخروج اللي بيروي قصة اليهود في مصر والخروج منها لمدين بحرف الواو، فيبدأ بـ “وهذه أسماء بني اسرائيل الذين جاءوا إلى مصر مع يعقوب”.
فأصبح الاسم الصهيوني الجديد لمدين هو “نيوم”.
ايه مدين دي كمان وليه اشتقوا منها الإسم وايه علاقتها بموقع المدينة ؟
الحدود الجغرافية اللي قررها بن سلمان لمشروعه المتطابق مع الحدود اللي حطها الصهاينة من 100 سنة هي نفسها طبق الأصل حدود أرض مدين القديمة، الخاصة بقوم سيدنا شعيب اللي بيزعم اليهو•د أنها أرض يهود•ية وعايزين يستعيدوها ويضموها للكيان.
أهمية أرض مدين لليهو•د بناء على تفسيرات من التوراة بتشير لأنها الأرض اللي هرب إليها بنو إسر•ائيل من مصر، وعاشوا فيها بعد نجاتهم من فرعون، فهما بيرفضوا الرواية السائدة في مصر اللي بتقول إن الهروب كان لسيناء حيث يوجد جبل موسى وصحراء التيه وعيون موسى.
الرواية التوراتية الجديدة اللي بتمتليء بيها كتب اليهود في نصف القرن الأخير أن العبور مكنش من خليج السويس ومكنش الهروب في سيناء، وإنما العبور من خليج العقبة والهروب لأرض مدين.
ودي محتاجة مقال تاني لشرح حقيقة أرض مدين دي واللي بيقولوا فيها جبل الطور الحقيقي اللي كلم فيه ربنا سيدنا موسى وعجل السامري وال12 عين وآثار فرعون ومطاردته لموسى وان كلها موجودة في السعودية مش في مصر بالتحديد في نفس موقع مدينة نيوم اللي مساحتها وحدها اكبر من فلسطين المحتلة!
المقال طويل وملغم بمعلومات صادمة وارد تكون كلها مجرد مصادفات مكانية رمزية ووارد تكون حقائق لكنها حقائق مرعبة جداً.. أتمنى يكون الشرح عجبكم.
المقال منقول : بقلم Yahia El Genally
